អ្នកជំនាញសុខភាព និងអប់រំផ្លូវភេទ បានប្រើវេទិការអ៊ីនធឺណិតបង្ហាញពីអត្ថប្រយោន៍នៃសិចប្រកបដោយសុខភាព ដូចជាបញ្ហាដំណេក ភាពស៊ាំងនឹងមេរោគ និងជំងឺប្រកាំងជាដើម។
អ្នកអប់រំផ្លូវភេទ ហានណា ដេ ព្រីអើស បាននិយាយថា៖ «សិចផ្ដល់សេចក្ដីសុខ ហើយសិចផ្ដល់ភាពស្និទ្ធស្នាល។ សិចបញ្ចេញញើស ក្លិន ក៏ដូចជាសំណើច និងសំឡេងពីភាពស្រណុកស្រួល។ ទាំងនេះគឺជាវីតាមីន។ បើដាក់ផែនការសុខភាព ចូររៀបចំរបបអាហារ ឬចុះឈ្មោះចូលរៀនថ្នាក់យោគៈ»។
ដូច្នេះ ជាមួយចំនួនរបស់ អ្នកស្រី ដេ ព្រីអើស និងអ្នកស្រី រ៉ូសា សៀរ៉ា គូស្នេហ៍គ្រប់រូបនឹងបានដឹងមូលហេតុថា សិចមានលក្ខណៈខុសៗគ្នា ហើយពួកគេបានផ្ដល់ការណែនាំឱ្យប្រណិបតន៍សិចប្រកបដោយសុខុមាលភាព។
ប្រាថ្នាសិចប្រកបដោយសុខភាពជាជាងសិចជោគជាំ
គំនិតនេះចង់មានន័យថា សិចញឹកញយ ជាឫសគល់នៃសុខភាពរឹងមាំ ដែលសិចគ្រប់ប្រភេទផ្ដល់ឱ្យ។ ប៉ុន្ដែបើសិចបង្កភាពស្មុគស្មាញ ឬវិបត្ដិផ្លុវចិត្ដ វានឹងមិនផ្ដល់ប្រយោជន៍ដល់រាងកាយឡើយ ហើយវាថែមទាំងបង្កគ្រោះថ្នាក់វិញ។
មូលហេតុគឺបញ្ហាស្ដ្រេស ពីព្រោះស្ដ្រេសគឺជាសត្រូវចម្បងរបស់បុគ្គលម្នាក់ៗ ដែលវាប៉ះពាល់ដល់ដំណេក សុខភាពបេះដូង សមត្ថភាពនៃការគិតពិចារណា និងបញ្ហាផ្សេងៗទៀត។
ចូរស្វែងយល់ពីការសិក្សាមួយក្នុងឆ្នាំ ២០១៤ ដែលបានបង្ហាញថា សិចញឹកញយជួយដល់ភាពស៊ាំងជំងឺ។ ការសិក្សានេះបានរកឃើញថា គូស្នេហ៍ ឬប្ដីប្រពន្ធ ដែលប្រព្រឹត្ដិសិចយ៉ាងតិច ២ដងក្នុងមួយសប្ដាហ៍ មានប្រ៉ូតេអ៊ីនសំខាន់សម្រាប់មុខងារនៃភាពស៊ាំងជំងឺ ឬ (IgA) នៅក្នុងទឹកមាត់ជាងគូស្នេហ៍ដែលសិចត្រឹមម្ដងក្នុងមួយសប្ដាហ៍។
ប៉ុន្ដែគូស្នេហ៍រួមភេទលើស ៣ ដងក្នុងមួយសប្ដាហ៍ បែរជាខ្សោយ (IgA) ទៅវិញ។ អ្នកនិពន្ធការសិក្សា បានលើកឡើងថា ទោះបីជារួមភេទញឹករហូតគ្មានលស់ពេល គូស្នេហ៍ទាំងនោះក៏ប្រឈមនឹងស្ដ្រេសខ្លាំង ដែលបង្កឱ្យប្រព័ន្ធ ការពារជំងឺចុះខ្សោយ។
យ៉ាងណាមិញ ការសិក្សាឆ្នាំ ២០១៧ បានបង្ហាញថា សិចដ៏ស្រើបស្រាលគឺជាគន្លឹះសុភមង្គលនៃចំណងអាពាហ៍ពិពាហ៍។ ក្រុមអ្នកស្រាវជ្រាវ បានតាមដានពីទំនាក់ទំនងរវាងសិច និងអាពាហ៍ពិពាហ៍ចំពោះប្ដីប្រពន្ធ ១០៥ គូ លើរយៈពេល ១៤ ឆ្នាំ។
