ភ្នំពេញ : ថ្ងៃបុណ្យនៃក្ដីស្រឡាញ់ត្រូវបានប្រជាជនកម្ពុជាមួយចំនួនមិនថា ស្ថិតក្នុងវ័យណាឡើយ គឺពួកគេ និយមប្រារព្ធដោយនាំមនុស្សសំណព្វ ក្រុមគ្រួសារ ឬមិត្តភក្តិទៅទទួលទាន និងជូននូវអំណោយផ្សេងៗជាការសម្ដែងនូវក្ដីស្រឡាញ់របស់ខ្លួន។
ខាងក្រោមនេះគឺជាភោជនីយដ្ឋាន និងហាងមួយចំនួនដែលផ្ដល់នូវកញ្ចប់ពិសេសសម្រាប់ទិវានេះ។
ភីហ្សា និងឈុតអាហារសិង្ហបុរីរូបបេះដូងនៅ Fish & Co
ចាប់ពី ថ្ងៃទី១៤ដល់២០ ខែកុម្ភៈ ភោជនីយដ្ឋានមកពីប្រទេសសិង្ហបុរីមួយនេះមានបម្រើនូវឈុតអាហារ គូស្នេហ៍ដែលមានជម្រើសពីរគឺ ឈុតភីហ្សារូបបេះដូង និងស្រា២កែវដែលមានតម្លៃ១៣ដុល្លារ និងឈុតគ្រឿងសមុទ្រចម្រុះមានមឹក បង្គា គ្រំអមដោយស្រាក្រហម២កែវតម្លៃសរុប២៧ដុល្លារ។ ភោជនីយដ្ឋានក៏មានកម្មវិធីប្រកួតរូបថតដើម្បីទទួលបានរង្វាន់ពិសេសៗ ផងដែរ។
នៅថ្ងៃបុណ្យនៃក្ដីស្រឡាញ់ភោជនីយដ្ឋាន Fish & Co នៅផ្ទះលេខ១៣៩-១៤១ វិថីព្រះស៊ីសុវត្ថិ តាមផ្លូវមាត់ទន្លេក៏មានរៀបចំច្រកទ្វាររាងបេះដូង និងសំឡេងតន្ត្រីដ៏រ៉ូមេនទិកនាំអ្នកទៅកាន់តុអាហារផងដែរ។ ទាក់ទងទូរស័ព្ទ០២៣ ៩៦៦ ៩៦៩ និង ០៨៨ ៨៧ ០០ ៩៧៧។
ក្រេបតែគជ់បេះដូងអណ្ដែតនៅហាង Q Tea Bubble Milk
សម្រាប់តម្លៃ៤ដុល្លារ ភ្ញៀវនឹងទទួលបានតែទឹកដោះគោពីរកែវដែលមានរូបបេះដូងក្នុងភេសជ្ជៈនោះប៉ុណ្ណោះ។
ជាងនេះទៅទៀតភ្ញៀវក៏អាចជ្រើសរើសអំណោយបន្ថែមដូចជា គ្រឿងអលង្ការធ្វើពីដៃដូចជា ក្រវិលឬទៀនក្រអូបសម្រាប់ជូនអ្នកជាទីស្រឡាញ់។
ប៉េងប៉ោង និងស្ករគ្រាប់រូបបេះដូងក៏មានផ្ដល់ជូនផងដែរ។
អាហារគូស្នេហ៍លំដាប់ខ្ពស់នៅភោជនីយដ្ឋាន Topaz
ការ ទទួលទានអាហារក៏ធ្វើឲ្យអ្នកចងចាំមិនភ្លេចសម្រាប់ថ្ងៃបុណ្យ នៃក្ដីស្រឡាញ់ឆ្នាំនេះ មានតម្លៃ១៥០ដុល្លារគូស្នេហ៍១គូអមដោយស្រាសាំប៉ាញពីរកែវផងដែរ។ កម្មវិធីនេះ ផ្ដល់ជូនដោយភោជនីយដ្ឋាន Topaz ស្ថិតនៅមហាវិថីព្រះនរោត្តម។
អំណោយពិសេសពីហាង Uber
ស្បែកជើងជា អំណោយមួយគូដែលមនុស្សជាទីស្រឡាញ់របស់អ្នកអាចប្រើប្រាស់ប្រចាំ ថ្ងៃ។ ហាងលក់ស្បែកជើងកាបូបស្បែកជើង Uber មានកម្មវិធីពិសេសនៅចុងសប្ដាហ៍នៃទិវានៃក្ដីស្រឡាញ់គឺទិញមួយ គូថែមមួយគូដោយគ្រាន់តែចំណាយអស់៧៥ដុល្លារចាប់ពីថ្ងៃ១៤ដល់ ១៦កុម្ភៈ។
ឈុតអាហារ Secret Recipe
ឈុតអាហារសម្រាប់គ្នាពីរនាក់មាន ជម្រើសឈុតអាហារសម្រាប់គ្នាពីរនាក់តម្លៃ១៤ដុល្លារដោយថែមជូននូវ ភេសជ្ជៈ និងឈុតអាហារតម្លៃ២៦ដុល្លារដោយបន្ថែមនូវស្រាក្រហមពីរកែវ សាលាដ ស្តេក ព្រមទាំងនំខេករូបបេះដូងដ៏ឆ្ងាញ់ពិសា។
ស្ករសូកូឡាពី Chocolate Shop
ស្ករ សូកូឡាដាក់កែវតម្លៃ៩,៥ដុល្លារ សូកូឡារូបបេះដូងតម្លៃ ពី ៣,៥ ដល់៧ដុល្លារ ស្ករសូកូឡាមួយប្រអប់តម្លៃចន្លោះពី១៦ដល់៣៥ដុល្លារ។ ហាងនេះស្ថិតនៅផ្ទះលេខ៣៩ ផ្លូវលេខ២៤០។
ផ្កាស្រស់ពី Floral Express
ផ្កាគឺជាអំណោយដ៏ពេញនិយមក្នុងថ្ងៃនេះ។ ហាង Floral Express នៅវិថីព្រះសីហនុមានលក់ផ្កាកុលាបស្រស់ៗតម្លៃ២ដុល្លារក្នុង១ ទង និងជាបាច់ក្នុងតម្លៃ៣០ដុល្លារដែលអាចកុម្ម៉ង់តាមអ៊ីនធឺណិតក៏បាន៕
