The Phnom Penh Post Search

Search form




Logo of Phnom Penh Post newspaper Phnom Penh Post - វេជ្ជបណ្ឌិត​ថៃ​រំលែក​ចំណេះ ដឹង​អំពី​ការថែទាំ​សុខភាព​អំឡុង​ពេល​មាន​ផ្ទៃ​ពោះ




វេជ្ជបណ្ឌិត​ថៃ​រំលែក​ចំណេះ ដឹង​អំពី​ការថែទាំ​សុខភាព​អំឡុង​ពេល​មាន​ផ្ទៃ​ពោះ

Content image - Phnom Penh Post
លោក​វេជ្ជបណ្ឌិត Pansak Sugkraroek និង​សហការី​នៅ​មន្ទីរពេទ្យ​បំរ៉ុង​រ៉ាត់​។ ឈឹម ស្រីនាង

វេជ្ជបណ្ឌិត​ថៃ​រំលែក​ចំណេះ ដឹង​អំពី​ការថែទាំ​សុខភាព​អំឡុង​ពេល​មាន​ផ្ទៃ​ពោះ

ក្រុងបាងកក: ការថែទាំ និង​ពិនិត្យ​សុខភាព​ក្នុង​អំឡុង​ពេល​មានគភ៌ ឬ​មុនពេល​សម្រាល គឺ​ព័ត៌មាន​ពុំទាន់​ទូលំ​ទូលាយ​ដល់​ស្ត្រី​ត្រៀម​ខ្លួន​ធ្វើជា​អ្នក​ម្ដាយ​នៅក្នុង​សង្គម​ខ្មែរ​យើង​នោះ​ទេ។

កត្តា​ជាច្រើន​ដែល​ប៉ះ ពាល់​ដល់​ស្ត្រី​មាន​ផ្ទៃពោះ​ដែល​មិន​ទៅ​ពិនិត្យ និង​តាមដាន​ពី​សុខភាព​ទារក ជាមួយ​គ្រូពេទ្យ​ក្នុង​អំឡុង​ពេល​ពួកគាត់​មាន​ផ្ទៃពោះ ឬ​មុនពេល​សម្រាល។

លោក វេជ្ជបណ្ឌិត Pansak Sugkraroek ប្រចាំ​មន្ទីរពេទ្យ​អន្តរជាតិ បំរ៉ុង​រ៉ាត់​បាន​ផ្តល់​បទសម្ភាស​ជាមួយ ភ្នំពេញ ប៉ុស្តិ៍ អំពីការ​ថែទាំ និង​ពិនិត្យ​សុខភាព​ក្នុង​អំឡុង​ពេល​មាន​ផ្ទៃពោះ ឬ​មុនពេល​សម្រាល។

១.តើ​អ្វី​ទៅ​ដែល​ហៅថា​ការថែទាំ​សុខភាព​ក្នុង អំឡុងពេល​មាន​ផ្ទៃពោះ​ឬ​មុនពេល​សម្រាល?

ដើម្បី​ឲ្យ​ម្តាយ និងទារ​កមាន​សុខភាព​ល្អ គឺ​ត្រូវតែ​មាន​សេវាកម្ម​ថែទាំ​សុខភាព​មុនពេល​សម្រាល ហើយ​ការ​មើលថែ​សុខភាព​មុនពេល​សម្រាល​នេះ​គឺចែក​ចេញជា​បី​ប្រភេទ អំឡុង ពេល​មាន​ផ្ទៃពោះ មុន​សម្រាល និង​ក្រោយ​ពី​សម្រាល។

ចំពោះ​ការ​មក​ពិនិត្យ​មុនពេល​សម្រាល​នេះ កាលពី​សម័យ​មុន មិនថា​ជនជាតិ​ថៃ ឬ​ខ្មែរ​នោះទេ គឺ​គាត់​មិនសូវ​មកជួប​ពេទ្យ​ឡើយ ជួនកាល​ពេល​ដែល​គាត់​មាន​ផ្ទៃ​ពោះ ភាគ​ច្រើន​មក​ពិនិត្យ​តែម្តង និង​មក​ពេល​សម្រាល​តែម្តង​ប៉ុណ្ណោះ តែ​បច្ចុប្បន្ន​នេះ​គេ​បែង ចែក​ច្បាស់លាស់ ដោយ​ចាប់ផ្តើម​ដឹងថា​មាន​ផ្ទៃពោះ​ភ្លាម​គឺគួរ​តែមក​ពិនិត្យ​ផ្ទៃពោះ​មុន​ពេល​សម្រាល ។

២. ហេតុអ្វី​បានជា​ស្ត្រី​មាន​ផ្ទៃពោះ​ត្រូវការ​មក​ពិនិត្យ​សុខ ភាព​មុនពេល​សម្រាល?

