The Phnom Penh Post Search

Search form




Logo of Phnom Penh Post newspaper Phnom Penh Post - វ័យ​២៣​ឆ្នាំ​ក្លាយ​ជា​ជ្រូក​ព្រោះ​ចង់​បាន​ប្រាក់​រង្វាន់

វ័យ​២៣​ឆ្នាំ​ក្លាយ​ជា​ជ្រូក​ព្រោះ​ចង់​បាន​ប្រាក់​រង្វាន់

វ័យ​២៣​ឆ្នាំ​ក្លាយ​ជា​ជ្រូក​ព្រោះ​ចង់​បាន​ប្រាក់​រង្វាន់

130517_22
នាង តាំងមី ជុង នាពេលបច្ចុប្បន្នដែលកាន់តែធាត់ និង

តាំមី ជុង ជា​ស្រ្តី​ស្រស់​ស្អាត​វ័យ​២៣​ឆ្នាំ​ម្នាក់​បាន​បង្ខំ​ចិត្ត​ខ្លួន​ឯង​ញុំា​អាហារ​ដ៏​ច្រើន​លើសលប់​រាល់​ថ្ងៃ​ដោយ​ប្រើ​ទុយោ​ធំ​មួយ​បង្ហូរ​តាម​មាត់​នាង​តែ​ម្តង​ដើម្បី​ឲ្យ​ក្លាយ​ជា​មនុស្ស​កន្ធាត់​ម្នាក់។ នាង​ធ្វើ​បែប​នេះ​ដោយសារ​តែ​នាង​មាន​បំណង​ចង់​រក​ប្រាក់​ពី​ការ​ក្លាយ​ជា​បវរ​កញ្ញា​ធាត់​ញ៉ុកខ្លាញ់​ម្នាក់​របស់​BBW​នៅ​តាម​ប្រព័ន្ធ​អ៊ីនធឺណិត។

កន្លង​មក​នាង​តាំមី ជុង​គឺជា​ស្រ្តី​ម្នាក់​មាន​សុខភាព​ល្អ​និង​មាន​រាង​ស្គម​ដូចជា​នារី​ដទៃ​ទៀត​ជា​មិត្តភក្តិ​នាង​ដែរ។ តែ​មិន​ដឹង​ជា​មូលហេតុ​អ្វី​បាន​ជា​នាង​លែង​ចង់​បាន​នូវ​រូបរាង​ដ៏​ស្រស់​ស្អាត​របស់​ខ្លួន​ទៅ​រក​ការ​ញុំា​អាហារ​ដ៏​ច្រើន​សន្ធឹកសន្ធាប់​ដូចជា​មាន់​ចៀន នំ​ដូណាត់ និង​សាច់​ដទៃ​ទៀត។

នាង​បាន​ស្នើ​ឲ្យ​មិត្ត​ប្រុស​នាង​ចនហាន អ័របឺមែន វ័យ​២៨​ឆ្នាំ​គឺជា​អ្នក​បញ្ចុក​នំ​ចំណី ឬ​អាហារ​ទាំងឡាយ​សម្រាប់​នាង​ដោយ​វា​មាន​ចំនួន​៥០០០​កាឡូរី​ក្នុង​មួយ​ថ្ងៃ។ ត្រឹម​តែ​រយៈពេល​៦​ខែ​ប៉ុណ្ណោះ​នាង​ឡើង​ទម្ងន់​ដល់​ទៅ​២២​គីឡូក្រាម ខណៈ​ពេល​នេះ​ទម្ងន់​នាង​ឡើង​ដល់​១០៥​គីឡូក្រាម​ទៅ​ហើយ។

ដោយសារ​តែ​មហិច្ឆតា​ចង់​បាន​ប្រាក់​រង្វាន់​ពី​ការ​ប្រកួត​បវរកញ្ញា​ធាត់​តាម​អ៊ីនធឺណិត​BBW​នោះ​ទើប​នាង​ខំ​ប្រឹង​ញ៉ាំ​អាហារ​ដ៏​ច្រើន​បែប​នេះ ខណៈ​ការ​ប្រកួត​នេះ​ឲ្យ​អ្នក​ចូលរួម​មាន​ទម្ងន់​ដល់​ទៅ​១៩០​គីឡូក្រាម​ឯណោះ​ទើប​អាច​ចូលរួម​ប្រកួត​បាន។

នាង​តាំមី ជុង បាន​ទទួល​ការ​គាំទ្រ​និង​ស្រឡាញ់​ពី​សំណាក់​បុរស​ៗ​ទាំងឡាយ​នៅ​លើ​ពិភពលោក តែ​នាង​ក៏​ត្រូវ​គេ​ដាស់​តឿន​ថា​នឹង​ត្រូវ​ប្រឈម​មុខ​នឹង​បញ្ហា​សុខភាព​និង​មាន​អាយុ​ខ្លី​ដែរ​បើ​នាង​ធាត់​បែប​នេះ។ តែ​នាង​មិន​បាន​ខ្វល់ខ្វាយ​ចំពោះ​រឿង​អាក្រក់​ទាក់ទង​នឹង​ការ​ខូច​សុខភាព​នាង​នោះ​ឡើយ។

