ការស្រាវជ្រាវផ្នែកជីវជាតិអាហារបានរកឃើញសមាសជាតិជាច្រើននៅក្នុងផ្លែឈើបន្លែគ្រាប់ធុញ្ញជាតិរុក្ខជាតិ និងគ្រឿងទេសមួយចំនួនដែលអាចបង្កើនចំណង់ផ្លូវភេទសមត្ថភាពផ្លូវភេទនិងកាមតម្រេកបានយ៉ាងល្អប្រសើរ។
ចូរស្វែងយល់ពីសភាសធាតុទាំងនេះ និងអាហារអ្វីខ្លះដែលផ្ទុកនូវសារធាតុស្ទួយសុខភាពសិចខ្ពស់បំផុត។
ទឹកក្រឡុកមិនត្រឹមតែជាមធ្យោបាយល្អដើម្បីបង្កើនសុខភាព ពង្រឹងសាច់ដុំនិងកាត់បន្ថយគីឡូប៉ុណ្ណោះទេ ប៉ុន្ដែវាស្ទួយសុខភាពជាទូទៅផងដែរ។
ប្រសើរជាងឱសថ
ការរកឃើញនេះត្រូវបានធ្វើឡើងស្របពេលយ៉ាងល្អ។ សារធាតុជំនួយនិងការប្រើប្រាស់ឱសថដើម្បីព្យាបាលជំងឺអសមត្ថភាពផ្លុវភេទ កំពុងតែពេញនិយមហើយការព្យាបាលលើស្ដ្រីជិតអស់រដូវដែលធ្លាក់ចំណង់ផ្លូវភេទ។
ជាអកុលសមនុស្សតិចតួចណាស់ ដែលដឹងថាឱសថទាំងនោះជាអាវុធមុខពីរ ដែលប៉ះពាល់ដល់ការចងចាំសោតនិងចក្ខុវិញ្ញាណផងដែរ។
អ៊ីចឹងសាកគ្រវែងចោលឱសថទាំងនេះ រួចចាប់យករបបអាហារស្ទួយសុខភាពនិងបង្កើនបទពិសោធសិចតាមបែបធម្មជាតិម្ដងមើល។
ការពង្រឹងសមត្ថភាពផ្លូវភេទបុរស
ចេក: សម្បូរសារធាតុប៉ូតាស្យូម ដែលកាត់បន្ថយសូដ្យូមក្នុងរាងកាយ។ សារធាតុសូដ្យូម ធ្វើឱ្យរាងកាយទប់ជាតិទឹកដែលកាត់បន្ថយលម្ហូឈាមរត់។ លម្ហូឈាមដែលត្រូវបានកាត់បន្ថយ ជាលទ្ធផលកាត់បន្ថយភាពស្រើបស្រាល។ ចេកសារធាតុធម្មជាតិ ដែលប្រឆាំងនឹងជំងឺអសមត្ថភាពដ៏ពូកែ។
ប៊្លូរី ឬឈើរី: ស្ថិតក្នុងចំណោមធនធានប្រឆាំងសារធាតុឌីអុកស៊ីដដ៏ល្អបំផុត ដែលបង្កើនផលិតភាពអុកស៊ីដ នីទ្រីក។ វាជាកត្ដាគន្លឹះជំរុញភាពត្រេកត្រអាលឱ្យភាគបុរស។
ខ្ញី: សម្បូរឌីអុកស៊ីកម្មនិងជីវជាតិប្រឆាំងការរលាក ដែលពង្រឹងសមត្ថភាពលម្ហូឈាម និងជំរុញសរសៃប្រសាទភ្ញោចអារម្មណ៍ខ្ពស់។
ឪឡឹក: សម្បូរទៅដោយសារធាតុអាមីណូអាស៊ីដ ដែលបំលែងអុកស៊ីដ នីទ្រីក និងជំរុញលម្ហូឈាមកាន់តែប្រសើរ។
