.jpg)
ទឹកក្ដៅឧណ្ហៗជាង ៤០ អង្សាសេ ល្អចំពោះសុខភាព។ AFP
ក្រុងតូក្យូ: វាជាមូលហេតុដ៏ស័ក្ដិសមដែលគួរតែបង្ហូរទឹកសាប៊ូរួចគេងត្រាំក្នុងអាងមួយសន្ទុះធំ។
ការងូតទឹកក្ដៅឧណ្ហៗ ពី ៥ ដងឡើងក្នុងមួយសប្ដាហ៍អាចជួយទប់ទល់នឹងជំងឺគាំងបេះដូង ឬដាច់សរសៃឈាម ខួរក្បាល។ នេះបើយោងតាមក្រុមអ្នកស្រាវជ្រាវអះអាង។
ការសិក្សាមួយបានរកឃើញថា ការងូតទឹកក្ដៅក្នុងសីតុណ្ហភាព ៤១ អង្សាសេជាប្រចាំផ្ដល់ជាប្រយោជន៍ចំពោះសុខភាពបេះដូង និងកាត់បន្ថយឱកាសពីការរឹងសរសៃឈាម និងស្ទះសរសៃឈាម។
គេជឿថា ការត្រាំទឹកក្ដៅឧណ្ហៗជួយលំហូរចរន្ដឈាមរត់ពីជើង និងពោះទៅកាន់បេះដូង ខណៈសីតុណ្ហភាពខ្ពស់អាចកាត់បន្ថយហានិភ័យជំងឺលើសឈាមថែមទៀត។
ក្រុមអ្នកស្រាវជ្រាវ បានតាមដានបុរស និងស្ដ្រី ៨៧៣ នាក់ ដែលងូតទឹកក្ដៅជាមធ្យម ១២ នាទីបានទប់ស្កាត់ជំងឺ ដាច់សរសៃឈាមខួរក្បាល និងបញ្ហាបេះដូង ។
ការសិក្សា ដែលធ្វើឡើងនៅសាកលវិទ្យាល័យក្យូតុរបស់ជប៉ុន និងចុះផ្សាយក្នុងព្រឹត្តិបត្ររបាយការណ៍វិទ្យាសាស្ដ្រ បានបង្ហាញថា៖ «ចំណូលចិត្ដសោណាសម្រួលដល់បញ្ហាជំងឺបេះដូងជាជម្រើសដ៏ល្អ។ ការងូតទឹកក្ដៅឧណ្ហៗក៏មានប្រសិទ្ធភាពស្រដៀងគ្នាផងដែរ»។
សាស្ដ្រាចារ្យ ចេមី ភៀសុន មកពីមូលនិធិបេះដូងអង់គ្លេស បាននិយាយថា៖ «ការសិក្សាបានបង្ហាញពីទំនាក់ទំនងរវាងការងូតទឹកក្ដៅជាប្រចាំ និងអត្ថប្រយោជន៍ចំពោះសុខភាពបេះដូង និងចរន្ដឈាមរត់បានស្រួល។
អ្នកដែលងូតទឹកក្ដៅប្រចាំក៏ជួយកាត់បន្ថយស្ដ្រេស ឬរបបអាហារប្រកបដោយសុខភាពថែមទៀត»៕HR