នាង​និយាយ​ថា​៖​«ខ្ញុំ​គ្មាន​អ្វី​ដែល​សប្បាយ​ចិត្ត​ជាង​ការ​ធ្វើ​ឲ្យ​ឡើង​ទម្ងន់​នោះ​ឡើយ ហើយ​ក៏​គ្មាន​អ្នក​ណា​អាច​ហាម​ឃាត់​នូវ​ក្តី​ស្រមៃ​របស់​ខ្ញុំ​បាន​។ ខ្ញុំ​ដឹង​ថា​នេះ​ជា​រឿង​មិន​ល្អ តែ​វា​ក៏​មិនមែន​ជា​រឿង​របស់​អ្នក​ណា​ម្នាក់​នោះ​ទេ​។ ការ​ញ៉ាំ​ទើប​បាន​ធ្វើ​ខ្ញុំ​សប្បាយ​ចិត្ត។ ខ្ញុំ​ចំណាយ​ប្រាក់​ច្រើន​សម្រាប់​អ្វី​ដែល​ខ្លួន​ឯង​ស្រឡាញ់​និង​ចង់​ធ្វើ​បន្ត​ទៀត​ផង។ អ្វី​ដែល​នាង​ខ្ញុំ​បារម្ភ​នា​ពេល​កន្លង​មក​នោះ​គឺ​ខ្លាច​មិន​បាន​ធាត់​ដូច​ក្តី​ប្រាថ្នា»។

នាង​និង​មិត្ត​ប្រុស​បាន​ចំណាយ​ប្រាក់​មួយ​ថ្ងៃ​ប្រមាណ​ជា​១០៧​ដុល្លារ​សម្រាប់​ទិញ​អាហារ​ថោក​ៗ​ដើម្បី​ទទួល​ទាន។

តាំមី​និយាយ​ថា​៖​«ខ្ញុំ​ចាប់​ផ្តើម​ដំបូង​ដោយ​ការ​ញ៉ាំ​អាហារ​ពេល​ព្រឹក​ដ៏​ច្រើន​សន្ធឹកសន្ធាប់​ដូចជា​សាច់​ប្រូម៉ាត សាច់​ជ្រូក​បីជាន់​និង​សាច់​ក្រក។ លុះ​ដល់​ពេល​រសៀល​ទើប​ទៅ​កាន់​ហាង​McDonalds​ញ៉ាំ​ប៊ឺហ្គឺ​មួយ​ចំនួន។ ខ្ញុំ​អាច​ញ៉ាំ​អាហារ​សម្រន់​នានា​ទៀត​បាន​រាល់​ថ្ងៃ​គ្មាន​អ្វី​ចោទ​ជា​បញ្ហា​ឡើយ​សម្រាប់​ការ​ញ៉ាំ​នេះ។ លុះ​ពេល​ល្ងាច​នាង​ខ្ញុំ​នឹង​ញ៉ាំ​ភីហ្សា​និង​អាហារ​ម៉ិកស៊ិក​ដទៃ​ទៀត»។

នាង​បន្ត​ថា​៖​«ក្រោយ​មក​នាង​ខ្ញុំ​ចាប់​ផ្តើម​មាន​រាង​ដូចជា​យក្ខិនី​អ៊ីចឹង​ជាមួយ​នឹង​ការ​អាហារ​ដ៏​ច្រើន​លើសលប់ ដោយ​មាន​សង្សារ​ខ្ញុំ​ចនហាន​ជា​អ្នក​ជួយ​បញ្ចុក​អាហារ​ទាំង​នោះ​រាល់​ថ្ងៃ»។

កាល​ពី​ក្មេង​នាង​តាំមីជុង​ជា​ក្មេង​ស្រី​ចូលចិត្ត​លេង​កីឡា​បាល់​ទះ​និង​លើក​ទម្ងន់ តែ​ពេល​នេះ​នាង​មិន​បាន​ខ្វាយខ្វល់​នឹង​សុខភាព​សោះ។

នាង​ថា​៖​«ខ្ញុំ​ធ្លាប់​ជា​មនុស្ស​បារម្ភ​ចំពោះ​រាងកាយ​ខ្លួន​ណាស់ ដោយ​តែងតែ​គិត​ពី​វា​ជា​ពិសេស​ពី​ការ​ឡើង​ទម្ងន់។ បន្ទាប់​ពី​ខ្ញុំ​ឈប់​លេង​កីឡា​មក​ខ្ញុំ​ចាប់​ផ្តើម​ឡើង​ទម្ងន់។ ដំបូង​ខ្ញុំ​មិន​ពេញ​ចិត្ត​នឹង​សភាព​នេះ​ឡើយ។ តែ​មួយ​ថ្ងៃ​ក្រោយ​មក​ខ្ញុំ​បាន​ឆ្លុះ​កញ្ចក់​មើល​ខ្លួន​ឯង​ឃើញ​ថា​ខ្លួន​ពិត​ជា​ធាត់​មែនទែន។ តែ​មាន​អារម្មណ៍​ថា​ខ្លួន​ឯង​ស្អាត​អស្ចារ្យ​ម្យ៉ាង។ រាងកាយ​នាង​ខ្ញុំ​មើល​ទៅ​សិចស៊ី​ណាស់​តើ!ខ្ញុំ​មាន​អារម្មណ៍​ថា​ពិតជា​ចង់​បាន​មាឌ​ធំ​បន្ថែម​ទៀត»៕

អត្ថបទគួរចាប់អារម្មណ៍