.jpg)
រក្សាបាក់តេរីល្អៗ និងកំណត់របបអាហារតុល្យភាពជួយទប់ទល់ជំងឺទុក្ខព្រួយ។
ក្រុងស៊ាងហៃ: យោងតាមការសិក្សាលើលទ្ធផលស្រាវជ្រាវផ្នែកវេជ្ជសាស្ដ្រជាច្រើនបានបង្ហាញថា បង្កើនចំនួនបាក់តេរីពោះវៀនអាចជួយទប់ស្កាត់អាការទុក្ខព្រួយស្រពាប់ស្រពោន។
បាក់តេរីល្អ ឬប្រូបៃអូទិក និងរក្សាទម្លាប់របបអាហារតុល្យភាពត្រូវបានជឿថា វាមានប្រសិទ្ធភាពទប់ស្កាត់រោគសញ្ញានានា។ ការទទួលទានផ្លែឈើ និងបន្លែច្រើនអាចជាអន្ដរាគមន៍ដ៏មានអត្ថប្រយោជន៍ចំពោះការបង្កើត «បាក់តេរីល្អៗ»។ នេះបើយោងតាមក្រុមអ្នកវិទ្យាសាស្ដ្រ។
ការស្រាវជ្រាវរបស់ចិនគឺជាការសិក្សាចុងក្រោយបំផុតក្នុងចំណោមកិច្ចខិតខំប្រឹងស្វែងរកភ័ស្ដុតាងជាហូរហែដែលបានភ្ជាប់សុខភាពផ្លូវចិត្ដទៅនឹងអតិសុខុមប្រាណក្នុងពោះវៀន។
ក្រុមអ្នកស្រាវជ្រាវមកពីសាលាវេជ្ជសាស្ដ្រនៃសាកលវិទ្យាល័យ Shanghai Jiao Tong បានវិភាគលើការសិក្សាចំនួន ២១ ដែលតាមដានមនុស្ស ១៥០៣ នាក់រួមគ្នា។
ប្រូបៃអូទិក ត្រូវបានរកឃើញក្នុងចំណីអាហារ ដូចជា ទឹកដោះគោខេហ្វើរ ទឹកដោះគោជូរ ជ្រក់ស្ពៃ សណ្ដែកផ្អាប់មីសួ និងជ្រក់បន្លែ ហើយវាត្រូវបានផលិតជាអាហារបំប៉ន។
ទំនាក់ទំនងរវាងរាងកាយ និងសារធាតុគីមីទៅនឹងពោះវៀន និងខួរក្បាល រួមមានសរសៃប្រសាទ និងកោសិកាកាយប្បសាទរាប់លានទៀតមានឥទ្ធិពលសំខាន់លើសព៌ាង្គកាយ។
ជាទូទៅអ្នកកើតអាការទុក្ខសោកជាប្រចាំរមែងកើតបញ្ហាស្លន់ស្លោ បែកញើស សង្គ្រឺតធ្មេញ ចង់ក្អួតចង្អោរ ឬវិលមុខ។ ជំងឺទុក្ខព្រួយគឺជាប្រភេទជំងឺផ្លូវចិត្ដដ៏ធម្មតាបំផុតមួយនៅអាមេរិក និងអង់គ្លេស៕ HR
