The Phnom Penh Post Search

Search form




Logo of Phnom Penh Post newspaper Phnom Penh Post - រោម​ភ្នែក​វែង​ខ្លាំង​អាច​ធ្វើ​ឲ្យ​ភ្នែក​អស់​សំណើម​ងាយ​កកើត​ធូលី​

រោម​ភ្នែក​វែង​ខ្លាំង​អាច​ធ្វើ​ឲ្យ​ភ្នែក​អស់​សំណើម​ងាយ​កកើត​ធូលី​

​​រង្វង់​ភ្នែក៤សង់ទីម៉ែត្រ​​​​ គួរ​មាន​រោម​ភ្នែកកុំ​ឲ្យ​លើស​​១,៣​សង់ទីម៉ែត្រ។
​​រង្វង់​ភ្នែក៤សង់ទីម៉ែត្រ​​​​ គួរ​មាន​រោម​ភ្នែកកុំ​ឲ្យ​លើស​​១,៣​សង់ទីម៉ែត្រ។

រោម​ភ្នែក​វែង​ខ្លាំង​អាច​ធ្វើ​ឲ្យ​ភ្នែក​អស់​សំណើម​ងាយ​កកើត​ធូលី​

ក្រុង​ញូវយ៉ក: រោម​ភ្នែក​វែង​​គឺ​ជា​ក្ដី​ប្រាថ្នា​របស់​មនុស្ស​គ្រប់​រូប ជា​ពិសេស​នារី​តែ​ម្ដង។ អ្នក​ខ្លះ​បាន​​ប្រើ​វិធី​ត​រោម​ភ្នែក​ដើម្បី​ឲ្យ​សម្ផស្ស​កាន់​តែ​ស្អាត។ ប៉ុន្តែ​ការ​សិក្សា​ថ្មី​មួយ​បាន​អះអាង​ថា ប្រវែង​រោមភ្នែក​វែង​បែរ​ជា​ហុច​ផល​អវិជ្ជមាន​ដល់​សុខភាព​ចក្ខុ​របស់​អ្នក​ទៅ​វិញ។

អ្នក​វិទ្យាសាស្ត្រ​បាន​និយាយ​ថា រោម​ភ្នែក​របស់​មនុស្ស​គួរ​តែ​មាន​ប្រវែង​មួយ​ភាគ​បីនៃ​រង្វង់​ភ្នែក​​ទើប​វា​មាន​ប្រសិទ្ធភាព​ការពារ​ធូលី និង​ផ្ដល់​អនាម័យ​ដល់​គ្រាប់​ភ្នែក​បាន។​

ការ​ស្រាវជ្រាវ​ចុះ​ផ្សាយ​ក្នុង​ព្រឹត្តិបត្រ​ Royal Society Interface នេះ​ត្រូវ​បាន​ដឹក​នាំ​ដោយ​អ្នក​វិទ្យាសាស្ត្រ​មក​ពី​វិទ្យាស្ថាន​បច្ចេកទេស​ចចជៀ។

ក្នុង​ករណី​ដែល​រោម​ភ្នែក​មាន​ប្រវែង​សមរម្យ​ស្មើ​នឹង​១​ភាគ​៣​នៃ​ប្រវែង​រង្វង់​ភ្នែក វា​អាច​ដើរ​តួនាទី​ជា​របាំង​បក់​ការពារ​ភាព​ស្ងួត និង​ធូលី​បាន​ ៥០​ ភាគ​រយ​ឯណោះ។

សមត្ថភាព​ការពារ​នេះ​នឹង​បាត់​បង់​ ប្រសិន​បើ​វា​មាន​ប្រវែង​វែង​ពេក។ សម្រាប់​អ្នក​ដែល​មាន​រោម​ភ្នែក​វែង​ខ្លាំង វា​មិន​អាច​ដើរ​តួនាទី​ជា​របាំង​ខ្យល់​ ហើយ​វា​រឹត​តែ​នាំ​ខ្យល់​មក​​ប៉ះ​ភ្នែក បង្ក​ជា​អាការ​ស្ងួត និង​ជាប់​ធូលី​ដី​ថែម​ទៀត​ផង។

និយាយ​ឲ្យ​ខ្លី​ទៅ​គឺ​រោម​ភ្នែក​វែង​ខ្លាំង​អាច​ធ្វើ​ឲ្យ​ភ្នែក​កាន់​តែ​ស្ងួត និង​កខ្វក់។

ដោយ​សារ​តែ​ការ​សម្គាល់​ឃើញ​ដូច្នេះ​ហើយ ទើប​អ្នក​វិទ្យាសាស្ត្រ​​បាន​អំពាវ​នាវ​ដល់​អ្នក​ថែរក្សា​សម្ផស្ស​ទាំង​ឡាយ​កុំ​ឲ្យ​ធ្វើការ​ត​រោម​ភ្នែក ឬ​ប្រើ​វិធី​កែកុន​នានា​ឲ្យ​រោម​ទាំង​នោះ​វែង​ហួសហេតុ។ ចូរ​រក្សា​ប្រវែង​រោម​ភ្នែក​កុំ​ឲ្យ​លើស​ ១ ​ភាគ ​៣ ​​នៃ​ប្រវែង​រង្វង់​ភ្នែក​ឲ្យ​សោះ ប្រសិន​បើ​អ្នក​ចង់​ឲ្យ​សុខភាព​ចក្ខុ​ល្អ​ប្រសើរ៕

អត្ថបទគួរចាប់អារម្មណ៍