.jpg)
ចលនាដៃធ្វើការចាក់អាវ មួក កន្សែង អាចផ្ដល់គុណប្រយោជន៍ដល់ផ្លូវអារម្មណ៍។
ក្រុងញូវយ៉ក: ការចាក់អាវមិនទំនងជាវិធីព្យាបាលរោគផ្លូវចិត្ដដ៏ស័ក្ដិសមនោះទេ តែអ្នកវិទ្យាសាស្ដ្រផ្នែកប្រព័ន្ធប្រសាទ បានលាតត្រដាងថា វាអាចផ្លាស់ប្ដូរសារធាតុគីមីក្នុងខួរក្បាលមិនខុសអីពីការប្រើប្រាស់ឱសថនោះទេ។
អំឡុងសតវត្សរ៍ទី ១៩ ក្រុមវេជ្ជបណ្ឌិតបានចេញវេជ្ជបញ្ជាឲ្យចាក់អាវចំពោះស្ដ្រី ដែលរមែងកើតចិត្ដមួម៉ៅក្ដៅក្រហាយ។ ពេលនេះ ការស្រាវជ្រាវបានរកឃើញថា ការព្យាបាលប្រភេទនេះ អាចមានប្រសិទ្ធភាព ខណៈចលនាដៃដដែលៗអាចបង្កើនសារធាតុគីមីក្នុងខួរក្បាល។
អ្នកជំនាញម្នាក់បាននិយាយឲ្យដឹងថា ទម្លាប់ធ្វើឲ្យដៃរវល់អាចជួយអ្នកមានភាពងាយស្រួលក្នុងការគ្រប់គ្រងអារម្មណ៍ និងជំរុញភាពស្រស់ស្រាយ។
លទ្ធផលនេះត្រូវបានស្រាវជ្រាវ ឡើងដោយវេជ្ជបណ្ឌិត ខេលី ឡាំប៊ឺត ជាប្រព័ន្ធប្រសាទវិទូ មកពីសាកលវិទ្យាល័យ រីចម៉ុង ជឿថា ខួរក្បាលបង្កើនអារម្មណ៍ស្ងប់ដោយបំពេញកិច្ចការជាមួយដៃដ៏មមាញឹក។
អ្នកស្រី និយាយថា៖ «ពេលអ្នកគិតថា ចលនាដៃដដែលៗ កំពុងបង្កើនសមាសធាតុគីមីខួរក្បាល។ បន្ទាប់មក បើអ្នកផលិតបាន មួក ឬកន្សែង នោះហើយជារង្វាន់ដែលទទួលបាន»។
នេះមិនមែនជាលើកទី ១ ដែលកិច្ចការទម្លាប់ដដែល ដូចជា ការចាក់អាវ មួក ឬកន្សែងនេះ ត្រូវបានចាត់ទុកជាកត្ដាជំរុញផ្លូវចិត្ដដ៏ប្រសើរ។
ការផ្សាយក្នុងប្រតិបត្ដិអង់គ្លេស Occupational Therapy ក្នុងចំណោមអ្នកចាក់អាវ ៣៥០០ នាក់ អ្នកចាក់អាវកាន់តែច្រើនបង្កើនអារម្មណ៍ស្ងប់ និងរីករាយកាន់តែច្រើន៕HR
