មុនពេលអួតខ្លួនឯងគ្រាន់បើជាងគេជាអ្នកជំនាញសិច ចូរចងចាំថាការសិក្សាថ្មីមួយបានបង្ហាញច្បាស់ថាស្ដ្រីប្រមាណ ៨០ ភាគរយ បានក្លែងបន្លំធ្វើដូចជាបានសម្រេចកាម។
អ្នកជំនាញផ្លូវភេទជាច្រើនបានសម្គាល់ថា ការអាក់អន់ស្រពន់ចិត្ដរឿងលើគ្រែអាចបង្កជាបញ្ហាជះឥទ្ធិពលលើសពីទ្វារចាក់សោ រហូតដល់ធ្វើឲ្យដៃគូមានអារម្មណ៍ឯកោ ឬ ដល់ថ្នាក់ផ្ដាច់ចំណងស្នេហ៍ថែមទៀត។ នោះជាមូលហេតុដែលត្រូវឲ្យប្រាកដថា ក្ដីសុខរបស់នាងពិតជាសំខាន់ចំពោះសុភមង្គលរបស់អ្នកទាំង ២ រយៈពេលយូរអង្វែងតទៅទៀត។
ធ្វើយ៉ាងណាទើបដឹងថានាងដល់ចំណុចកំពូលក្លែងក្លាយ?
ខណៈវីដេអូសិចបង្ហាញពីលទ្ធភាពឈានដល់ត្រើយសុខហាក់ដូចជាការសម្ដែងបំផ្លើស អ្នកជំនាញសិច និងទំនាក់ទំនងស្នេហា Courtney Geter ពន្យល់ថា ជារឿយៗ ការសម្រេចកាមដ៏ពិតប្រាកដជំរុញឲ្យបញ្ចេញប្រតិកម្មផ្នែករាងកាយ ពីធម្មជាតិ ដែលអាស្រ័យលើបុគ្គលផ្សេង។
វាអាចផ្ដើមពីចលនាកន្ដ្រាក់នៃសាច់ដុំ ដូចជារមិចរមួលមេជើងមេដៃ និងម្រាម ពើងខ្នង ឬសង្កៀតធ្មេញព្រមទាំងឡើងសម្ពាធឈាម និងចង្វាក់បេះដូងដែលធ្វើឲ្យនាងដកដង្ហើមដង្ហក់ និងប្រែជាក្រហមមុខ។
សញ្ញាផ្សេងៗ អាចត្រូវបានមើលឃើញ ខណៈអ្នកជំនាញ Geter បង្ហាញថា ក្លែបប្រដាប់ភេទប្រែជាពណ៌ស្រគាំ ហើយឡើងប៉ោង ខណៈរាងកាយកាន់តែរោលរាល។
និយាយពីកាមតម្រេកក្លែងក្លាយ អ្នកជំនាញ Geter បានឲ្យដឹងថា ស្ដ្រីត្រូវតែសម្ដែងធ្វើជាសំឡេងថ្ងួចថ្ងូរ។ អ្នកជំនាញចិត្ដសាស្ដ្រ និងសិច អង់តូនីញ៉ា ហល បានចែករំលែកពាក្យមួយឃ្លាថា «ឆាប់ឡើង» ដែលអាចជាសញ្ញាសម្គាល់ថា នាងកំពុងធ្វើពុតជាស្រើបស្រាលដល់ចំណុចកំពូល។ ជាក់ស្ដែង ពាក្យបន្លឺឡើងថា «ឆាប់ឡើង» នេះទំនងគ្រាន់តែចង់ឲ្យភាគីបុរសបញ្ចប់បេសកកម្ម ខណៈនាងពុំស្រណុកស្រួលឡើយ។
យ៉ាងណា ប្រតិកម្មខ្លះមិនអាចក្លែងធ្វើពុតបានទេពេលនារីឈានដល់ចំណុចកំពូល កែវភ្នែកនាងរីកធំ ទាំងថ្ពាល់ និងទ្រូងរំលេចពណ៌កាន់តែ ស៊ីជម្ពូ ដោយសារលំហូរឈាមច្រាលខ្លាំង ហើយសាច់ដុំត្រគាកកន្ដ្រាក់ញាប់ៗជាងការដែលនាងធ្វើបន្លំ។
គួរដោះស្រាយបែបណា ពេលដឹងថា នាងក្លែងបន្លំ?
គួរតែស្វែងរកទីកន្លែងជជែកអំពីជីវិតសិច ដូចជា នៅលើសាឡុងផ្ទះ ឬទីតាំងឯកជនអមជាមួយស្រាក្រឡុក។ អ្នកស្រី បានលើកឡើងថា៖ «នេះជាឱកាសដ៏ស័ក្ដិសមក្នុងការចែករំលែកនូវអ្វីដែលអ្នកទាំង ២ ចូលចិត្ដចំពោះសិច ដើម្បីស្វែងរកបទពិសោធដ៏រំជើបរំជួលរួមគ្នា»៕HR