សម្រាប់តែភាគីបុរស
· ឪឡឹកចិតចំណិតតូចៗ លាយសម្បកតិចតួចមួយពែង
· ផ្លែឈើរី ១០ គ្រាប់ ដោយឥតមានគ្រាប់
· ខ្ញីប៉ុនមេដៃ យកទាំងសម្បក
· ក្រោយពីក្រឡុកសមាសធាតុទាំងអស់ខាងលើ ដាក់ចេកកន្លះផ្លែ រួចចុចម៉ាស៊ីនក្រឡុកឱ្យសព្វ។
សារធាតុជំនួយបន្ថែមសម្រាប់បុរស
ទឹកតែខ្មៅ: គឺជាឱសថបុរាណចិនសម្រាប់កែរោគអសមត្ថភាពផ្លូវភេទ។ ការសិក្សាវិទ្យាសាស្ដ្រជីវជាតិអាហារ បានរកឃើញថា វាជួយបង្កើនកម្រិតអ័រម៉ូន តេស្ដូស្ទើរ៉ុន ក្នុងរាងកាយ។
គ្រាប់ធញ្ញជាតិ អាល់ម៉ុន: សម្បូរវីតាមីន អ៊ី ដែលជំរុញការផលិតអុកស៊ីដ នីទ្រីក។ លទ្ធផលល្អ ចូរទទួលទានគ្រាប់អាល់ម៉ុនប្រមាណមួយក្ដាប់ ពីរទៅបីដងក្នុងមួយសប្ដាហ៍។
ស៊ុត: គឺជាសារធាតុសម្បូរវីតាមីនបេដ៏ច្រើនបំផុតមួយ ដែលជួយកាត់បន្ថយស្ដ្រេសសម្រាប់ទាំងបុរសនិងស្ដ្រី។ ស្ដ្រេសត្រូចបានចាត់ទុកដោយវេជ្ជបណ្ឌិតជាដើមចមចម្បងបំផុតក្នុងការកាត់បន្ថយកាមតម្រេក។ ចូរបន្ថែមស៊ុតមួយគ្រាប់ចូលក្នុងទឹកក្រឡុក។
ប្រេងធ្មៃ: ជាប្រភេទអាហារមួយបែប ដែលបង្កើនលម្ហូឈាម ដោយសារតែសម្បូរអូមេហ្គា ៣។
ខ្ទឹមស: ជួយរាងកាយផលិតអុកស៊ីដ នីទ្រីក។ អ្នកត្រូវការបរិវេណខ្ទឹមសតែបន្ដិច ក៏មានប្រយោជន៍ចំពោះសុខភាព។ សម្រាប់អ្នកមិនសូវចូលចិត្ដក្លិនរបស់វា ម្សៅខ្ទឹមសដែលអត់មានក្លិន អាចជាសារធាតុជំនួយជំនួសខ្ទឹមស។
ប្រេងអូលីវ: សម្បូរអូមេហ្គា ៣ និងអាស៊ីដខ្លាញ់ ៦ ដែលបង្កើនកម្រិតអ័រម៉ូន តេស្ដូស្ទើរ៉ុន ក្នុងរាងកាយ។
ធញ្ញជាតិ ភីស្ដាឈីអូ និងវ៉ាល់ណាត់: សម្បូរអាមីណូអាស៊ីដ ដែលជួយដល់លម្ហូឈាម ដោយការជំរុញអុកស៊ីដ នីទ្រីកក្នុងរាងកាយ។
ទឹកដោះគោស្រស់: បង្កើនកម្រិតអ័រម៉ូន តេស្ដូស្ទើរ៉ុន ក្នុងរាងកាយ។ ទឹកដោះគោឆៅដែលផលិតនៅកសិដ្ឋានក្នុងស្រុកមានគុណភាពល្អប្រសើរ ពីព្រោះផលិតផលកែច្នៃបានសម្លាប់ជីវជាតិអាហារជាច្រើន៕
