ក្រុងញូវយ៉ក: ការថែទាំទារកទើបប្រសូតស្មើនឹងបញ្ហាកង្វះដំណេកចំពោះខ្លួនឯង។ ប៉ុន្ដែអ្នកវិទ្យាសាស្ដ្របានព្រមានថា ឪពុកដែលគេងច្រើនអាចកើតជំងឺធ្លាក់ទឹកចិត្ដ និងមានអារម្មណ៍ឃ្លាតឆ្ងាយពីក្រុមគ្រួសារ។
ការស្រាវជ្រាវបានបង្ហាញថា អ្នកម្ដាយដែលឆ្លៀតធ្មេចភ្នែកគេង ទំនងជាអាចផ្ដល់ភាពស្រស់បំព្រងឲ្យខ្លួនឯង តែឪពុកហ៊ានតែធ្វើបែបនេះដែរ នឹងក្លាយជាការកាត់បន្ថយទំនាក់ទំនងល្អរវាងឪពុក និងកូនទៅវិញ។
អ្នកទើបក្លាយជាឪពុកម្ដាយគេថ្មោងថ្មីត្រូវបានរកឃើញថា បានបង្កើនកម្រិតស្ដ្រេសស្មុគស្មាញខ្ពស់។
ប៉ុន្តែលទ្ធផលបានបង្ហាញថា រវាងអ្នកម្ដាយ និងឪពុកថ្មីមានភាពខុសគ្នាលើបញ្ហាដំណេក។
បុរសជាឪពុកថ្មោងថ្មីត្រូវបានគេរកឃើញថាទទួលនូវបទពិសោធសុខុមាលភាពកាន់តែប្រសើរព្រមទាំងមានទំនាក់ទំនងកាន់តែស្អិតល្មួតជាមួយតំណក់ឈាមខ្លួនឯង ពេលពួកគេចំណាយពេលលង់លក់តិច។
ក្រុមអ្នកស្រាវជ្រាវជឿថា អ្នកម្ដាយថ្មោងថ្មីទំនងជាងាយរងផលប៉ះពាល់ចំពោះបញ្ហាដំណេកដោយសារកម្រិតស្ដ្រេសដ៏ខ្ពស់ និងធម្មជាតិសុខុមាលភាពមិនទៀងទាត់របស់ពួកគេ។
ពួកគេបានបន្ថែមថា ឪពុកដែលគេងច្រើនពេកអាចលំបាកក្រោកពីគ្រែដោយសារជំងឺធ្លាក់ទឹកចិត្ដ ខណៈអ្នកម្ដាយមានភាពបត់បែនតិចតួចជាងចំពោះម៉ោងដំណេករបស់ពួកគេ។
ការស្រាវជ្រាវនេះត្រូវបានធ្វើឡើងដោយសាកលវិទ្យាល័យរដ្ឋភេនស៊ីលវេនៀ និងដឹកនាំដោយវេជ្ជបណ្ឌិត ម៉ាក ហ្វែនប៊ឺក សាស្ដ្រាចារ្យស្រាវជ្រាវផ្នែកការអភិវឌ្ឍសុខុមាលភាពមនុស្ស។
ក្រុមអ្នកស្រាវជ្រាវបានធ្វើការវិភាគលើបុរស ១៤០ នាក់រយៈពេល ១០ ខែក្រោយពីសម្រាលកូន៕ HR