នីហ្សេរីយ៉ាៈ នេះជាហេតុការណ៍ដ៏ចម្លែកថ្មីមួយបានកើតឡើងកាលសប្តាហ៍មុន ខណៈដែលស្រ្តីម្នាក់បានសម្រាលកូនមកបែរជាមានរូបរាងដូចជាសត្វ សេះទៅវិញ។ ហេតុការណ៍បានកើតឡើងនៅឯទីកន្លែងសក្ការបូជាសម្រាប់មនុស្សបន់ ស្រន់ផ្សេងៗ នៃសហគមន៍អេវ៉រៀរៀនៅតាមដងវិថីបេនីន សាពីលី នៃទីក្រុងបេនីន ខេត្តអេដូ ប្រទេសនីហ្សេរីយ៉ា។ ស្រ្តីរូបនេះបានរៀបការអស់រយៈពេល១១ឆ្នាំមកហើយតែពុំមានកូនចៅ មួយគ្រាប់សោះ។
យោងតាមសាក្សីឃើញផ្ទាល់អ្នកស្រីវើរ៉ូនីកា អេងហ្គីប័រ ដែលជាគិលានុបដ្ឋាយិកា ម្នាក់និយាយថា ស្រ្តីដែលគេសុំមិនបញ្ចេញឈ្មោះនោះគឺមានរបរជាអ្នកលក់បន្លែអស់ រយៈពេលជាង១០ឆ្នាំមកហើយ។ លើសពីនេះស្រ្តីម្នាក់នោះមានសន្តានចិត្តល្អហ៊ានលះបង់កម្លាំង កាយមិនខ្លាចនឿយហត់ និងលុយកាក់សម្រាប់ផ្គត់ផ្គង់ដល់ប្រុសកំណាន់ចិត្តខ្លួនឲ្យរៀន សូត្រនៅថ្នាក់មហាវិទ្យាល័យទៀតផង។
តែជាអកុសលពេលអ្នកទាំងពីរ បានព្រមព្រៀងគ្នាដល់ថ្ងៃរៀបការនោះស្រាប់តែម្តាយខាងប្រុសមិន ទទួលយកនាងទៅវិញ។ ដូច្នេះពួកគេក៏ផ្តាច់ទំនាក់ទំនងគ្នា។ ចំណែកបុរសនោះក៏រៀបការជាមួយនារីផ្សេង ខណៈនាងក៏បានរៀបការជាមួយបុរសផ្សេងប៉ុន្មានឆ្នាំក្រោយមកទៀត ដែរ។
គិលានុបដ្ឋាយិកាខាងលើបានប្រាប់ថា៖«នាងបានស្រវាចាប់កាន់ ជើងមនុស្សដទៃខណៈពេលនាងខំប្រឹងសម្រាលកូន។ លុះទារកនោះបានកើតចេញមកហើយ ស្រាប់តែមនុស្សម្នាភ្ញាក់ផ្អើលយ៉ាងខ្លាំងដោយឃើញទារកនោះមាន លក្ខណៈខុសប្រក្រតីដោយអ្នកខ្លះគិតថា ទារកនោះមានរូបរាងដូចជាសត្វពពែ និងអ្នកខ្លះថា រាងដូចជាសត្វសេះ ដោយសារវាមានកវែង និងត្រចៀកវែងដូចជាសត្វមែន»។ គិលានុបដ្ឋាយិការូបនោះបានបន្តថា៖«វាពិតជាមានរាងដូចជាសត្វសេះ ពិតមែន ទោះបីទារកនោះជាមនុស្សក៏ដោយ»។
ចំណែកមន្រ្តីទទួលបន្ទុក ខាងលើក៏បាននិយាយថា៖«ខ្ញុំមិនអាចពណ៌នាបានឡើយ។ យើងឃើញថា មានមនុស្សខ្លះបានក្អួតចំពោះការបានឃើញទិដ្ឋភាពទារកនោះនៅពេល ក្រុមការងារយើងបានជួយសម្រាលកូនស្រ្តីម្នាក់នេះផងដែរ»។
បន្ទាប់ ពីមានហេតុការណ៍ដ៏ចម្លែកនេះមកមន្រ្តីទទួលបន្ទុកក៏បានព្រមាន ដល់អ្នកប្រតិបត្តិសាសនាទាំងឡាយឲ្យជម្រះចោលនូវអំពើបាបទាំងឡាយ របស់ខ្លួនតាមរយៈការមកបន់ស្រន់នៅឯព្រះវិហារ។ ស្រ្តីនោះត្រូវបានគេផ្តល់ថ្នាំសម្រាប់ព្យាបាលខណៈកូនដែលចម្លែក របស់នាងត្រូវគេដាក់ទុកចោលឲ្យរហូតដល់ផុតដង្ហើមនៅកម្រាលឥដ្ឋ ដោយគ្មានអ្នកណាអើពើមើលវាឡើយ។ នេះបើយោងតាមសារព័ត៌មានក្នុងស្រុកបានឲ្យដឹង។
អព្ភូត ហេតុបានកើតឡើងបែបនោះក៏បានធ្វើឲ្យអ្នកដែលចូលទៅគោរពព្រះ ក្នុងព្រះវិហារមានអារម្មណ៍ខ្ពើមរអើមផងដែរចំពោះរឿងទារកចម្លែក បានសម្រាលនៅទីនោះ។ មន្រ្តីទទួលបន្ទុកដដែលក៏បានបន្តដែរថា វាប្រាកដជាមានពាក់ព័ន្ធនឹងរឿងវេទមន្តកាឡាខ្លួនជាមិនខាន។ លោកបន្ថែមថា៖«យើងធ្លាប់ឃើញលុយ អាចប្រែកាឡាខ្លួនជាសត្វអណ្តើកនៅក្នុងព្រះវិហារនេះកាលពីមុន»។
វេជ្ជ បណ្ឌិតជឺរី យូវៃហ្វូ អ្នកប្រឹក្សានិងជានាយកមន្ទីរពេទ្យទីក្រុងបេនីន ក៏ត្រូវបានគេធ្វើការទាក់ទងដើម្បីផ្តល់យោបល់ចំពោះរឿងដែលស្រ្តី ម្នាក់សម្រាលបានកូនរាងដូចសត្វសេះនេះដែរ។
លោកវេជ្ជបណ្ឌិត បានបន្តថា៖«ព្រះជាម្ចាស់មិនបង្កើតឲ្យមានអព្ភូតហេតុបែបនេះទេ ហើយព្រះនឹងមិនផ្តល់នូវកំណើតទារកឲ្យស្រ្តីម្នាក់នេះជាកូនសេះ បែបនេះបានដែរ»៕ PR
