.jpg)
សុខភាពមាត់ធ្មេញល្អមានអត្ថប្រយោជន៍ដល់សមត្ថភាពផ្លូវភេទបុរស។
ក្រុងរីយោ: បុរសកើតជំងឺមាត់ធ្មេញអាចជួបបញ្ហាទ្វេដងនៃការដំឡើងអានុភាពលិង្គ។នេះបើយោងតាមការស្រាវជ្រាវ។
ការសិក្សាដំបូងដែលត្រូវបានធ្វើឡើងលើបុរសនៅតំបន់អឺរ៉ុប ក្រុមអ្នកវិទ្យាសាស្ដ្រមកពីសាកលវិទ្យាល័យេហ្រ្គនណាដា ប្រទេសប្រេស៊ីល បានឲ្យដឹងថា ស្ថានភាពទាំង ២ មានទំនាក់ទំនងគ្នាទៅនឹងប្រូតេអ៊ីនតែមួយដែលកកើតឡើងនៅក្នុងថ្លើម។
ក្រុមអ្នកវិទ្យាសាស្ដ្រ បានសិក្សាលើបុរស ១៥៨ នាក់ អាយុចន្លោះពី ២៣ ទៅ ៦៩ ឆ្នាំ ដែល ៨០ ភាគរយកើតជំងឺអសមត្ថភាពផ្លូវភេទ និងធ្វើការប្រៀបធៀបអត្រាជំងឺរាក់ស៊ីធ្មេញជាមួយបញ្ហាផ្លូវភេទ។
លទ្ធផលបានបង្ហាញថា អ្នកមានជំងឺមាត់ធ្មេញ ដែលស្គាល់ជា periodontisis រ៉ាំរ៉ៃ បានធ្វើឲ្យបុរសប្រឈមនឹងអត្រាអសមត្ថភាពផ្លូវភេទ ២,១៧ ដង។ នេះជាកត្ដាធំជាងបញ្ហាបុរសកើតជំងឺទឹកនោមផ្អែម ឬជំងឺបេះដូងទៅទៀត។
ជំងឺមាត់ធ្មេញ បានកើតឡើងពេលកោសិកាទ្រទ្រង់ធ្មេញឡើងហើមប៉ោង និងឈឺ ឬឆ្លងជំងឺដោយសារបាក់តេរីក្នុងមាត់។ ការចេញឈាមពីការដុសសម្អាតធ្មេញ ឬការចាក់ធ្មេញ គឺជារោគសញ្ញាទូទៅនៃជំងឺមាត់ធ្មេញនេះ។
ការដុសសម្អាតធ្មេញ ១ ថ្ងៃ ២ ដងជាមួយថ្នាំដុសធ្មេញ ដែលសម្អាតរវាងចន្លោះធ្មេញម្ដងក្នុង ១ ថ្ងៃដោយការប្រើច្រាសឆ្កឹះ និងការជួបទន្ដពេទ្យជាប្រចាំគឺជាវិធីល្អបំផុត ដើម្បីការពារជំងឺមាត់ធ្មេញ និងសុខភាពផ្លូវភេទផងដែរ។
ការរកឃើញរបស់ក្រុមអ្នកវិទ្យាសាស្ដ្រខាងលើ ត្រូវបានចុះផ្សាយក្នុងព្រឹត្តិបត្រ Periodontology៕HR
