ក្រុងប៉ារីស: របាយការណ៍កាលពីថ្ងៃពុធក្នុងព្រឹត្ដិបត្រ Royal Society Open Science បានឲ្យដឹងថា ប្រភេទជ័របញ្ចេញទឹករំអិលតាមរយៈ ការត្រដុស ដែលផលិតឡើងដោយអ្នកវិទ្យាសាស្ដ្រមួយក្រុមក្នុងក្រុងបូស្ដុន អាចជំរុញបង្កើនការប្រើប្រាស់ស្រោមអនាម័យ។
ការពិសោធបានបង្ហាញថា ស្រោមការពារផលិតឡើងភ្ជាប់ជាមួយភ្នាសពិសេស អាចបញ្ចេញទឹករំអិល និងសម្រួលដល់ភាពរអិលស្រួល ដែលហាក់បីដូចជាសព៌ាង្គកាយមនុស្សពិត។ មិនដូចជាទឹក ឬទឹករំអិលផ្ទុកជាប្រេង ដែលបន្ថែមលើស្រោមអនាម័យ ជ័រដែលអាចរលាយក្នុងទឹក ឬសម្បូរជាតិទឹក នៅតែរក្សាសភាពរអិល ស្ទើរតែគ្មានកំណត់នៃការប្រើប្រាស់។
ការសិក្សា បានសន្និដ្ឋានថា៖ «អ្នកចូលរួមពិសោធភាគច្រើន ប្រមាណ ៧៣ ភាគរយ បានបង្ហាញនូវចំណាប់អារម្មណ៍ចំពោះការប្រើប្រាស់អនាម័យស្រោមភ្នាសរំអិល ដោយបានឯកភាពថា ស្រោមរំអិលនៅតែរអិលស្រួលអំឡុងពេលរួមភេទរយៈពេលយូរ។ នេះជាជំហានជំរុញការប្រើប្រាស់ស្រោមអនាម័យកាន់តែទូលំទូលាយ»។
ស្រោមអនាម័យជួយការពារមានគភ៌ដោយច្នៃដន្យ និងទប់ស្កាត់ជំងឺឆ្លងតាមការរួមភេទនានា។
ស្រោមអនាម័យខ្លះផលិតឡើងពីស្បែកចៀម តែភាគច្រើនជាល្បាយគីមី ដូចជា ជ័រ ឬជ័ររលាយប៉ូលីមែរ។ យ៉ាងណាមិញ បើមិនមានជាតិរំអិល សម្ភារទាំងនេះនឹងកកិតឆ្កូត អំឡុងពេលសកម្មភាពរុញដកចុះឡើង។
ការបន្ថែមសារធាតុរំអិលប្រភេទក្រែមកាន់តែធ្វើឲ្យលែងចង់ប្រើទៀត។
អារម្មណ៍មិនស្រួលអំឡុងពេលរួមភេទ និងកាត់បន្ថយភាពត្រេកត្រអាលជាហេតុផលចម្បងនៃការមិនចង់ប្រើស្រោម ដែលកត់ត្រាដោយបុរស ៧៧ ភាគរយ និងស្ដ្រី ៤០ ភាគរយក្នុងការស្ទង់មតិទូទាំងសហរដ្ឋអាមេរិក៕