លទ្ធផលបង្ហាញថា ការពេញចិត្ដពេញថ្លើមចំពោះជីវិតផ្លូវភេទ និងភាពកក់ក្ដៅមានតម្លៃខ្ពស់ជាងការប្រព្រឹត្ដិសិចញឹកញយ។
ចូរឱ្យប្រាកដថា សិចជាយានចម្លងជាងជាយានពន្លិច
អ្នកស្រី សៀរ៉ា បាននិយាយថា៖ «ពេលយើងជជែកអំពីអត្ថប្រយោជន៍សិចចំពោះសុខភាព យើងក៏វែកញែកអំពីអត្ថប្រយោជន៍នៃការសម្រេចកាម ឬការថើប តែយើងមិនសំដៅលើកត្ដាផ្សេងៗ ដែលភាពស្និទ្ធត្រូវបានបង្កើតឡើងជាមួយដៃគូដោយគ្រាន់តែមានបំណងចង់ស្រួលមួយគ្រាៗប៉ុណ្ណោះនោះទេ»។
ខាងក្រោមនេះជាគន្លឹះខ្លះៗសម្រាប់សិចប្រកបដោយសុខភាព
ថ្លាថ្លែងពីចំណង់ និងចំណូលចិត្ដ
-ដំបូងបំផុត ចេះយល់ដឹងពីខ្លួនឯង។ ព្យាយាមស្វែងរកមូលហេតុដែលចង់រួមភេទជាមួយអ្នកដទៃ។ វាអាចជួយអ្នកឈ្នះចិត្ដខ្លួនឯង ដែលចង់សម្រេចគោលដៅ។
-ប្រាប់ដៃគូនូវអ្វីដែលខ្លួនចង់បាន ដូចជា ការថើប ការសម្រេចកាម ឬភាពស្និទ្ធស្នាលនៃរាងកាយ។
-បើទំនាក់ទំនងវាលំបាកខ្លាំងសម្រាប់អ្នក ចឹងឱ្យដទៃបានដឹងផង។ ការជែកអំពីបញ្ហាសិចវាពិតជាលំបាកសម្រាប់មនុស្សភាគច្រើន។ ឱកាសគឺថា ដៃគូមានអារម្មណ៍ចឹងដូចគ្នា។ ភាពស្មោះត្រង់ជាមួយនរណាម្នាក់ធ្វើឱ្យកាន់តែស្និទ្ធស្នាល។
សិចច្រើនៗជាមួយខ្លួនឯង
សិចតែម្នាក់ឯងពិតជាមធ្យោបាយអស្ចារ្យក្នុងការទាក់ទងជាមួយតម្រូវការផ្លូវចិត្ដដ៏ចម្លែករបស់ខ្លួនឯង។
អ្នកស្រី ដេ ព្រីអើស បានឱ្យដឹងថា៖ «ស្វែងរកការសម្រេចកាមដ៏អស្ចារ្យ ឬទទួលបាននូវបទពិសោធថ្មីៗ ដែលខ្ញុំស្នើឱ្យបន្ថែមឧបករណ៍ថ្មីៗ ឬតាមសរីរៈផ្សេងៗនៃរាងកាយ ដែលអ្នកតែងតែមើលរំលង។ បើទ្រលាន់នឹងឧបករណ៍រំញ័រ ចូរសាកឧបករណ៍ជញ្ជក់ម្ដង»។
កុំគិតតែរឿងសម្រេចកាមពេក
គិតតែរឿងដល់ត្រើយពេកអាចបង្កជាវិបត្ដិស្ដ្រេស ហើយការស្រាវជ្រាវបានលើកឡើងថា ស្ដ្រេសរ៉ាំរ៉ៃចូលមកបន្សាបភាពស្រើបស្រាលនៃរាងកាយចំពោះប្រដាប់ភេទស្ដ្រី។
អ្នកស្រី ដេ ព្រីអើស បានបន្ដថា៖ «មនុស្សជាច្រើនមានអារម្មណ៍អសសង្ឃឹមពេលពួកគេមិនអាចសម្រេចកាម ឬជួយដៃគូឱ្យដល់ត្រើយសុខពីការរួមភេទធម្មតាៗ»។
