ក្រុងញូវយ៉ក: ការសិក្សាមួយបានបង្ហាញថាសារធាតុគីមីក្នុងឡេការពារកម្ដៅថ្ងៃជ្រាបចូលក្នុងឈាមរហូតដល់លើសកម្រិតសុវត្ថិភាពបញ្ចៀសបញ្ហាមហារីក ៤១៩ ដងឯណោះ។
រដ្ឋបាលឱសថ និងស្បៀងអាហារអាមេរិក (FDA) ដែលធ្វើកិច្ចការលើសុវត្ថិភាព ឧបករណ៍ និងផលិតផលវេជ្ជសាស្ដ្រនៅសហរដ្ឋអាមេរិកណែនាំការប្រើប្រាស់សារធាតុគីមីមិនលើសពី ០,៥ ណាណូក្រាមក្នុង ១ មិល្លីក្រាម ដើម្បីទប់ស្កាត់ជំងឺមហារីក។
ការស្រាវជ្រាវបានបង្ហាញថា ក្នុងឡេលាបការពារកម្ដៅថ្ងៃអាចផ្ទុកសារធាតុបង្កជាជំងឺមហារីកដូចជា សារធាតុអុកស៊ីបេនហ្ស៊ូន រំខានដល់អ័រម៉ូនដែលនាំឲ្យផ្ដុំជាសារធាតុពុលច្រើន។
សារធាតុអុកស៊ីបេនហ្ស៊ូន អាចប៉ះពាល់នឹងសកម្មភាពអ័រម៉ូនដែលគ្រប់គ្រងលើដំណើរមានគភ៌។ កម្រិតសារធាតុ អាវូបេនហ្ស៊ូន ដែលត្រូវបានភ្ជាប់នឹងជំងឺមហារីក និងអុកតូគ្រីលេន ដែលបង្កការរលាកស្បែក ភ្នែក ឬសួត។ អេខេមសូល ដែលអាចបង្កឲ្យស្បែកស្ងួត កន្ទួលក្រហម និងមុន។
ក្រុមអ្នកស្រាវជ្រាវបានសង្កត់ធ្ងន់ថាការសិក្សានេះមិនមែនមានន័យថា អ្នកប្រើប្រាស់គួរបោះចោលឡេការពារកម្ដៅថ្ងៃនោះទេ។ កត្ដាទាក់ទងផ្សេងៗនៃការសិក្សានៅមិនទាន់ដឹងច្បាស់នៅឡើយ ហើយក្រុមអ្នកស្រាវជ្រាវក៏នៅតែជឿជាក់លើប្រសិទ្ធភាពការពារស្បែកខូចពីកម្ដៅថ្ងៃ និងកាំរស្មីយូវី។
កត្ដាហានិភ័យផ្នែកទ្រឹស្ដីសារធាតុពុលជ្រាបចូលសរសៃឈាមស្ទើរតែតិចតួចជាងហានិភ័យចំពោះសមត្ថភាពកាត់បន្ថយគ្រោះថ្នាក់មហារីកស្បែកដែលអាចទប់ស្កាត់តាមរយៈការលាបឡេការពារកម្ដៅថ្ងៃ៕ HR