.jpg)
ដំឡូងបំពង ១ ប្រអប់ តែអ្នកជំនាញថា ញ៉ាំតែ ៦ សរសៃបានហើយ។
ក្រុងញូវយ៉ក: សាស្ដ្រាចារ្យសាកលវិទ្យាល័យហាវើដ ម្នាក់បានប្រកាសថា ការទទួលទានដំឡូងបំពង គួរតែមានបរិមាណត្រឹមតែ ៦ សរសៃដែលបង្កការភ្ញាក់ផ្អើលយ៉ាងខ្លាំង។ ទាំងស្រួយផង ទន់ផង និងស្រោបប្រេងអំបិលប្រៃតិចៗ សរសៃដំឡូងបារាំងបំពងធ្លាប់ជាអាហារសម្រន់យ៉ាងឆ្ងាញ់ពិសាតាំងពីអំឡុងឆ្នាំ ១៧០០។
ចំពោះមនុស្សជាច្រើន ដំឡូងបារាំងបំពងតែ ៦ សរសៃ គ្រាន់តែដាក់ ១ ម៉ាត់មិនស្កៀបមាត់ផង។ ប៉ុន្ដែសាស្ដ្រាចារ្យ អេរីក រីម មកពីផ្នែកជីវជាតិអាហារនៃសាកលវិទ្យាល័យហាវើដ បានក្រើនរំឭកថា ដំឡូងបារាំងសម្បូរជាតិម្សៅ ហើយសរសៃដំឡូងកន្លះគីឡូត្រឹមកម្រិតកំណត់របស់បុគ្គលម្នាក់។ បន្ទាប់មក យើងគួរតែបន្ថែមសាលាដ បើចង់គេចផុតពីស្ថានភាពគំរាមកំហែងដល់សុខភាពបេះដូង។
ការណែនាំរបស់វេជ្ជបណ្ឌិត រីម ក្នុងអត្ថបទកាសែត New York Times នាសប្ដាហ៍នេះ បានបង្កការភ្ញាក់ផ្អើលពេញអនឡាញ តែសហគមន៍បណ្ដាញផ្សព្វផ្សាយបានព្រមានថា ការណែនាំរបស់សាស្ដ្រាចារ្យអាចជាចំណុចចាប់ផ្ដើមដ៏ល្អ។
បរិមាណដំឡូងបារាំងមួយពេល ពីមុនបានកំណត់ត្រឹម ១៥ សរសៃ តែបច្ចុប្បន្ននេះនៅតាមបណ្ដាភោជនីយដ្ឋាននានា ការបម្រើជូនភ្ញៀវម្ដងអាច ៥៥ សរសៃឯណោះ។
ការស្រាវជ្រាវបានរកឃើញថា អ្នកដែលទទួលទានដំឡូងបារាំងពី ២ ទៅ ៣ ដងក្នុង ១ សប្ដាហ៍ ប្រឈមនឹងគ្រោះថ្នាក់ជំងឺទឹកនោមផ្អែម ធាត់លើសទម្ងន់ និងជំងឺបេះដូងគួរឲ្យភ្ញាក់ផ្អើល។
ផ្ទុយទៅវិញ វេជ្ជបណ្ឌិត បានណែនាំឲ្យអ្នកញ៉ាំរំលែកដំឡូងបំពងនេះជាមួយមិត្ដភក្ដិ រួចបំពេញដោយការញ៉ាំអាហារសុខភាព ដូចជា សាលាដ និងមាន់ចៀនផងដែរ៕ HR
