The Phnom Penh Post Search

Search form




Logo of Phnom Penh Post newspaper Phnom Penh Post - ជើង​ខ្លាំង​កាន់​​៥១​កែវ​បំបែក​កំណត់​ត្រា​ពិភពលោក

ជើង​ខ្លាំង​កាន់​​៥១​កែវ​បំបែក​កំណត់​ត្រា​ពិភពលោក

ជើង​ខ្លាំង​កាន់​​៥១​កែវ​បំបែក​កំណត់​ត្រា​ពិភពលោក

121030_21b
ការបំបែកឯតទគ្គកម្មដោយកាន់ពំនូកកែវស្រាចំនួន៥១កែវក្នុងពេលតែមួយ

ក្រុងឡុងដ៍ : លោក ហ្វីលីព អូសិនតុន បាន​បំបែក​ឯតទគ្គ​កម្ម​ថ្មី​មួយ​សម្រាប់​កំណត់​ត្រា​ពិភពលោក​ហ្គីនណេស ជាមួយ​នឹង​ការ​ប្រើ​ដៃ​ម្ខាង​របស់​លោក​កាន់​បាន​កែវ​ស្រា​មួយ​ពំនូក​ធំ​។

លោក​បាន​បំបែក​កំណត់​ត្រា​ចាស់ ​ដែល​អាច​កាន់​បាន​តែ​កែវ​ចំនួន ៣៩ ​ប៉ុណ្ណោះ​ តែ​លោក​អាច​កាន់​បាន​ចំនួន ដល់​ទៅ​៥១ កែវ​ឯណោះ​។

បុរស​វ័យ ​៤៣ ​ឆ្នាំ​ជាតិ​អង់គ្លេស​រូប​នេះ ​គឺជា​អ្នក​ជំនាញ​ខាង​រៀប​កែវ​ស្រា​។ ​បច្ចុប្បន្ន​លោក​ធ្វើ​ការ​បង្ហាញ​របស់​លោក​នៅ​ឯ​ទីក្រុង​ប៉េកាំង​ប្រទេស​ ចិន។ លោក​បាន​និយាយ​ថា លោក​រៀន​កាន់​វា​តាម​បែប​ផែន​នៃ​សិល្បៈ​មួយ​ពេល​ដែល​លោក​បាន​បម្រើ​ការ​ងារ ​ជា​អ្នក​រៀប​ចំ​កែវ​ស្រា​នៅឯ​សណ្ឋាគារ Ritz និង Savoy កាល​នៅ​ទីក្រុង​ឡុងដ៍។

លោក​បាន​និយាយ​ពី​បទពិសោធ​កាល​នៅ​បម្រើ​ការ​ងារ ​នៅ​សណ្ឋាគារ Ritz ថា៖ «ខ្ញុំ​មាន​ភារ​កិច្ច​ត្រូវ​រៀបចំ​កែវ​ចំនួន ​១៤០ ​ម្តង​នៅ​ពេល​ព្រឹក​ នា​ចន្លោះ​ពេល​អាហារ​ពេល​ព្រឹក​ម្តង និង​ថ្ងៃ​ត្រង់​ម្តង​ ដូច្នេះ​សរុប​ទៅ​វា​ត្រូវ​បាន​កែវ​រហូត​ដល់​ចំនួន ​២៨០​ ឯ​ណោះ​ដែល​រូប​ខ្ញុំ​ត្រូវ​បំពេញ​ការងារ​មួយ​នោះ​ក្នុង​រយៈ​ពេល​ខ្លី។ មើល​ទៅ​វា​បាន​ក្លាយ​ជា​សម្ពាធ​មួយ​សម្រាប់​ខ្ញុំ​រួច​ទៅ​ហើយ»។

លោក បាន​សាក​ល្បង​ដំបូង​ ដោយ​ការ​កាន់​បាន​ចំនួន ៤៥​ កែវ។  លុះ​លើក​ទី​ពីរ​លោក​បាន​បន្ថែម​វា​ឲ្យ​បាន​ដល់​ទៅ​៥១​កែវ​តែ​ម្តង។ វា​ពិត​ជា​អស្ចារ្យ​ខ្លាំង​ណាស់​ សម្រាប់​ការ​ប្រើ​ដៃ​ម្ខាង​ដែល​អាច​កាន់​បាន​កែវ​ដល់​ទៅ​៥១​នោះ​៕ PR

អត្ថបទគួរចាប់អារម្មណ៍