ក្រុងហូជីមិញ : សារមន្ទីរយឹនសឹនវៀតណាម ឬង៉ុកលិញយឹនសឹន បានបើកសម្ពោធក្នុងទីក្រុងហូជីមិញ បានរំលេចនូវរុក្ខជាតិប៉ូវកម្លាំងនេះជា ៤០០ ប្រភេទ ដែលហៅថា សម្បត្ដិជាតិ។
សារមន្ទីរទំហំ ២៥០ ម៉ែត្រការ៉េ រួមមាន ការតាំងបង្ហាញ រូបភាព និងផែនទីប្រទេសដែលមានការចែកចាយរុក្ខជាតិយឹនសឹនង៉ុកលិញ។
សារមន្ទីរ ដែលស្ថិតនៅលើវិថីង្វៀងសុន ៣៧៤ ក្នុងស្រុកតាន់ភូ តាំងបង្ហាញពីរុក្ខជាតិយឹនសឹនង៉ុកលិញ ដែលមានតម្លៃរាប់ពាន់លានដុង។
យឹនសឹនង៉ុកលិញ អាចត្រូវបានប្រទះឃើញនៅលើភ្នំង៉ុកលិញ កម្ពស់ប្រមាណ ២៥៩៨ ម៉ែត្រនៅព្រំដែនខេត្ដកុនធុម និងក្វាងណាម។
លោក ង្វៀង តាន់វៀត ជានាយកគ្រប់គ្រងសារមន្ទីរ បាននិយាយថា យឹនសឹនង៉ុកលិញ ដែលជារុក្ខជាតិវេជ្ជសាស្ដ្រ បានឆ្លុះបញ្ចាំងពីប្រវត្ដិសាស្ដ្រ និងវប្បធម៌វៀតណាម។
លោក វៀត បានឲ្យដឹងថា៖ «ដោយបានធ្វើការស្រាវជ្រាវអស់រយៈពេលជាច្រើនឆ្នាំ ខ្ញុំមានបំណងចង់កសាងសារមន្ទីរមួយ ដែលអ្នកដទៃអាចទស្សនា និងសិក្សាកាន់តែស៊ីជម្រៅអំពីពូជយឹនសឹនដ៏តម្លៃទាំងនេះ»។
សារមន្ទីរ យឹនសឹនវៀតណាម ឬង៉ុកលិញយឹនសឹន (Ngọc Linh Ginseng ឬ Vietnamese Ginseng Museum) បើកទ្វារទទួលមហាជនជារៀងរាល់ថ្ងៃលើកលែងតែថ្ងៃអង្គារ៕ VNS/HR