The Phnom Penh Post Search

Search form




Logo of Phnom Penh Post newspaper Phnom Penh Post - ឥណ្ឌា​គ្រប់​ទិសទី​នាំ​គ្នា​ប្រារព្ធ​ពិធី​បុណ្យ​ឌីប៉ាវ៉ាលី

ឥណ្ឌា​គ្រប់​ទិសទី​នាំ​គ្នា​ប្រារព្ធ​ពិធី​បុណ្យ​ឌីប៉ាវ៉ាលី

ឥណ្ឌា​គ្រប់​ទិសទី​នាំ​គ្នា​ប្រារព្ធ​ពិធី​បុណ្យ​ឌីប៉ាវ៉ាលី

121114_24a
ការលក់ដូរផ្កាភ្ញីតុបតែងថ្ងៃបុណ្យឌីប៉ាវ៉ាលី Reuters

ក្រុង បុមបៃ : ឌីប៉ាវ៉ាលី (Deepavali ឬ Diwali )គឺ​ជា​ពិធី​បុណ្យ​បែប​ប្រពៃណី​ចូល​ឆ្នាំ​ថ្មី​របស់​សាសនា​ហិណ្ឌូ​ដែល​ ប្រារព្ធ​ធ្វើ​ឡើង​តាម​ប្រព័ន្ធ​ចន្ទ​គតិ។ ពិធី​បុណ្យ​ត្រូវ​គេ​ហៅ​ថា​ ជាពិធី​បុណ្យ​ភ្លើង​ដែល​វា​ត្រូវ​បាន​គេ​ធ្វើ​ឡើង​ដើម្បី​ប្រារព្ធ​នូវ​ជោគ​ ជ័យ​របស់​តំណាង​សភាវៈ​ល្អ​ឈ្នះ​លើ​សភាវៈ​អាក្រក់​ និង​ភាព​ងងឹត។ នា​ឱកាស​​បុណ្យ​នេះ​ប្រជាជន​ហិណ្ឌូ​នាំ​គ្នា​បោស​សម្អាត​ផ្ទះ​សម្បែង និង​ស្លៀក​ពាក់​ខោ​អាវ​ថ្មីៗ។

ពិធី​បុណ្យ​នេះ​មាន​រយៈ​ពេល​ ៥​ ថ្ងៃ​ដោយ​ចាប់​ផ្តើម​នៅ​ឆ្នាំ​នេះ ​ចំ​ថ្ងៃ​ទី១៣​ ខែ​វិច្ឆិកា​ ដោយ​មាន​ទេព​ធីតា​ឈ្មោះ​ថា ព្រះ​នាង​លក្ស្មី​ ដែល​ជា​តំណាង​ទេព​ធីតា​នៃ​ទ្រព្យ​សម្បត្តិ​ ដែល​មាន​ពន្លឺ​ភ្លឺ​ថ្លា មាន​ភាព​រុង​រឿង​ និង​បញ្ញា។ តែ​ប្រជាជន​ក៏​បាន​នាំ​គ្នា​បន់​ស្រន់​ដល់​ព្រះ​គិណេស​ផង​ដែរ​ ដើម្បី​ឲ្យ​ទ្រង់​ជួយ​ជម្រះ​ចោល​នូវ​គ្រឿង​សៅ​ហ្មង​ឬ ឧប​សគ្គ​ទាំង​ឡាយ។

Content image - Phnom Penh Post

នៅ ថ្ងៃ​ដំបូង​នៃ​ពិធី​បុណ្យ​នេះ​ប្រជាជន​បាន​រៀប​ចំ​នូវ​ម្ហូប​អាហារ​ពេល​ ព្រឹក​ពិសេសៗ​ជា​ច្រើន​មុខ​តាម​ក្រុម​គ្រួសារ​នីមួយៗ​សម្រាប់​សែន​ព្រេន​ដល់ ទេវតា។

ចំណែក​រូប​ភាព​របស់​ទេព​ធីតា​ព្រះ​នាង​លក្ស្មី​នោះក៏​​ត្រូវ​បាន ​គេ​គេ​ដាក់​តាំង​ឲ្យ​ហូរហែ​ពាស​ពេញ​ផ្លូវ តាម​ទម្លាប់​ប្រពៃណី​របស់​សាសនា​ហិណ្ឌូ​តែ​ម្តង។

ពិធី​បុណ្យ​ក៏​មាន រឿង​ព្រេង​ដំណាល​ពី​សង្គ្រាម​ដណ្តើម​ទេព​ធីតា​លក្ស្មី ដែល​មាន​អវតារ​ជា​ព្រះ​រាម បាន​យក​ឈ្នះ​លើ​ក្រុង​មារ​តំណាង​អវតារ​អាក្រក់ ដូច្នេះ​ទើប​គេ​ប្រើ​ពន្លឺ​ចង្កៀង​បំភ្លឺ​ភាព​ងងឹត​ដែល​ចង្កៀង​នោះ​គេ ច្រើន​ធ្វើ​វា​ពី​ដី​ឥដ្ឋ​ប្រើ​ប្រេង​ដូង មាន​កប្បាស​យក​មក​ធ្វើ​ប្រឆេះ។

ចំពោះ ការ​តុប​តែង​លម្អ​គេហដ្ឋាន​នា​ថ្ងៃ​បុណ្យ​ឌីប៉ាវ៉ាលី​នេះ​គេ​ឃើញ​ប្រជាជន​ហិណ្ឌូ​ប្រើ​ស្លឹក​ស្វាយ​ដាក់​ជា​មួយ​ពំនូក​ដី​ពណ៌​មាស។ ក្រៅ​ពី​ឥណ្ឌា ​គេ​ក៏​ឃើញ​មាន​ប្រារព្ធ​នៅ​ប្រទេស​សិង្ហ​បុរី​ ម៉ាឡេស៊ី និង​បណ្តា​ប្រទេស​ដទៃ​ទៀត​លើ​ពិភពលោក​ដែរ។ វា​ជា​ពិធី​មួយ​ដែល​បាន​ប្រារព្ធ​ឡើង​ចំ​ពេល​ចុង​ក្រោយ​នៃ​ជំនោរ​ខ្យល់​មូសុង​ដ៏​ត្រជាក់​ល្ហឹម​តែ​ម្តង៕ PR

អត្ថបទគួរចាប់អារម្មណ៍