ជាធម្មតា​ពេលដែល​ដឹងថា ចាប់ផ្តើម​មាន​ផ្ទៃ​ភ្លាម​រហូតដល់ ៤០ អាទិត្យ​នេះ នៅ​ពេល​ដែល​មក​ពិនិត្យ​មុន​សម្រាល​គឺអាច​ឲ្យ​គ្រូពេទ្យ​ដឹង​ពីបញ្ហា​សុខភាព​ម្តាយ និង​ទារក​អ៊ីចឹង​ទៅ​គ្រូពេទ្យ​នឹងធ្វើ​ការ​ណាត់ ជួប​ដើម្បី​មក​ពិនិត្យ​សុខភាព ហើយ​អំឡុងពេល​ហ្នឹង នៅពេល​ដែរ​គ្រូពេទ្យ​រកឃើញ​អ្វីដែល​ខុស​ប្រក្រតី​គឺ​គ្រូពេទ្យ​នឹង​ពន្យល់​ភ្លាមៗ​ទៅ​អ្នក​ម្តាយ​អំពី​របៀប​ការពារ និង​គ្រូពេទ្យ​អាច​ជួយ​សង្គ្រោះ​បាន​ទាន់​ពេល។

ជាទូទៅ​នៅពេល​ដែល​ដឹងថា​មាន​ផ្ទៃពោះ​ភ្លាម​គឺគេ​ជួស​ឈាម​មើល​ស្ត្រី​ដែល​មាន​ផ្ទៃពោះ ថា​មាន​ជំងឺឆ្លង​អីឬ​អត់?ខ្វះ​ឈាម ក្រហម ឬអត់ ហើយ​មុនពេល​សម្រាល​ស្ត្រី​មាន​ផ្ទៃពោះ​ត្រូវតែ​ចាក់​វ៉ាក់សាំង​អី​ឬអត់?

Content image - Phnom Penh Post
ការ​ថែទាំ​សុខភាព​ត្រូវ​ធ្វើ​តាំងពី​មាន​ផ្ទៃពោះ រហូត​ដល់​សម្រាល​រួច​។

៣. តើ​មាន​សារ:ប្រយោជន៍​អ្វីខ្លះ​ក្នុងការ​មក​ពិនិត្យ​ថែទាំ​សុខភាព​មុន​ពេល​សម្រាល?

សារប្រយោជន៍​ក្នុងការ​មក​ពិនិត្យ​ថែទាំ​សុខភាព​ញឹកញាប់​មុនពេល​សម្រាល​គឺ​ឱកាស​ដែល​ម្តាយ​មាន​សុវត្ថិភាព និងកូន​មាន​សុខ​ភាពល្អ​គឺ​វាខ្ពស់ ជាង អ្នក​ម្តាយ​ដែល​មក​ពិនិត្យ​តែម្តង​រួច​ឈប់​មក​ពិនិត្យ។ នៅ ពេល​ដឹងថា​មាន​បញ្ហា​ហើយ​គឺយើង​អាច​ដឹង​ពីវិធី​ការពារ​បាន​យ៉ាង​ងាយស្រួល។ ម្យ៉ាង​ទៀត​ម្តាយ​អាច​យល់​ដឹង​ច្រើន​ពីរបៀប​មើលថែ​សុខភាព និង​អាការ​ខ្លួនឯង​ដោយ​ខាង​មន្ទីរពេទ្យ​មាន​ថ្នាក់ និង​សៀវភៅ​សម្រាប់​បង្រៀន​ដល់​អ្នក​ម្តាយ​ពីរបៀប​ថែកូន​យ៉ាងម៉េច ជា ដើម​សម្រាប់​ថ្នាក់​នេះ​គឺមាន​ជា​ភាសា​ខ្មែរ​ផងដែរ។

៤. តើ​មន្ទីរពេទ្យ​បំរ៉ុង​រ៉ាត់​មាន​ឧបករណ៍​ពិសេស​សម្រាប់​ការថែទាំ​សុខភាព​មុនពេល និង​ក្រោយ​សម្រាល​ឬទេ?

