The Phnom Penh Post Search

Search form




Logo of Phnom Penh Post newspaper Phnom Penh Post - សេវា​រក​គូ​ស្រករ​នៅ​តែ​បន្ត​ទោះ​កូរ៉េ​ទាំង​ពីរ​ឈ្លោះ​គ្នា

សេវា​រក​គូ​ស្រករ​នៅ​តែ​បន្ត​ទោះ​កូរ៉េ​ទាំង​ពីរ​ឈ្លោះ​គ្នា

សេវា​រក​គូ​ស្រករ​នៅ​តែ​បន្ត​ទោះ​កូរ៉េ​ទាំង​ពីរ​ឈ្លោះ​គ្នា

130503_22
លោក Hong Seung-Woo (ឆ្វេង) ថតរូបជាមួយនឹងភរិយារបស់លោកដែលបានរត់គេចមកពីកូរ៉េខាងជើង AFP

សេអ៊ូលៈ កាលៈទេសៈ​នេះ​វា​អាច​បង្ក​ឲ្យ​មាន​ភាព​តាន​តឹង​មួយ​កម្រិត​ដល់​ក្រុម​អ្នក​បើក​សេវាកម្ម​រក​គូ​ស្នេហ៍​ឲ្យ​បុរស​ស្រ្តី​នៅ​ប្រទេស​កូរ៉េ​ខាង​ជើង​និង​ខាង​ត្បូង​មាន​សិទ្ធិ​រៀបការ​ព្រោះ​តែ​មាន​ការ​គំរាម​កំហែង​ដោយ​សង្គ្រាម​នុយក្លេអ៊ែរ។ តែ​លោក ហុង សឿង ស៊ូ ភ្នាក់ងារ​រៀបការ​រក​គូ​ស្រករ​នេះ​និយាយ​ថា ទោះ​ជា​យ៉ាង​ណា​ពួក​គេ​នៅ​តែ​មាន​សិទ្ធិ​ដដែល។

លោក​ហុង សឿង ស៊ូ និយាយ​បន្ត​ថា៖​«អតិថិជន​របស់​ខ្ញុំ​ភាគ​ច្រើន​ពិត​ជា​មិន​បាន​ខ្វាយ​ខ្វល់​អ្វី​ទេ មិន​ថា​ការ​គំរាម​កំហែង ឬ ស្ថានភាព​នយោបាយ​បែប​ណា​រវាង​ប្រទេស​កូរ៉េ​ទាំង​ពីរ​នោះ។ ការ​រៀបការ​របស់​ពួក​គេ​នឹង​បន្ត​ការ​រៀប​ចំ​ដដែល​ដើម្បី​ជីវិត​គូ​ស្នេហ៍​ពួក​គេ»។

គួរ​បញ្ជាក់​ថា​ប្រទេស​កូរ៉េ​មាន​វប្បធម៌​នៃ​ការ​បង្កើត​ក្រុម​ភ្នាក់ងារ​មេ​អណ្តើក​សម្រាប់​រក​គូ​ស្រករ​នេះ​ជា​យូរ​យារ​ណាស់​មក​ហើយ​រវាង​ប្រទេស​ជា​បង​ប្អូន​មួយ​នេះ​ដោយ​គេ​ឃើញ​មាន​ការ​ប្រើ​ប្រព័ន្ធ​អ៊ីនធឺណិត​ផ្សព្វ​ផ្សាយ​ទៀត​ផង ដូច​ជា​ទី​ភ្នាក់ងារ​របស់​លោក ហុង សឿង ស៊ូ នេះ​ជា​ដើម។ ពេល​មាន​ការ​លែង​លះ​ថ្មី​ថ្មោង​នោះ ទី​ភ្នាក់ងារ​របស់​លោក​ហុង សឿង ស៊ូ ក៏​បាន​ធ្វើ​ការ​ណាត់​ជួប​រក​គូ​ស្នេហ៍​ថ្មី​ភ្លាម​ផង​ដែរ ដោយ​សេវាកម្ម​របស់​ក្រុមហ៊ុន​លោក​បាន​ដំណើរ​នៅ​ទី​ក្រុង​សេអ៊ូល​តាំង​ពី​ឆ្នាំ​២០០៦​មក។ ដោយ​ឡែក​នៅ​ឯ​ប្រទេស​កូរ៉េ​ខាង​ជើង​ក៏​មាន​សេវាកម្ម​បែប​នេះ​ដែរ។ លោក​ហុង បាន​ប្រាប់​សារ​ព័ត៌មាន​AFP​ថា៖«យើង​បាន​រៀបការ​ណាត់​ជួប​ឲ្យ​ពួក​គេ​តាម​រយៈ​បណ្តាញ​មិត្ត​ភក្តិ​តែ​ម្តង។ ខ្ញុំ​នៅ​តែង​ចង​ចាំ​ទោះ​បី​ដឹង​ថា​នាង​អាច​ចរចា​នារី​ឬ គិញ​សម្ងាត់​របស់​ប្រទេស​កូរ៉េ​ខាង​ជើង​មាន​របប​នយោបាយ​កុម្មុយនីស្ត​ក៏​ដោយ»។

