The Phnom Penh Post Search

Search form




Logo of Phnom Penh Post newspaper Phnom Penh Post - ការ​ទទួលទាន​អំបិល​ច្រើន​ធ្វើ​ឲ្យ​ប៉ះពាល់​ដល់​សុខភាព​កុមារ

ការ​ទទួលទាន​អំបិល​ច្រើន​ធ្វើ​ឲ្យ​ប៉ះពាល់​ដល់​សុខភាព​កុមារ

ការ​ទទួលទាន​អំបិល​ច្រើន​ធ្វើ​ឲ្យ​ប៉ះពាល់​ដល់​សុខភាព​កុមារ

120919_21b
120919_21b

ក្រុង​ញូវយ៉ក : មិន​ខុស​ពី​មនុស្ស​ពេញ​វ័យ​ទេ ការ​ទទួលទាន​អំបិល​ច្រើន​អាច​បង្កើន​ទម្ងន់ និង​សម្ពាធ​ឈាម​កុមារ។

អ្នក​ស្រាវជ្រាវ គាន់ យ៉ាង និង​សហការី មក​ពី​មជ្ឈមណ្ឌល​ការពារ​ជំងឺ​អាមេរិក​បាន​ថ្លែង​ថា៖ «ការ​ទទួល​ទាន​អំបិល ឬ​សូដ្យូម​ច្រើន​អាច​ធ្វើ​ឲ្យ​កុមារ​ឡើង​ទម្ងន់ និង​មាន​សម្ពាធ​ឈាម​ខ្ពស់»។

ការ​ស្រាវជ្រាវ​ថ្មី​នេះ​ ត្រូវ​បាន​បោះពុម្ព​នៅ​ថ្ងៃទី​១៧ ខែ​កញ្ញា នៅ​ក្នុង​ព្រឹត្តិបត្រ​ស្រាវជ្រាវ Journal Pediatrics។

យោង តាម​ការ​ណែនាំ​របស់​រដ្ឋាភិបាល​អាមេរិក ក្នុង​មួយ​ថ្ងៃ​មនុស្ស​យើង​គួរ​ទទួល​ទាន​អំបិល​ ឬ​សូដ្យូម​ប្រមាណ​ជា ១៥០០​មិល្លីក្រាម និង​ចៀស​វាង​កុំ​ឲ្យ​លើស​ពី ២៣០០​មិល្លីក្រាម។

ការ ​សិក្សា​នេះ​ពឹង​ផ្អែក​លើ​ទិន្នន័យ​ប្រមូល​ពី​ក្មេង​៦២០០​នាក់ អាយុ​ចន្លោះ​៨ ទៅ​១៨​ឆ្នាំ។ តួលេខ​បាន​បង្ហាញ​ថា កុមារ និង​យុវវ័យ​ភាគ​ច្រើន​ទទួលទាន​អាហារ​ដែល​មាន​សូដ្យូម​ជិត​៣៤០០​មិល្លីក្រាម ក្នុង​មួយ​ថ្ងៃ ហើយ​បុរស​គឺជា​អ្នក​ញ៉ាំ​អាហារ​ប្រៃ​ច្រើន​ជាង​ស្ត្រី។

ក្រុម​ក្មេង ដែល​ញ៉ាំ​អាហារ​មាន​អំបិល ឬ​សូដ្យូម​ច្រើន​ ឆាប់​ប្រឈម​នឹង​ជំងឺ​លើស​ឈាម។ អត្រា​ប្រឈម​នេះ​គឺ​ខ្ពស់​ជាង​ក្មេង​ទូទៅ​ដល់​ទៅ​៣,៥​ដង។

ដើម្បី​បង្ការ​បញ្ហា​នេះ អ្នក​ជំនាញ​ក៏​បាន​ណែនាំ​ឲ្យ​កុមារ​ទទួលទាន​បន្លែ ផ្លែ​ឈើ គ្រាប់​ធញ្ញជាតិ​ទាំង​មូល និង​ម្ហូប​អាហារ​ស្រស់ៗ​ឲ្យ​បាន​ច្រើន​ផង​ដែរ ដើម្បី​ឲ្យ​របប​អាហារ​មាន​តុល្យភាព៕

អត្ថបទគួរចាប់អារម្មណ៍