.jpg)
មនុស្សគ្រប់រូបរមែងដឹងថា យោគៈផ្ដល់អត្ថប្រយោជន៍ ដោយលើសពីការកាត់បន្ថយស្ដ្រេស សម្រកទម្ងន់ ជួយរំលាយអាហារ និងថែមទាំងស្ទួយជីវិតសិចថែមទៀត។
ការសិក្សាមួយបានតាមដានលើស្ដ្រី ៤០ នាក់ ខណៈពួកគេហ្វឹកហាត់យោគៈរយៈពេល ១២ សប្ដាហ៍។ ក្រោយបញ្ចប់ការសិក្សា ក្រុមអ្នកស្រាវជ្រាវបានសន្ធិដ្ឋានថា ស្ដ្រីទាំងនោះបានបង្កើនសមត្ថភាពសិចយ៉ាងរស់រវើកដោយសារតែយោគៈ។
បើអ្នកចង់មានសកម្មភាពរស់រវើករឿងសិច ចូរសាកល្បងហ្វឹកហាត់ក្បាច់យោគៈ ៦ ទម្រង់នេះនៅថ្ងៃជាប្រចាំ។
១. កាយវិការដំណើរឆ្មា និងគោ
រមែងប្រើកាយវិការទាំងពីរនេះរួមគ្នា ដោយវាអាចជួយអ្នកសម្រួលសរសៃឆ្អឹងខ្នង និងសម្រាកបានស្រួល។ វាក៏ជួយបន្ទាបកម្រិតស្ដ្រេសទូទៅ ក៏ដូចជាធ្វើឱ្យកាន់តែងាយក្នុងការបង្កើតអារម្មណ៍។
របៀបនៃការហ្វឹកហាត់
ចាប់ផ្ដើមធ្វើចលនាវារជើង ៤ ដោយឱ្យប្រាកដថា កដៃស្ថិតនៅចំពីក្រោមស្មា និងជង្គង់បញ្ឈរត្រង់ពីត្រកៀក។ រក្សាឆ្អឹងខ្នងត្រង់ និងរក្សាលំនឹងទម្ងន់។ ស្រូបខ្យល់ដង្ហើមចូល ពេលងើយមុខឡើង និងបំប៉ោងក្បាលពោះចុះ អែនគូទឡើង។ សម្លឹងភ្នែក លើកចង្កា និងទ្រូងឡើង ពេលអ្នកចង្កោង។ ដកដង្ហើមចេញ ឱនមុខចុះ និងផើតពោះឡើង។ ចង្កោងឆ្អឹងខ្នងឡើងលើ។ ធ្វើចលនាចង្កោងខ្នង និងអែនគូទឡើងទាំងពីរចលនានេះយឺតៗ រយៈពេលមួយនាទី។
២. កាយវិការស្ពាន (Setu Bandha Sarvangasana)
កាយវិការនេះជួយពង្រឹងឆ្អឹងត្រកៀក ដែលកាត់បន្ថយការឈឺចាប់ពេលរួមភេទ និងថែមទាំងអាចងាយស្រួលពត់ពែនផងដែរ។
របៀបនៃការហ្វឹកហាត់
គេងផ្ញា រួចបញ្ឈរជង្គង់ទាំងពីរឡើង។ សណ្ដូកដៃទាំងពីរស្របតាមដងខ្លួន និងផ្កាប់បាតដៃចុះ។ ពើងត្រកៀកឡើង និងហើបដងខ្លួនផងដែរ។ តែរក្សាលំនឹងស្មា និងក្បាលឱ្យស្ថិតស្មើនឹងកម្រាលដដែល។ ទុកកាយវិការនេះឱ្យនៅទ្រឹង ៥ វិនាទី រួចបន្ធូរមកវិញ។
៣. កាយវិការទារករីករាយ (Ananda Balasana)
កាយវិការសម្រាកដ៏ពេញនិយម ដែលសម្រួលដល់សាច់ដុំគូទ និងចង្កេះ។ លើសពីនេះ វាស្មើរនឹងក្បាច់កេរ្ដិ៍ម៉ែចែក (មីសិនណារី) ទ្វេដង។ ចូរសាកល្បងហ្វឹកហាត់លើគ្រែ ដោយចាប់ផ្ដើមពីក្បាច់ (មីសិនណារី) ដោយឱ្យដៃគូទ្រោបពីលើ រួចកន្ធែកជើង និងក្ដោបរាងកាយភាគីបុរស។
របៀបនៃការហ្វឹកហាត់
