.jpg)
ដំណេកក្នុងបន្ទប់សីតុណ្ហភាពក្ដៅ អាចរំខានដល់ខួរក្បាលនាំសុបិនអាក្រក់។
ក្រុងឡុងដ៍: អ្នកជំនាញបានព្រមានថា គេងក្នុងបន្ទប់ក្ដៅពេកអាចបង្កជាការយល់សុបិនអាក្រក់ ឃើញខ្មោចបិសាច សត្វចម្លែក ឬហ្សូមប៊ីជាដើម។
វេជ្ជបណ្ឌិត នែល ស្ទេនលី អតីតអគ្គនាយក British Sleep Society បានអះអាងថា សីតុណ្ហភាពគួរតែស្ថិតនៅចន្លោះពី ១៦ ទៅ ១៨ អង្សាសេ (សម្រាប់ពលរដ្ឋនៅអឺរ៉ុប) អំឡុងពេលដេក។ ដំណេកក្នុងបន្ទប់ក្ដៅពេកអាចបង្កការរំខានដែលអាចឲ្យយល់សប្ដិអាក្រក់។
វេជ្ជបណ្ឌិត បាននិយាយថា៖ «ដើម្បីទទួលបានដំណេកស្កប់ស្កល់ យើងត្រូវជម្រុះសីតុណ្ហភាពក្នុងខ្លួន ១ អង្សាសេ ដែលមានប្រមាណ ៣៧ អង្សាសេ»។
លោកបន្ដថា៖ «ជាទូទៅយើងកាត់បន្ថយសីតុណ្ហភាពក្នុងរាងកាយ ១ អង្សាសេ ពីក្បាល និងផ្ទៃមុខ ដែលភាយចេញពីកម្រាលពូក។ បើគេងក្នុងបន្ទប់ក្ដៅ សីតុណ្ហភាពក្នុងរាងកាយមិនអាចជម្រុះកម្ដៅខ្លះ ដែលបង្កការរំខានដល់ដំណេកឡើយ»។
វេជ្ជបណ្ឌិត ស្ទេនលី បានបញ្ជាក់ថា វាអាចបង្កជាសុបិនអាក្រក់ច្រើន។ ដំណេកក្នុងបន្ទប់មានសីតុណ្ហភាពសមល្មមអាចទប់ទល់នឹងបញ្ហាស្រមុក និងការរំខាននានាដូចជា ថប់ដង្ហើម។
ប៉ុន្ដែលោកវេជ្ជបណ្ឌិត ដែលបានសិក្សាពីដំណេក ៣៦ ឆ្នាំ បានលាតត្រដាងថា មានវិធីសាស្ដ្រជាច្រើនដើម្បីបង្កើតដំណេកស្កប់ស្កល់ពេលរាត្រី។
លោកបាននិយាយថា៖ «ចូរគេងលើកម្រាលកប្បាស ហ្វៃប៊័រធម្មជាតិ និងសូត្រ ដែលជួយរក្សាភាពត្រជាក់។ បើអាចបើកបង្អួចបន្ទប់កាន់តែល្អ។ កុំចូលគេងយប់ជ្រៅពេក ព្រោះវាអាចបង្កើនសីតុណ្ហភាពក្នុងរាងកាយ និងពិបាកបន្ទាបកម្ដៅក្នុងខ្លួន»៕HR