មន្ទីរពេទ្យ​បំរ៉ុង​រ៉ាត់​គឺមាន​ឧបករណ៍​ទំនើប​ទាន់សម័យ​សម្រាប់​សេវាកម្ម​ថែទាំ​សុខភាព​មុនពេល​សម្រាល គឺខាង​គ្រូពេទ្យ​មាន​ឧបករណ៍​អាច​ពិនិត្យ​ឃើញ​ពីអាការ​ទារក ពិការ​ឬ​អត់? មាន​មុខមាត់​គ្រប់ បែប​យ៉ាង ឬ​អត់? យើង​មាន ឧបកណ៍​បិទ​នៅ​លើ​ពោះ​ម្តាយ​អាច​ពិនិត្យ​បេះដូង​ទារក​លោត​យ៉ាងម៉េច មើល​ស្បូន​ម្តាយ​មាន ការ​កន្ត្រាក់​យ៉ាងម៉េច។

ចំពោះ​ឧបករណ៍​ប្រើប្រាស់​ក្នុង​មន្ទីរពេទ្យ​បំរ៉ុង​រ៉ាត់​គឺ​ទាន់​សម័យ និង​ស្តង់ដារ​អន្តរជាតិ​ដែល​ទទួល ស្គាល់​ពី​សហរដ្ឋអាមេរិក JCIA ដូច្នេះ​អ្នក​ម្តាយ​ទាំងអស់​មិន​បាច់​ព្រួយបារម្ភ​ពីបញ្ហា​មាន​ផ្ទៃពោះ​នោះទេ គឺខាង​មន្ទីរពេទ្យ​មាន​ឧបករណ៍​គ្រប់គ្រាន់​សម្រាប់​ជួយ​ដល់​ទារក និង​ម្តាយ​ទាន់​ពេល។

៥. ប្រសិនបើ​ប្រជាជន​ខ្មែរ​គាត់​ចង់​មក​សម្រាល​នៅ​មន្ទីរពេទ្យ​បំរ៉ុង​រ៉ាត់ តើ​ខាង​មន្ទីរពេទ្យ​តម្រូវ​ឲ្យអ្នក​ម្តា​យមក​ពិនិត្យ​សុខភាព​ផ្ទៃពោះ​ប៉ុន្មាន​ដង​ដែរ?

នៅពេល​ដែល​ដឹងថា​មាន​ផ្ទៃពោះ​ភ្លាម​គឺត្រូវ​តែមក​ពិនិត្យ​ជាមួយ​គ្រូពេទ្យ​នៅ​ទីនេះ ដើម្បី​ពិនិត្យ​សុខភាព។ បន្ទាប់​គឺអ្នក​ម្តាយ​អាច​តាមដាន​សុខភាព​ផ្ទៃពោះ​ជាមួយ​នឹង​គ្រូពេទ្យ ផ្នែក​សម្ភព​នៅ​ស្រុក​ខ្មែរ​បាន ពីព្រោះ​ថា​ខាង​មន្ទីរពេទ្យ​ដឹងថា​អ្នក​ម្តាយ​មិនអាច​មក​ពិនិត្យ នៅ​មន្ទីរពេទ្យ​បំរ៉ុង​រ៉ាត់​បាន​គ្រប់ ពេល​នោះទេ។

និយាយ​រួម​ទៅ​គឺខាង​មន្ទីរពេទ្យ​អាច​នឹង​ណាត់​ឲ្យ​អ្នកម្តាយ​មក​ពិនិត្យ​ជាមួយ​គ្រូពេទ្យ​ជំនាញ​នៅ​មន្ទីរពេទ្យ បំរ៉ុង​រ៉ាត់​ប្រហែល​ចាប់ពី (ចន្លោះ ១២ សប្តាហ៍ ២០សប្តាហ៍ និង​សប្តាហ៍​ពី ៣៦ ទៅ ៤០ សប្តាហ៍ គឺ​ត្រូវតែ​ពិនិត្យ)។

ចំណុច​សំខាន់​គឺ​ចង់​ណែនាំ​ឲ្យ​អ្នកជំងឺ​កម្ពុជា​កុំឲ្យ​ក្រែង​ចិត្ត​ជាមួយ​នឹង​គ្រូពេទ្យ​ក្នុងការ​សាកសួរ​ព័ត៌មាន​តាម​ទូរស័ព្ទ គឺ​ខាងយើង​ចាំ​ស្វាគមន៍​ជានិច្ច​ក្នុងការ​ផ្តល់​យោបល់ គឺ​មិនមាន​ការគិត​កម្រៃ​នោះទេ ហើយ​សម្រាប់​ការ​មើលថែ​របស់​មន្ទីរពេទ្យ​បំរុង​រ៉ាត់​ជាមួយ​អ្នក ជំងឺ​គឺ​ខាងយើង​ទទួល​មើលថែ​ដោយ​យកចិត្ត​ទុកដាក់​ដូចជា​សាច់ញាតិ​អ៊ីចឹង៕

អត្ថបទគួរចាប់អារម្មណ៍