ក្រុងឡុងដ៍: សម្រាកពេលរាត្រីជាមួយការកម្សាន្ដលើគ្រែ ធ្លាប់តែជាទម្លាប់ប្រចាំថ្ងៃ។ ប៉ុន្ដែកំណើនសេវាកម្មទូរទស្សន៍តាមតម្រូវការ ទំនងជាធ្វើឲ្យប៉ះពាល់ដល់ជីវិតសិចរបស់យើង។
ការសិក្សាមួយបានបង្ហាញថា មានកម្មវិធីថ្មីៗលើបណ្ដាញអ៊ីនធឺណិតនៅចន្លោះម៉ោង ១០ ទៅ ១១ ដែលនាំគ្នាមើលសេវាកម្មភាពយន្ដផ្សាយផ្ទាល់ ដូចជា Netflix និង BBC iPlayer ព្រមទាំងវេបសាយចែករំលែកវីដេអូ ដូចជា យូធូបជាដើម។
ក្រុមអ្នកនិពន្ធ បាននិយាយថា៖ «ភាពមមាញឹកនេះ ទាក់ទងនឹងការទស្សនាភាពយន្ដ ឬកម្មវិធីផ្សេង។ វាបានបង្ហាញថា ឧបករណ៍ចល័តត្រូវបានប្រើឲ្យពន្យារពេលមើលកម្មវិធីទូរទស្សន៍កាន់តែច្រើនម៉ោង ប្រហែលជាក្រោយពីកម្មវិធីចម្បងបញ្ចប់ទៅ»។
ការសិក្សានេះ បានគាំទ្រដល់សេចក្ដីព្រមានពីសាស្ដ្រាចារ្យ ដាវីដ ស្ពែហ្គេល ហាលធ័រ មកពីសាកលវិទ្យាល័យខេមប្រ៊ីដ ថា ប្ដីប្រពន្ធមិនសូវមានចំណង់សិចដោយសារពួកគេមើលទូរទស្សន៍ច្រើនជាងម៉ោងគេង។ កាលពីឆ្នាំ ២០១៦ លោកបានស្ដីបន្ទោសដល់តួលេខបង្ហាញពីអត្រាធ្លាក់ចុះនៃសិចដោយសារឧបករណ៍បច្ចេកវិទ្យាថ្មី បើធៀបនឹងកាលពីប៉ុន្មានឆ្នាំមុន នៅពេលដែលទូរទស្សន៍ត្រូវបានបិទនៅម៉ោង ១០:៣០ យប់។
កំណើនទូរទស្សន៍តាមអនឡាញអាចជាកត្តាធ្វើឲ្យមនុស្សជំនាន់ថ្មីជាច្រើនមិនធ្លាប់ឆ្លងកាត់ជីវិតសិច។ នេះបើយោងតាមក្រុមស្រាវជ្រាវ។ ដោយយោងតាមការសិក្សាមួយលើមនុស្ស ១៦០០០ នាក់ យុវវ័យអាយុ ២៦ ឆ្នាំម្នាក់ក្នុងចំណោម ៨ នាក់ នៅរក្សាភាពបរិសុទ្ធ (ព្រហ្មចារី)៕HR