.jpg)
បុគ្គលិកការិយាល័យក្រោកឈរពត់ខ្លួនចន្លោះពេលអង្គុយធ្វើការ។
ក្រុងញូវយ៉ក: មនុស្សពេញវ័យកាន់តែអង្គុយច្រើនម៉ោងជាងមុន ហើយមនុស្សតិចតួចណាស់ដែលចាប់អារម្មណ៍ពីទម្លាប់អង្គុយពេញមួយថ្ងៃ។ ឥរិយាបថអង្គុយទូទៅបំផុត រួមទាំងការអង្គុយទទួលទានបើកបរ និយាយទូរស័ព្ទ ប្រើកុំព្យូទ័រ មើលទូរទស្សន៍ ឬឧបករណ៍តូចៗ និងការអានជាដើម ។
នាពេលបច្ចុប្បន្ន ចំនួនមនុស្សវ័យកណ្ដាលចំណាយពេលចន្លោះពី ៥៦ ទៅ ៨៦ ភាគរយពេលក្រោកពីដំណេកធ្វើលំហាត់ប្រាណតិចតួចបំផុត។ នោះពាក់ព័ន្ធនឹងការអង្គុយទាំងអស់។
ក្រុមអ្នកស្រាវជ្រាវបានសិក្សាអំពីមនុស្សវ័យកណ្ដាលមានសុខភាពល្អបរិបូណ៌ និងទម្លាប់នៃការអង្គុយអាចបង្កជាជំងឺបេះដូង និងទឹកនោមផ្អែម។
មានការសន្និដ្ឋានថា ទម្លាប់អង្គុយយូរអាចប៉ះពាល់ដល់ប្រព័ន្ធរំលាយអាហារ ដូចជា ជំងឺទឹកនោមផ្អែមនៅគ្រាណាមួយនៃឆាកជីវិត ។ ដោយសារតែជំងឺទឹកនោមផ្អែមអាចត្រូវការពេលអភិវឌ្ឍយូរ ចម្ងល់នេះមិនអាចត្រូវបានធ្វើពិសោធនៅមន្ទីរពិសោធន៍ឡើយ។ ផ្ទុយទៅវិញ យើងអាចបំប្លែងការសិក្សាលើចំនួនប្រជាជនដើម្បីជួយបកស្រាយចម្ងល់នេះ។
ក្រុមអ្នកស្រាវជ្រាវមកពីប្រទេសហូឡង់ បានសិក្សាលើមនុស្សពេញវ័យ ២ ៥០០ នាក់អាយុចន្លោះពី ៤០ ទៅ ៧៥ ឆ្នាំ និងបានរកឃើញថា ទម្លាប់អង្គុយយូរពាក់ព័ន្ធនឹងជំងឺទឹកនោមផ្អែមប្រភេទទី ២ និងបញ្ហារំលាយអាហារថែមទៀត។
ដូច្នេះ ការផ្លាស់ប្ដូរទម្លាប់អង្គុយអាចជាវីតាមីនប្រឆាំងជំងឺទឹកនោមផ្អែម ។ បើចាំបាច់ត្រូវតែអង្គុយយូរ ចូរឧស្សាហ៍ក្រោកដើរ ឬធ្វើសកម្មភាពបន្ដិចបន្ដួចកុំខាន៕HR
