The Phnom Penh Post Search

Search form




Logo of Phnom Penh Post newspaper Phnom Penh Post - កាហ្វេ​ខ្មៅ​​ ជួយ​បង្ក្រាប​អាការ​សាច់ដុំ​កន្ដ្រាក់​កុមារា​កើត​ជំងឺ​ហ្ស៊ែន​កម្រ

កាហ្វេ​ខ្មៅ​​ ជួយ​បង្ក្រាប​អាការ​សាច់ដុំ​កន្ដ្រាក់​កុមារា​កើត​ជំងឺ​ហ្ស៊ែន​កម្រ

Content image - Phnom Penh Post
កុមារា​អាយុ ១១ ​ឆ្នាំ​មាន​ជំងឺ​ហ្ស៊ែន​កម្រ​ពឹង​ផ្អែក​លើ​កាហ្វេ​ខ្មៅ​ ២ ​ពែង​រាល់​ថ្ងៃ​។

កាហ្វេ​ខ្មៅ​​ ជួយ​បង្ក្រាប​អាការ​សាច់ដុំ​កន្ដ្រាក់​កុមារា​កើត​ជំងឺ​ហ្ស៊ែន​កម្រ

ក្រុងប៉ារីស: មនុស្ស​ជាច្រើន​និយាយ​ថា ពួកគេ​មិន​អាច​រស់​ដោយ​គ្មាន​កាហ្វេ តែ​សម្រាប់​កុមារា​អាយុ ១១ ​ឆ្នាំ​ម្នាក់​ដែល​រស់នៅ​ក្នុង​ប្រទេស​បារាំង​អាច​ជា​រឿង​ពិត​។

ជំងឺ​ហ្ស៊ែន​សាច់ដុំ​ដ៏កម្រ​អាច​ត្រូវ​បាន​បង្ក្រាប​ឥទ្ធិពល​ដោយ​ការទទួលទាន​កាហ្វេ​ខ្លាំង ឬ espresso ២ ​កែវ​តូច​រៀងរាល់​ថ្ងៃ​។ ពេល​ដែល​កុមារា​រូប​នេះ​ចាប់ផ្ដើម​ទទួលទាន​កាហ្វេអ៊ីន​ម្ដងទៀត អាការរោគ​ក៏​បាន​ថមថយ​វិញ​។

លោក Emmanuel Flamand-Roze វេជ្ជបណ្ឌិត​មកពី​មន្ទីរពេទ្យ Pitie-Salpetriere ក្នុង​ក្រុង​ប៉ារីស និង​ដឹកនាំ​ការសិក្សា​ចុះផ្សាយ​កាលពី​ថ្ងៃ​អង្គារ​អំពី​ជំងឺ​ជះឥទ្ធិពល​ដល់​អ្នកជំងឺ​បាន​និយាយ​ថា​៖ «​វា​ពិតជា​ករណី​កម្រ​ដ៏អស្ចារ្យ​មួយ​ដែល​បង្ហាញ​ពី​ប្រសិទ្ធភាព​នៃ​ឱសថ​បុរាណ​»​។

ក្នុង​ព្រឹត្តិបត្រ Annals of Internal Medicine ការធ្វើ​តេស្ដ​ដោយ​ចៃដន្យ​បាន​បង្ហាញ​ពី​ប្រសិទ្ធភាព​សារធាតុ​កាហ្វេអ៊ីន​ជួយ​ព្យាបាល​អប្រក្រតីភាព​ស្ថិត​ក្នុង​ក្រុម​ជំងឺ​បង្ក​ឡើង​ដោយ​ចលនា​សាច់ដុំ​កន្ដ្រាក់ ប្រកាច់​រមួល​ដែល​មាន​ដើមចម​ពី​បម្រែបម្រួល​ហ្ស៊ែន ADCY5​។

អប្រក្រតីភាព​សាច់ដុំ​ទាក់ទង​នឹង​ហ្ស៊ែន ADCY5 ពិតជា​កម្រ​ឡើង​ណាស់​ដោយ​វា​បាន​ប៉ះពាល់​ដល់​មនុស្ស​ម្នាក់​ក្នុង​ចំណោម ១ ​លាន​នាក់ ហើយ​វា​ក៏​គ្មាន​វិធី​ព្យាបាល​ផង​ដែរ​។

ហ្ស៊ែន​ដែល​ស្ថិត​ក្នុង​សភាព​ប្រក្រតី​បង្កើត​សមាសភាព​អង់ហ្ស៊ីម​ដែល​ជួយ​គ្រប់គ្រង​ចលនា​កន្ដ្រាក់​សាច់​ដុំ​។ បម្រែបម្រួល​ហ្ស៊ែន​រំខាន​ដល់​ដំណើរការ​ទាំងនេះ ហើយ​សារធាតុ​កាហ្វេអ៊ីន​បាន​ជួយ​សម្រួល​ដល់​ដំណើរការ​រាងកាយ​ឡើង​វិញ​៕ HR

