ក្រុង ញូវយ៉កៈ លទ្ធផលនៃការសិក្សាស្រាវជ្រាវមួយនឹងបង្ហាញឲ្យឃើញថា មនុស្សដែលបានប្រណិប័តន៍ការធ្វើសមាធិជាយូរយារមកនោះអាចកាត់ បន្ថយការរួមតូចនៃទំហំខួរក្បាលនៅពេលដែលពួកគេចាស់ទៅ។
ក្រុម អ្នកស្រាវជ្រាវបានប្រើឧបករណ៍បច្ចេកវិទ្យាដ៏ទំនើបមួយមកស្កេន មើលសំណុំខួររបស់អ្នកចូលរួម ដែលក្នុងនោះមានអ្នកធ្វើសមាធិជាប្រចាំ និងអ្នកមិនធ្លាប់ធ្វើសមាធិ។ ការសិក្សាបានស្រង់ស្ថិតិលើមនុស្សចំនួន២៧នាក់ ដែលបានប្រណិប័តន៍ការធ្វើសមាធិនៅចន្លោះអាយុ ពី៥ឆ្នាំទៅដល់៤៦ឆ្នាំ និងចំនួនមនុស្ស ២៧នាក់ ទៀតពួកគេមិនមានសកម្មភាពសមាធិសូម្បីតែម្ដងណាឡើយ។
ក្រុម អ្នកសង្កេតបានរកឃើញថា ទាំងពីរក្រុមបានផ្តល់លទ្ធផលផ្សេងគ្នាតាមរយៈលទ្ធផលនៃការប៉ះពាល់លើសំណុំខួរក្បាលនេះតែម្តង។
អ្នកស្រី អេលីន លូឌើរ សហប្រធានផ្នែកនិពន្ធនៃក្រុមស្រាវជ្រាវមកពីសាកលវិទ្យាល័យ កាលីហ្វ័រនីញ៉ាបាននិយាយថា៖ «លទ្ធផលទាំងនេះបាន្យឲ្យយើងដឹងថា អ្នកប្រតិបត្តិសកម្មភាពសមាធិភាគច្រើនគឺក្នុងកោសិកាសំណុំខួរ ក្បាលពួកគេមានលក្ខណៈពណ៌ស»។
អ្នកស្រីបន្តថា៖ «នៅពេលដែលឈានដល់វ័យចាស់ មនុស្សយើងតែងតែបាត់បង់កោសិកាសំណុំខួរក្បាលពណ៌ស ប៉ុន្តែអ្នកដែលធ្វើសមាធិអាចកាត់បន្ថយចំនួនកោសិកាពីការរេចរឹល ៕ PR