អូសបន្លាយពេលបន្ដិចក្រោយការបង្ហើយចុងក្រោយ
ក្រោយដល់ត្រើយហើយ ការផ្ដល់ភាពកក់ក្ដៅគឺជាសកម្មភាពជួយដៃគូឱ្យទទួលបាននូវការយកចិត្ដទុកដាក់ ក្រោយពីអ្នកសម្រេចគោលដៅ។
វាអាចជាការបបោសអង្អែល ជជែកពីនេះពីនោះ ការទស្សនាភាពយន្ដ ឬចម្អិនម្ហូបឱ្យដៃគូជាដើម។ វាជួយបង្កើនភាពស្និទ្ធិស្នាល និងជំនឿចិត្ដឱ្យដៃគូ។
ប្រើវិធីសាស្ដ្រការពារ
សិចជាល្បែងបញ្ឆោត។ វាអាចធ្វើឱ្យមានអារម្មណ៍ស្រណុកស្រួល ពេលប្រតិបត្ដិការលាតៗ តែអាចបង្កក្ដីកង្វល់ពេលក្រោយ។ វិធីល្អដើម្បីកាត់បន្ថយក្ដីបារម្ភក្រោយសិច គឺការប្រើប្រាស់ស្រោមអនាម័យ ឬវិធីការពារផ្សេងៗ។
ផ្ដល់អាទិភាពដល់សុខភាពផ្លូវចិត្ដជាងផ្លូវកាយ
សុខភាពផ្លុវចិត្ដ និងសុខភាពផ្លូវភេទគឺជាផ្នែកទីទៃនៃកាក់តែមួយ។ សិចងាយរងគ្រោះតាមបែបផែនធម្មជាតិធ្វើឱ្យអ្នកខ្លះបារម្ភខ្លាំងដែរ ជាពិសេសអ្នកដែលមានប្រវត្ដិកើតបញ្ហាផ្លូវចិត្ដ។ សិចអាចគាស់កកាយវិបត្ដិនោះឱ្យងើបឡើងវិញ។
សិចប្រកបដោយសុខុមាលភាពល្អបំផុតគឺជាសិចដែលធ្វើឱ្យអ្នកមានអារម្មណ៍បែបធម្មជាតិបំផុត
ពេលបណ្ដាញផ្សព្វផ្សាយផ្ដោតលើ «សិចល្អ» វារមែងទាក់ទងនឹងការរួមភេទតាមប្រដាប់ភេទ សម្រេចកាម សំឡេងថ្ងូរស្ទើរតែផុតៗដង្ហើម និងការសម្រក់ញើសជោកកាយជាដើម។ ប៉ុន្ដែសិចអស្ចារ្យ វាទាក់ទងនឹងសិចតាមក្បួនខ្នាតត្រឹមត្រូវ។
អ្នកស្រី សៀរ៉ា លើកឡើងថា៖ «យើងមើលកុនសិច ឃើញថា គូស្នេហ៍គ្រាន់តែនាំគ្នាឡើងគ្រែ ឬពួកគេត្រូវការសិចស្របពេលគ្នា។ ប៉ុន្ដែច្បាស់ថា ទំនាក់ទំនងពិតប្រាកដ មនុស្សមានភាពខុសគ្នាចំពោះចំណង់ចង់រួមភេទ»។
សិចល្អប្រសើរស្រេចលើការបកស្រាយរបស់បុគ្គលម្នាក់ៗ ហើយនិយមន័យរបស់វាអាចផ្លាស់ប្ដូរទៅតាមថ្ងៃនីមួយៗ។ ជួនកាល សិចអស្ចារ្យបំផុតគឺបែបឆក់កន្ដៀត ខណៈពេលខ្លះទៀត អ្នកត្រូវការពេលវេលាច្រើនម៉ោងបន្ដថើបអង្អែល និងដុតកម្ដៅ។
គន្លឹះគឺស្មោះត្រង់នឹងខ្លួនឯង។ ពេលណាដែលអ្នកកំពុងតែរួមភេទ ចូរសួរខ្លួនឯងថា តើអ្នកត្រូវការអ្វីនាពេលនោះដើម្បីឱ្យធានាពីសុវត្ថិភាព យល់ពីគ្នា និងសម្រេចគោលដៅ៕ HR