The Phnom Penh Post Search

Search form




Logo of Phnom Penh Post newspaper Phnom Penh Post - ដើរ​ព្រៃ​តែ ២ ម៉ោង​ជួយ​ដល់​សុខភាព​ផ្លូវកាយ និង​ផ្លូវចិត្ដ​យ៉ាង​សម្បើម

ដើរ​ព្រៃ​តែ ២ ម៉ោង​ជួយ​ដល់​សុខភាព​ផ្លូវកាយ និង​ផ្លូវចិត្ដ​យ៉ាង​សម្បើម

Content image - Phnom Penh Post
ព្រះនាង ខេត ជា​អ្នកគាំទ្រ​ទ្រឹស្ដី​ដើរ​កម្សាន្ត​ក្នុង​ព្រៃ​ជា​ប្រចាំ​ដើម្បី​ជួយ​សុខភាព​។

ដើរ​ព្រៃ​តែ ២ ម៉ោង​ជួយ​ដល់​សុខភាព​ផ្លូវកាយ និង​ផ្លូវចិត្ដ​យ៉ាង​សម្បើម

ក្រុងឡុងដ៍: ការស្រាវជ្រាវ​មួយ​បាន​បង្ហាញ​ថា ស្ថិតក្នុង​បរិស្ថាន​ធម្មជាតិ​តែ ២ ម៉ោង​ក្នុង​មួយ​សប្ដាហ៍​ពិតជា​ល្អ​ចំពោះ​សុខភាព​។ ការសិក្សា​ថ្មី​មួយ​បាន​រកឃើញ​ថា ស្រូប​ដង្ហើម​ក្នុង​ព្រៃ​រយៈពេល​យ៉ាងតិច ១២០ នាទី​រៀងរាល់ ៧ ថ្ងៃ​ជួយ​ពង្រឹង​សុខុមាលភាព​។

ព្រះនាងម្ចាស់ ខេធើរីន ឬ Duchess of Cambridge ក៏​ជា​អ្នកគាំទ្រ​នូវ​ទម្លាប់​របស់​ជប៉ុន​ម្នាក់​ដែល​ចូលចិត្ដ​ដើរ​យឺតៗ​កាត់​ព្រៃព្រឹក្សា​។ ក្រុម​អ្នកស្រាវជ្រាវ​ជឿថា​ការសម្រាក​ក្នុង​ឧទ្យានព័ទ្ធ​ដោយ​ព្រៃឈើ ឆ្នេរ ឬ​ព្រៃភ្នំ​បាន​ផ្ដល់​នូវ​ភាពស្រស់​បំព្រង​នៃ​ជីវិត និង​ជួយ​កាត់បន្ថយ​ស្ដ្រេស​ផង​ដែរ​។

ពួកគេ​បាន​និយាយ​ថា ២ ម៉ោង​ក្នុង​មួយ​សប្ដាហ៍​គឺជា​គោលដៅ​អាច​ទៅ​រួច​ចំពោះ​មនុស្ស​ភាគច្រើន ជាពិសេស​នៅ​ពេល​វា​ត្រូវ​បាន​បែងចែក​ជា​ដំណើរ​ចូល​ព្រៃ​ខ្លីៗ​លើ​រយៈពេល ៧ ​ថ្ងៃ​។

ការស្រាវជ្រាវ​ដែល​ជំរុញ​ឲ្យ​មនុស្ស​នែបនិត្យ​ធម្មជាតិ​នេះ​ត្រូវ​បាន​ធ្វើឡើង​ដោយ​សាកលវិទ្យាល័យ Exeter និង​ដឹកនាំ​ដោយ​វេជ្ជបណ្ឌិត Mathew White ជា​ចិត្ដវិទូ​ផ្នែក​បរិស្ថាន និង​សាស្ដ្រាចារ្យ​ជាន់ខ្ពស់​សាកលវិទ្យាល័យ​វេជ្ជសាស្ដ្រ និង​សុខាភិបាល​។

វេជ្ជបណ្ឌិត​បាន​និយាយ​ថា​៖ «​វា​ត្រូវ​បាន​គេ​ដឹង​ច្បាស់​ថា បរិស្ថាន​ក្នុង​ធម្មជាតិ អាច​ផ្ដល់​ផល​ល្អ​ចំពោះ​សុខភាព និង​ភាពស្រស់​បំព្រង តែ​រហូត​ដល់​ពេល​នេះ យើង​មិន​អាច​និយាយ​ថា ប៉ុន្មាន​ទើប​គ្រប់គ្រាន់​នោះ​ទេ​»​។

លោក​បន្ដ​ថា​៖ «​ដំណើរ​លម្ហែ​ក្នុង​ទីតាំង​ធម្មជាតិ​ចំពោះ​ការសិក្សា​នេះ​ត្រូវ​បាន​ធ្វើឡើង​តែ​ប៉ុន្មាន ៣ គីឡូម៉ែត្រ​ពី​ផ្ទះ​ប៉ុណ្ណោះ​។ ដូច្នេះ​សូម្បីតែ​ការដើរ​លេង​ក្នុង​សួន​បៃតង​ក្បែរៗ​ផ្ទះ​ក៏​អាច​ទទួល​ប្រយោជន៍​ចំពោះ​សុខភាព​ផង​ដែរ​»​។

គួរ​បញ្ជាក់​ដែរ​ថា​ការ​ស្រូប​ខ្យល់​អាកាស​ក្នុង​ព្រៃ​ជួយ​លើ​សុខភាព​ផ្នែក​ផ្លូវ​ចិត្ដ​សម្បើម​ណាស់​ដែរ​៕ HR

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។