ភ្នំពេញ : ចាប់តាំងពីថ្ងៃអង្គារម្សិលមិញរហូតដល់ថ្ងៃនេះ មន្ទីរព្យាបាលធ្មេញបស្ចិមបានពាំនាំនូវអ្នកឯកទេសជាន់ខ្ពស់ គឺទន្តបណ្ឌិត ហាវ គីមជាន់ (How Kim Chuan) ដែលមានសញ្ញាបត្រអនុបណ្ឌិតផ្នែកពត់ធ្មេញ វះកាត់ធ្មេញ និងដាំបង្គោលធ្មេញក្នុងឆ្អឹងមកពីប្រទេសអង់គ្លេស អាល្លឺម៉ង់ និងស្វ៊ីស មកពិនិត្យ និងព្យាបាលជូនអតិថិជន ជាមួយនឹងបច្ចេកទេស អ៊ីនវីស្សាឡាញ (Invisalign) ទំនើបបំផុត។
ភាពងាយស្រួល និងអនាម័យការពត់ធ្មេញដោយបច្ចេកទេស អ៊ីនវីស្សាឡាញ គឺជាវិធីសាស្ត្រមួយអាចពត់ធ្មេញឲ្យត្រង់ល្អ និងរហ័សទាន់ចិត្ត ដោយមិនបង្កឲ្យមានការឈឺចាប់ ឬស្លាកស្នាមអ្វីឡើយ។
ក្រោយពី ប្រើប្រាស់ឧបករណ៍ពត់ធ្មេញដែលមានគុណភាពខ្ពស់ធ្វើពីប្លាស្ទិកនេះ ហើយ មិនមានអ្នកណាម្នាក់អាចដឹងថា អ្នកកំពុងដាក់វាឡើយ។ លើសពីនេះទៅទៀត ឧបករណ៍ពត់ធ្មេញធ្វើពីប្លាស្ទិកនេះ អាចដោះចេញ និងដាក់ចូលប្រកបដោយអនាម័យ។
ជំនួសឲ្យការដាំខ្សែដែកជាជួរអប ធ្មេញនៅក្នុងមាត់ ដែលអាចរំខានដល់ស្នាមញញឹមនោះ ឧបករណ៍ពត់ធ្មេញធ្វើពីប្លាស្ទិកនេះបានផ្ដល់ភាពកាន់តែងាយស្រួល ដល់អ្នកប្រើប្រាស់ ដោយសារតែវាអាចធ្វើការដកចេញ និងដាក់ចូលបាន និងមិនធ្វើឲ្យរំខានដល់ការទទួលទានអាហារ និងការសម្អាតធ្មេញ ដូចការវិធីសាស្ត្រពត់ធ្មេញដោយដាក់ខ្សែ និងដែកចូលក្នុងធ្មេញនោះឡើយ។
លទ្ធផលទទួលបានលឿនអ្នកជ្រើសរើសវិធីសាស្ត្រ អ៊ីនវីស្សាឡាញ ក្នុងការពត់ធ្មេញនេះទាមទាររយៈពេលខ្លីក្នុងការពត់ធ្មេញឲ្យត្រង់។
អ្នកប្រើប្រាស់គ្រាន់តែពាក់ឧបករណ៍នេះ២២ម៉ោងក្នុង១ថ្ងៃ ហើយប្ដូររៀងរាល់២សប្ដាហ៍ម្ដងនោះជាការស្រេច។
ក្នុង អំឡុងពេល២សប្ដាហ៍នោះ អ្នកប្រើប្រាស់នឹងសង្កេតឃើញថា ធ្មេញរបស់ពួកគេមានការរំកិលជាងមុន។ យោងតាមការវាស់វែងឲ្យល្អិតល្អន់ អ្នកដែលប្រើឧបករណ៍ពត់ធ្មេញប្លាស្ទិកនេះរយៈពេល២សប្ដាហ៍ អាចធ្វើឲ្យធ្មេញរំកិលបាន១,៤មិល្លីម៉ែត្រ។
ម៉្យាងវិញទៀត ដំណើរការនៃការព្យាបាលអាស្រ័យលើស្ថានភាពរបស់ធ្មេញផងដែរ។ ជាទូទៅការពត់ធ្មេញឲ្យត្រង់ដោយប្រើបច្ចេកវិទ្យានេះ អាចត្រូវការចំណាយពេលមិនដល់៦ខែផង។ ក្នុងករណីខ្លះ ការព្យាបាលយូរបំផុតគឺអាចចន្លោះពី ១២ ទៅ១៤ខែ។
ការព្យាបាលគ្មានការឈឺចាប់ទោះបីជាធ្មេញរបស់អ្នកប្រេះក៏ដោយ ក៏វាមិនមានបញ្ហាអ្វីចោទដែរក្នុងការប្រើប្រាស់វិធីពត់ធ្មេញបែបនេះ។
ជាមួយនឹងបច្ចេកវិទ្យា អ៊ីនវីស្សាឡាញ នេះអ្នកប្រើប្រាស់មិនចាំបាច់ភ័យខ្លាចការឈឺចាប់ឡើយ ព្រោះថា វាជាការព្យាបាលដោយមិនមានការខួង កោស ឬចាក់ដោតខ្សែ និងដែកចូលក្នុងធ្មេញរបស់អ្នកទេ។
សម្រាប់ព័ត៌មានបន្ថែមស្ថីពី ការពត់ធ្មេញដោយបច្ចេកវិទ្យា អ៊ីនវីស្សាឡាញ នេះ សូមទាក់ទងទៅកាន់លេខ ០១៧ ៣០០ ៣០០ និងអ៊ីមែល info@pachemdental.com៕