គេងផ្ញា ដកដង្ហើមចេញ អង្កុញជង្គង់មកក្បែរពោះ។ ស្រូបខ្យល់ដង្ហើមចូល ខណៈដៃកាន់ចាប់កាន់ប្រអប់ជើងទាំងសងខាង និងកន្ធែកជើង។ អ្នកក៏អាចប្រើខ្សែក្រវាត់ ឬកន្សែងដើម្បីទាក់ជើងឱ្យកាន់តែងាយស្រួល។ លាតសន្ធឹង និងកន្ធែកជើងឱ្យពេញទំហឹង ដោយដៃនៅបន្ដកាន់ប្រអប់ជើងជាប់។
៤. ព្រាបជើងមួយ (Eka Pada Rajakapotasana)
មានសត្វព្រាបអម្បូរជាច្រើន ហើយសត្វទាំងនេះពូកែពន់ពែន និងបើកត្រកៀក។ ត្រកៀកណែនអាចធ្វើឱ្យសិចពិបាកទ្រាំបន្ដិច ហើយវាក៏ផ្ដល់ឱកាសឱ្យអ្នកសាកល្បងក្បាច់ពិសេស។
របៀបនៃការហ្វឹកហាត់
ធ្វើសកម្មភាពនៅលើកម្រាល។ បោះជើងស្ដាំទៅមុខ ដែលរក្សាជំហរជើងក្រោយជាទម្រង់កែង ៩០ដឺក្រេ ធៀបនឹងដងខ្លួន។ លាតជើងឆ្វេងទៅខាងក្រោយ ដោយបត់ខ្នងជើងលើកម្រាល ហើយម្រាមជើងកាច់មកក្រោយ។ ដកដង្ហើមចេញ ពេលក្រាបចុះ ដោយប្ដូរលំនឹងសង្កត់លើរាងកាយ។ ប្រើដៃទ្រទម្ងន់ខ្លួន។ បើពិបាកទ្រាំទ្រ ចូរសាកល្បងបត់ពួយ ឬខ្នើយ និងដាក់វានៅខាងក្រោមត្រកៀកស្ដាំដើម្បីរក្សាលំនឹងត្រកៀកពេលពត់ពែនខ្លួន។ បន្ធូរវិញ និងចាប់ផ្ដើមផ្ដោះប្ដូរជើង រួចបន្ដកាយវិការជាថ្មី។
៥. កាយវិការក្មេង (Balasana)
ក្បាច់នេះជាវិធីបើកត្រកៀកយ៉ាងល្អ និងស្វែងរកការសម្រាកដោយមិនចាំបាច់បត់បែនខ្លាំង។ វាជាកាយវិការនៅលើកម្រាល ដែលមានន័យថា ចំណុចពិសេសស្ថិតត្រង់ការសម្រាក និងចលនាដង្ហើមតាមចង្វាក់ចលនា ដែលអាចជួយសម្រួលស្ដ្រេស និងអារម្មណ៍ក្រេវក្រោត។
របៀបនៃការហ្វឹកហាត់
ចាប់ផ្ដើមលុតជង្គង់លើកម្រាល ដោយផ្កាប់ខ្នងជើងចុះ លាតជង្គង់រហូតដល់ត្រកៀកហើបឡើង។ ដកដង្ហើមចេញ និងក្រោបទៅមុខ។ ដាក់ដៃសណ្ដូកទៅមុខ និងចំតិតគូទមកក្រោយ ដែលធ្វើឱ្យរាងកាយសណ្ដូកស្រួលលើជើងទាំងពីរ។ ចូរព្យាយាមពើតមកក្រោយរហូតដល់ថ្ងាប៉ះកម្រាល។ អនុវត្ដក្បាច់នេះប្រមាណ ៣០ វិនាទី ឬរហូតដល់ពីរទៅបីនាទី។
៦. កាយវិការសព (Savasana)
ថ្នាក់រៀនយោគៈតែងតែបញ្ចប់ត្រឹមក្បាច់កាយវិការសព ឬសាវ៉ាសាណា ហើយវាច្បាស់ណាស់ថា វាជាមូលហេតុដ៏សមស្រប។ ក្បាច់នេះជួយអ្នកឱ្យបានសម្រាក និងស្វែងយល់ពីវិធីរំលស់ស្ដ្រេស។ ចូរសាកធ្វើសមាធិរយៈពេលខ្លះនៅចុងបញ្ចប់នៃវគ្គយោគៈ ដែលស្ទួយដល់អារម្មណ៍ស្រាកស្រាន និងស្រស់ស្រាយ។
របៀបនៃការហ្វឹកហាត់
គេងផ្ញាសន្ធឹងសន្ធៃ។ ធ្វើឱ្យរាងកាយសម្រាកចាប់ពីផ្ទៃមុខរហូតដល់ចុងម្រាម។ បន្ដរក្សាភាពនឹងថ្កល់ឱ្យយូរតាមដែលអាចធ្វើទៅបាន៕ HR