រយៈ​ពេល​៧​ឆ្នាំ​មក​នេះ​លោក​ហុង​មិន​ត្រឹម​បង្កើត​ឲ្យ​មាន​សេវាកម្ម​ស្វែង​រក​គូ​ស្រករ​រវាង​ប្រទេស​ទាំង​ពីរ​ប៉ុណ្ណោះ​តែ​លោក​ក៏​បាន​ជួយ​ឲ្យ​បុរស​កូរ៉េ​ខាង​ត្បូង​ចំនួន​៤០០​នាក់​បាន​ជួប​នារី​ជា​កូន​ក្រមុំ​កូរ៉េ ខាង​ជើង​ទៀត​ផង។

ចំណុច​ដើម​ហេតុ​នៃ​ការ​បង្កើត​នូវ​សេវកម្ម​រក​គូ​ស្រករ​ឲ្យ​បុរស​កូរ៉េ​ខាង​ត្បូង​ជា​មិត្តភក្តិ​របស់​គាត់​តាម​រយៈ​ស្រ្តី​ជា​មិត្ត​ភក្តិ​របស់​ប្រពន្ធ​គាត់ គឺ​ជា​ហេតុ​នាំ​ឲ្យ​រូប​លោក​ក្លាយ​ជា​អ្នក​ជំនាញ​ខាង​របរ​មេ​អណ្តើក​នេះ​នោះ។

មើល​ទីផ្សារ​រៀប​ចំ​ពិធី​មង្គលការ​ឲ្យ​បុរស​ស្រ្តី​កូរ៉េ​ទាំង​ពីរ​នេះ​ប្រហែល​ជា​មាន​លក្ខណៈ​ល្អ​ដូច​ជា​ទី​ផ្សារ​នានា​ដែរ។

៦​ឆ្នាំ​បន្ទាប់​ពី​ការ​បញ្ចប់​សង្គ្រាម​មក​គេ​ក៏​នៅ​តែ​ឃើញ​ប្រទេស​កូរ៉េ​ទាំង​ពីរ​បន្ត​នូវ​ជម្លោះ​ព្រំដែន​ឥត​ឈប់​ឈរ​រហូត​ដល់​ពេល​បច្ចុប្បន្ន។ ការ​បន្ត​នូវ​ជម្លោះ​រវាង​ប្រទេស​ទាំង​ពីរ​នោះ​ក៏​បង្ក​ឲ្យ​មាន​ស្ថានភាព​តឹង​តែង​កាន់​តែ​ខ្លាំង​ឡើងៗ​ផង​ដែរ។ គេ​សង្កេត​ឃើញ​ប្រទេស​ទាំង​ពីរ​បាន​បង្ក​ឲ្យ​មាន​វិបត្តិ​នា​ពេល​ថ្មីៗ​នេះ​គឺ​ការ​ធ្វើ​តេស្ត​អាវុធ​នុយក្លេអ៊ែរ​របស់​កូរ៉េ​ខាង​ជើង​តាំង​ពី​ខែ​កុម្ភៈ​មក ដោយ​មាន​ការ​ចេញ​លិខិត​ព្រមាន​ដាក់​គ្នា​ទាំង​សង​ខាង​ទៀត​ផង។

តែ​ចំពោះ​ពាណិជ្ជកម្ម​នៃ​ការ​បើក​សេវាកម្ម​មេ​អណ្តើក​របស់​លោក​ហុង​នៅ​តែ​បន្ត​ឥត​ឈប់​ឡើយ។ លោក​ហុង​បន្ថែម​ថា​៖​«គ្មាន​បញ្ហា​អ្វី​ឡើយ​ទោះ​បី​ជា​ស្ថានភាព​កូរ៉េ​ទាំង​ពីរ​មិន​ស្រួល​ក្តី ក៏​ខ្ញុំ​នៅ​តែ​ផ្តោត​លើ​របរ​របស់​ខ្ញុំ​ដដែល​»។

បើ​តាម​ការ​ពិត​នោះ​ការ​ប្រើ​សេវាកម្ម​មេ​អណ្តើក​ដោយ​រៀប​ចំ​អាពាហ៍​ពិពាហ៍​ឲ្យ​បុរស​ស្រ្តី​កូរ៉េ​ទាំង​ពីរ​របស់​លោក​ហុង​នេះ មើល​ទៅ​ដូច​ជា​មាន​ភាព​ហួស​ពី​ការ​សម្រេច​ចិត្ត​របស់​គូ​ស្នេហ៍​ទាំង​ពីរ​បន្តិច​ហើយ​នោះ​។

ចាប់​តាំង​ពី​សង្គ្រាម​កូរ៉េ​ទាំង​ពីរ​បាន​បញ្ចប់​នៅ​ឆ្នាំ​១៩៥៣​មក គេ​ឃើញ​មាន​ប្រជាជន​កូរ៉េ​ខាង​ជើង​ចំនួន​២៥ ០០០​នាក់​បាន​ចាក​ចេញ​ពី​ផ្ទះ​សម្បែង​ឬ​ស្រុក​កំណើត​ខ្លួន ជា​ពិសេស​នៅ​ពាក់​កណ្តាល​ឆ្នាំ​១៩៩០​ដោយ​សារ​គ្រោះ​ទុរភិក្ស​ប្រជាជន​កូរ៉េ​ខាង​ជើង​បាន​និរទេស​ខ្លួន​មក​រស់​នៅ​លើ​ទឹក​ដី​កូរ៉េ​ខាង​ត្បូង​តែ​ម្តង៕ PR

អត្ថបទគួរចាប់អារម្មណ៍