.jpg)
អ្នកខ្លះយល់ខុសថា ការញ៉ាំទឹកដោះគោ បង្កើនស្លេស្ម៍ និងសម្បោរ។
ក្រុងឡុងដ៍: ការសិក្សាថ្មីមួយបានបង្ហាញថា ការយល់ច្រឡំដដែលៗរបស់ឪពុកម្ដាយទូទៅ មិនឲ្យកូនទទួលទានទឹកដោះគោក្លាស្សេនោះទេ ពីព្រោះវាកាន់តែធ្វើឲ្យកើតស្លេស្ម៍ច្រើនឥតឈប់ ក្អកកាន់តែខ្លាំង ឬមានបញ្ហាសួតថែមទៀត។
ប៉ុន្ដែក្រុមអ្នកវិទ្យាសាស្ដ្របានបង្ហាញថា ជំនឿតៗគ្នានេះជារឿងមិនពិតទេ ហើយបាននិយាយថា កុមារគួរតែត្រូវបានផ្ដល់ទឹកដោះដោយសារជាតិកាល់ស្យូមមានសារៈសំខាន់ចំពោះសុខភាពឆ្អឹង។
ជំនឿសុខភាពនេះមានដើមកំណើតមកពីមេដឹកនាំអបិយជំនឿម្នាក់កាលពីឆ្នាំ ១២០៤ និងត្រូវបាននិយាយតៗគ្នារាប់រយឆ្នាំដោយគ្មានភ័ស្ដុតាងវិទ្យាសាស្ដ្របញ្ជាក់។
ផ្ទុយទៅវិញ មនុស្សទូទៅទំនងជាគិតថា ទឹកដោះគោធ្វើឲ្យរាងកាយផលិតស្លេស្ម៍ និងទឹកសម្បោរកាន់តែច្រើនពេលវាលាយជាមួយទឹកមាត់ និងធ្វើឲ្យមានអាការស្អិតក្នុងមាត់។
តែក្រុមអ្នកស្រាវជ្រាវបាននិយាយថា វាសំខាន់សម្រាប់ឪពុកម្ដាយ ដែលមិនគួរបញ្ឈប់ឲ្យកូនទទួលទានទឹកដោះគោ ពីព្រោះវាជាថាមពលដ៏ចាំបាច់ និងសម្បូរវីតាមីន និងរ៉ែ។
វេជ្ជបណ្ឌិត Ian Balfour-Lynn មកពីមន្ទីរពេទ្យ Royal Brompton ក្រុងឡុងដ៍ បាននិយាយថា៖ «នាយកដ្ឋានយើងតែងតែឮឪពុកម្ដាយប្រាប់ថា ការទទួលទានទឹកដោះគោបង្កើនស្លេស្ម៍ដូច្នេះពួកគេឈប់ឲ្យកូនញ៉ាំទឹកដោះគោ»។
លោកសន្និដ្ឋានថា៖ «ខណៈទឹកដោះគោមួយចំនួនអាចធ្វើឲ្យមនុស្សមានអារម្មណ៍ថា ទឹកមាត់ខាប់អន្ធិលពិបាកលេប តែគ្មានភ័ស្ដុតាងបញ្ជាក់ថា ទឹកដោះគោបង្កើនស្លេស្ម៍ សម្បោរលើសលប់ទេ»៕HR