អត្ថបទគួរចាប់អារម្មណ៍

  • ឃ្មុំមាស លើក​ពាន​បាល់​បោះ​ជិះ​រទេះ​ជន​ពិការ

    ភ្នំពេញ៖ ​ក្រុម​កីឡាករ កីឡាការិនី​ឃ្មុំ​មាស​កំពង់ធំ ​បាន​រក​ឃើញ​នូវ​ជ័យ​ជម្នះ​ដ៏​គួរ​ឲ្យ​កត់​សម្គាល់​មួយ ដើម្បី​​ក្លាយ​ជា​ម្ចាស់​ជើងឯក​ ការ​​ប្រកួត​ជើងឯក​បាល់​បោះ​ជិះ​រទេះ​ជន​ពិការ លើក​ទី ​១ ឆ្នាំ ​២០១៩ ខណៈ​កម្រិត​បច្ចេកទេស​ពិសេស​ក្រុម​នារី ដែល​បាន​ចូលរួម​​ប្រជែង ក្នុង​ព្រឹត្តិការណ៍​នេះ

  • សេដ្ឋកិច្ច​សកល​បាត់​ជិត​ $៨ ​ពាន់​ពាន់​លាន​ ដោយសារ​អាកាសធាតុ

    ក្រុងប៉ារីសៈ ការវិភាគ​ថ្មី​បាន​បង្ហាញ​កាលពី​ថ្ងៃ​ពុធ​សប្តាហ៍​នេះ​ថា ការប្រែប្រួល​អាកាសធាតុ​អាច​ធ្វើឲ្យ​ខាតបង់​ដោយ​ផ្ទាល់​ដល់​សេដ្ឋកិច្ច​ពិភពលោក​ចំនួន ៧,៩ ពាន់​ពាន់​លាន​ដុល្លារ​ នៅត្រឹម​ពាក់កណ្ដាល​សតវត្សរ៍​នេះ ដោយសារ​កំណើន​ភាពរាំងស្ងួត ទឹកជំនន់ និង​បរាជ័យ​ដាំ​ដំណាំ រារាំង​កំណើន និង​គំរាមកំហែង​ដល់​ហេដ្ឋារចនាសម្ព័ន្ធ​។

  • តុលាការ​បារាំង​កាត់​ក្ដី​​ឲ្យ​ហ្វូង​ទា​នៅ​ទី​​​ជនបទ ​​​អាច​បន្ដ​ស្រែក​រំខាន​អ្នក​ជិត​ខាង

    ក្រុង​ប៉ារីស៖ តុលាការ​បារាំង​បាន​សម្រេច​ឲ្យ​ហ្វូង​ទា​នៅ​និរតី​ប្រទេស​អាច​បន្ដ​ស្រែក​កាបៗ​ ​ក្រោយ​​មាន​ការ​ប្ដឹង​ផ្ដល់​ពី​អ្នក​ជិត​ខាង​ចំពោះ​សម្រែក​សំឡេង​របស់​ពួក​វា​ ដោយ​​​យ៉ាង​ហោច​ណាស់​​ត្រូវ​​រង់ចាំ​ការ​ស៊ើប​អង្កេត​ពី​ការ​ធ្វើ​តេស្ដ​កម្រិត​សំឡេង​រំខាន​សិន​​។

  • អ៊ីស្រាអែល​វាយ​ប្រហារ​ផ្លូវ​អាកាស បង្ក​ឲ្យ​​មនុស្ស​ ​២៣ ​នាក់​ស្លាប់​នៅ​ស៊ីរី

    ក្រុង​ហ៊្សេរុយសាឡិម៖ ​ប្រទេស ​អ៊ីស្រាអែល​ បាន​ថ្លែង​ថា​ យន្តហោះ​ចម្បាំង​ជា​ច្រើន​គ្រឿង​របស់​ខ្លួន​ បាន​បើក​ការ​វាយ​ប្រហារ​ប្រឆាំង​ទៅ​លើ​គោលដៅ​របស់​កងកម្លាំង​អ៊ីរ៉ង់ ​និង​យោធា​ស៊ីរី​នៅ​ប្រទេស ​ស៊ីរី ​កាល​ពី​ថ្ងៃ​ពុធ​ នៅ​ក្នុង​ការ​វាយ​ប្រហារ​ដែល​ក្រុម​ឃ្លាំ​មើល​សិទ្ធិ​មនុស្ស​បាន​រាយការណ៍​ថា​ មនុស្ស​យ៉ាង​តិច ​២៣ ​នាក់​បាន​ស្លាប់​​។​