The Phnom Penh Post Search

Search form




Logo of Phnom Penh Post newspaper Phnom Penh Post - គ្រួសារ​ចម្លែក​រស់​នៅ​ក្នុង​បន្ទប់​ទឹក​ចិន​សាធារណៈ

គ្រួសារ​ចម្លែក​រស់​នៅ​ក្នុង​បន្ទប់​ទឹក​ចិន​សាធារណៈ

គ្រួសារ​ចម្លែក​រស់​នៅ​ក្នុង​បន្ទប់​ទឹក​ចិន​សាធារណៈ

121122_24a
ជីវភាពរស់នៅក្នុងបន្ទប់ទឹកសាធារណៈរបស់គ្រួសារ លាវ ស៊ាវមីង

ក្រុង​បុមបៃ : លោក លាវ ស៊ាវមីង វ័យ​៣៣​ឆ្នាំ​និង​ប្រពន្ធ​គាត់​អ្នក​ស្រី​ វ៉ាង ស៊ូនណា ព្រម​ទាំង​​កូន​បាន​ប្រើ​បង្គន់​សាធារណៈ​ដែល​ស្ថិត​នៅ​តាម​ដង​វិថី​របស់​ ខេត្ត​គ័ងចូវ​ ជា​ជម្រក​រស់នៅ​អចិន្រៃ្តយ៍​តែ​ម្ដង។ ទាំង​ប្តី​ប្រពន្ធ​សុខ​ចិត្ត​ទុក​ចោល​ការងារ​ស្រែ​ចម្ការ មក​ធ្វើ​ជា​អ្នក​សម្អាត​បង្គន់​ដើម្បី​ឲ្យ​កូន​បាន​ទៅ​រៀន និង​មាន​អនាគត​ភ្លឺស្វាង។

ផ្ទះ​របស់​ពួក​គេ​មាន​ទំហំ​តូច​ចង្អៀត​មែន​ទែន ​ដែល​សឹង​តែ​យើង​មិន​អាច​នឹង​ស្រមៃ​ដល់​ថា​តើ​អ្នក​មាឌ​ធំ​នោះ​នឹង​ចូល​ទៅ កាន់​ទី​នោះ​បាន​ដែរ ឬទេ?

លើ​ផ្ទៃ​ទំហំ​ពីរ​ម៉ែត្រ​បួន​ជ្រុង អ្នក​ស្រី​ វ៉ាង បាន​ប្រើ​វា​ជា​បន្ទប់​បាយ​សម្រាប់​ចម្អិន​ម្ហូប​អាហារ​និង​កន្លែង​ទទួលទាន ​ ដោយ​មិន​ខ្វល់ពី​វត្តមាន​មនុស្ស​ម្នា​ចូល​មក​ជុះ​នោម​ ឬ​បន្ទោបង់​នោះ។ តែ​ពិត​ជា​គិត​មិន​ដល់​ឡើយ​ថា បន្ទប់​នេះ​តូច​មែន​ តែ​វា​ត្រូវ​បាន​គ្រួសារ​នេះ​ច្នៃ​វា​បាន​ជា​បន្ទប់​គេង​នៅ​ខាង​លើ​បាន​ដោយ​ មាន​កន្លែង​ដាក់​ទូរទស្សន៍​ និង​ជា​កន្លែង​លេង​បៀរ​កម្សាន្ត​ទៀត​ផង។

Content image - Phnom Penh Post

ក្រុម គ្រួសារ​លោក​ លាវ ស៊ាវមីង​ និង​អ្នក​ស្រី​វ៉ាង​ក៏​មាន​បំណង​ចង់​ជួល​ផ្ទះ​ល្អ​ជាង​នេះ​ដើម្បី​ឲ្យ​កូន​ ប្រុស​វ័យ​១៣​ឆ្នាំ​រស់​នៅ​មាន​ជីវិត​ស្រស់​ស្រាយ​ដែរ តែ​តម្លៃ​ជួល​ថ្លៃ​គឺ​៦៤​ដុល្លារ​ក្នុង​មួយ​ខែ ខណៈ​ការ​រក​ប្រាក់​ចំណូល​របស់​ពួក​គាត់​មិន​អាច​ផ្គត់​ផ្គង់​លើ​រាល់​ការ​ ចាយ​វាយ​ប្រចាំ​ថ្ងៃ​នោះ​ឡើយ​ដូច​ជា​ការ​ចំណាយ​លើ​សៀវភៅ​រៀន​សូត្រ​កូន​ ផង​ដែរ។

ដោយ​មិន​ខ្វល់​ពី​មតិ​រិះគន់​ថា​គ្រួសារ​ខ្លួន​រស់​នៅ​ទី​កខ្វក់ ​គួ​រឲ្យ​ឆ្អើម​នោះ​ប្រពន្ធ​លោក​បាន​​លើក​ឡើង​ថា៖ «សុភមង្គល​មិន​មែន​ស្ថិត​លុយ​កាក់​តែ​មួយ​នោះ​ទេ។ សុភមង្គល​កើត​ឡើង​ពី​ក្តី​ស្រឡាញ់​របស់​ប្តី​ចំពោះ​គ្រួសារ។ ​ខ្ញុំ​សប្បាយ​ចិត្ត​ណាស់​ពេល​ដឹង​ថា​ប្តី​ខ្វាយ​ខ្វល់​ពី​ខ្ញុំ​និង​កូន នោះ ជា​ពិសេស​បំណង​ចង់​ឲ្យ​កូន​ប្រុស​មាន​អនាគត​ល្អ»៕ PR

អត្ថបទគួរចាប់អារម្មណ៍