ក្រុងឡុងដ៍: ពេលផ្ដោតលើកត្ដាសុខភាព យើងមិនគួរពឹងអាស្រ័យលើម៉ោងរោទ៍នោះទេ។ ការពឹងផ្អែកលើម៉ោងរោទ៍មិនត្រឹមតែជះផលអាក្រក់ដល់អ្នកឡើយពីព្រោះវារំខានដល់ដំណេក ហើយវាក៏ធ្វើឲ្យអ្នកភ្ញាក់ខុសពេលវេលាចំពោះដំណើរនៃដំណេក ដែលអាចជះឥទ្ធិពលអាក្រក់ដល់សុខភាពថែមទៀត។
សាស្ដ្រាចារ្យ រូសសែល ហ្វូស្ទើរ នាយកវិទ្យាស្ថានដំណេក និងរោគប្រសាទសាស្ដ្រនៃដំណើរជីវសាស្ដ្រនៅសាកលវិទ្យាល័យអុកហ្វដ បានថ្លែងថា៖ «ការដាក់ម៉ោងរោទ៍ មានន័យថា អ្នកទំនងត្រូវក្រោកអំឡុងពេលត្រូវដេក ដែលមិនមែនជាវេលាត្រូវក្រោក»។
ខណៈបុគ្គលម្នាក់គេង សកម្មភាពអគ្គិសនីក្នុងខួរក្បាលបន្ថយសកម្មភាពយឺតនិងលឿនជាច្រើនលើកច្រើនសានាពេលរាត្រី។ ដំណើរវិវត្ដន៍នេះ ត្រូវបានហៅថារយៈពេលនៃដំណេក។
ក្នុងរយៈពេលនៃដំណេកនេះ សកម្មភាពខួរក្បាលដើរយឺតរហូតដល់យើងលង់លក់ស្កប់ស្កល់ ឬដំណេក «រលកយឺត» ជាដំណាក់បន្ថែមថាមពលច្រើនបំផុត មុនពេលដល់វេលាដំណេកមិនស្កប់ នោះគឺដំណេក REM (ចលនាភ្នែកក្រឡាប់ចាក់) ជាដំណាក់កាលហៀបនឹងភ្ញាក់។ ការដាក់ម៉ោងរោទ៍ មិនដឹងថា តើអ្នកត្រូវបានបង្ខំឲ្យភ្ញាក់ក្នុងដំណាក់កាលណាឡើយ។
ដោយលើកឡើងថា មនុស្សត្រូវការគេងពី ៦,៥ ទៅ ៩ ម៉ោង សាស្ដ្រាចារ្យ ហ្វូស្ទើរ បានពន្យល់ថា៖ «ពេលអ្នកដាក់ម៉ោងរោទ៍ អ្នកធ្វើឲ្យប៉ះពាល់ដល់ដំណើរនៃដំណេក ហើយរាងកាយនឹងកើតជាស្ដ្រេសដែលកើតឡើងពីការភ្ញាក់ខុសវេលា ព្រមទាំងបង្កើនចង្វាក់បេះដូង និងសម្ពាធឈាម»៕HR