ក្រុងប៉ារីស៖ វាជាឈុតដ៏តឹងរឹបល្មមដែលគ្មានបុរសណាមិនប្រាថ្នាចង់ប្រើនោះទេ។ ពេលនេះក្រុមហ៊ុនហ្វេសសិនបារាំង Saint Laurent ដាក់លក់ស្រោមអនាម័យស្រោបមាសវេចខ្ចប់បែបប្រណីត។
ដោយមានប្រវត្ដិជាអ្នកផលិតអាវឈុត Le Smoking និងសម្លៀកបំពាក់រឹបរាង ក្រុមហ៊ុនបានអភិវឌ្ឍអាវភ្លៀងជ័រចម្រុះទំហំ។ លោក Anthony Vaccarello ជាអ្នកឌីហ្សាញស្រោមអនាម័យបានបង្ហាញថា ផលិតផលចុងក្រោយបង្ហោះលើអ៊ីនស្ដាក្រាមនេះ ដោយមានម៉ូដែលDavid Alexander Flinn ជាអ្នកក្រុងញូវយ៉កមានរូបសាក់ពេញខ្លួន។
ស្រោមអនាម័យស្រោបមាសស៊េរីថ្មី ដែលលោក Vaccarello បានសរសេរលើអ៊ីនស្ដាក្រាមដោយដាក់ឈ្មោះអ្នកថតរូបអាល្លឺម៉ង់មកពីអង់គ្លេស Juergen Teller កំពុងដាក់លក់នៅប៊ូទិកថ្មីរបស់ក្រុមហ៊ុន Saint Laurent នៅក្រុងប៉ារីស។
គ្មាននរណានៅហាងលក់នោះអាចប្រាប់ AFP ស្រោមអនាម័យនោះ លក់ក្នុងតម្លៃប៉ុន្មាន ឬតើគេលក់វាតាមរបៀបណាឡើយ។
លោក Vaccarello អាយុ ៣៧ ឆ្នាំ មិនមែនជាអ្នកឌីហ្សាញហ្វេសសិនដំបូងដែលចង់កោតស្ញប់ស្ញែងចំពោះស្រោមអនាម័យនេះ។
កាលពីឆ្នាំមុន Alexander Wang ជនជាតិអាមេរិកបានសហការជាមួយយីហោស្រោមអនាម័យ Trojan ក្រោមតំណភ្ជាប់ #ProtectYourWang ហើយកាលពីដើមឆ្នាំ អ្នកច្នៃម៉ូដក្រុងប៉ារីស Georgian Demna Gvasalia បានផ្ញើស្រោមអនាម័យពណ៌ខ្មៅ និងឆ្នូតផ្កាក្រហមទៅកាន់ការីនិពន្ធផ្នែកហ្វេសសិនដោយបានអញ្ជើញពួកគេចូលចិត្ដនូវអ្វីដែលហៅថា ជាកម្មវិធីចុងក្រោយសម្រាប់ Vetements ជាក្រុមហ៊ុនដែលលោកបានប្ដូរផ្ដាច់ក្នុងការបង្កើតវាឡើង៕ AFP/HR