The Phnom Penh Post Search

Search form




Logo of Phnom Penh Post newspaper Phnom Penh Post - បរិច្ចាគ​ទឹក​ដោះ​ខ្លួន​រហូត​ជាប់​នៅ​ក្នុង​កំណត់​ត្រា​ពិភព​លោក

បរិច្ចាគ​ទឹក​ដោះ​ខ្លួន​រហូត​ជាប់​នៅ​ក្នុង​កំណត់​ត្រា​ពិភព​លោក

បរិច្ចាគ​ទឹក​ដោះ​ខ្លួន​រហូត​ជាប់​នៅ​ក្នុង​កំណត់​ត្រា​ពិភព​លោក

121026_23
121026_23

ក្រុងហ្គ្រេនបឺរីៈ ស្រ្តី​រស់​នៅ​ភាគ​ខាង​ជើង​នៃ​រដ្ឋ​តិច​សាស​សហរដ្ឋ​អាមេរិក​ម្នាក់​ត្រូវ​ បាន​គេ​បញ្ចូល​ឈ្មោះ​នៅ​ក្នុង​បញ្ជី​នៃ​កំណត់​ត្រា​ពិភពលោក​ហ្គីណេស​ដោយ​ សារ​ការ​បរិច្ចាគ​ទឹក​ដោះ។

អាឡីសៀ រីឆាមែន បាន​ផ្តល់​ទឹក​ដោះ​នាង​ចំនួន ៣២៥,៥​ លីត្រ​ទៅ​អង្គការ The Mothers' Milk Bank of North Texas ស្ថិត​នៅ​តំបន់​ភាគ​ខាង​ជើង​នៃ​រដ្ឋ​តិច​សាស​។ វា​ជា​ស្ថាប័ន​មួយ​ដែល​មិន​រក​ប្រាក់​ចំណេញ​ និង​មាន​សកម្មភាព​ផ្តល់​ទឹក​ដោះ​ដល់​ក្រុម​ទារក​ដែល​កើត​មុន​កំណត់។

នាង រីឆាមែន បាន​ប្រាប់​សារ​ព័ត៌មាន News 8 ថា៖«វា​ជា​អារម្មណ៍​មួយ​ដ៏​ល្អ​សម្រាប់​ការ​រួម​ចំណែក​ជាមួយ​អង្គ​ការ The Mothers' Milk Bank of North Texas ហើយ​នាង​ខ្ញុំ​ពិត​ជា​មាន​បំណង​ចូល​រួម​ផ្នែក​នេះ​មែន​គឺវា​ហាក់​ដូច​ជា​ សង្គម​គ្រួសារ​របស់​នាង​ខ្ញុំ​អ៊ីចឹង​ដែរ»។

យោង​តាម​សេច​ក្តី​ប្រកាស​ ព័ត៌មាន​បាន​ឲ្យ​ដឹង​ថា អ្នក​ស្រី​រីឆាមែន មាន​ធុង​ផ្ទុក​ទឹក​ដោះ​ចំនួន​ពីរ​ដែល​រក្សា​តាំង​ពី​ខែ​មិថុនា​ឆ្នាំ​២០១១​ រហូត​មក​ដល់​ខែ​មីនា​ឆ្នាំ​២០១២ ខណៈ​វា​ជា​ទឹក​ដោះ​ដែល​សម្បូរ​ហូរ​ហៀរ​ពី​ការ​បំបៅ​កូន​របស់​នាង​ខ្លួន​ ផ្ទាល់​នោះ ហើយ​អ្នក​ស្រី​ក៏​នឹក​ឃើញ​ថា​មិន​ចង់​ឲ្យ​សល់​ចោល​ដោយ​ឥត​ប្រយោជន៍។

អ្នក ស្រី រីឆាមែន បាន​បន្ត​ថា៖«ខ្ញុំ​ពិត​ជា​មាន​ការ​ត្រេកអរ​ណាស់​ដែល​ទឹក​ដោះ​ខ្លួន​ឯង​មិន ​ត្រឹម​តែ​អាច​ចិញ្ចឹម​បាន​កូន​នាង​ខ្ញុំ ដ្រេក បាន​ប៉ុណ្ណោះ​ទេ តែ​វា​ក៏​អាច​ជួយ​ដល់​ទារក​ដទៃ​ទៀត​បាន​ដែរ។ វា​ពិត​ជា​អារម្មណ៍​មួយ​ដ៏​អស្ចារ្យ និង​មាន​មោទនភាព​ចំពោះ​ខ្លួន​ឯង​ដែរ​ដោយ​បាន​ចូល​រួម​នូវ​សកម្មភាព​បែប​នេះ​»៕PR

អត្ថបទគួរចាប់អារម្មណ៍