ភ្នំពេញ : ខណៈដែលសេវាស្ប៉ាបានបើកព្រោងព្រាតក្នុងរាជធានីភ្នំពេញ ការជ្រើសរើសកន្លែងផ្ដល់សេវាគុណភាពខ្ពស់ គឺសំខាន់ណាស់ដើម្បីថែសុខភាពស្បែកក៏ដូចជាជួយរំសាយអារម្មណ៍តានតឹងពីការងារប្រចាំថ្ងៃផងដែរ។
ខណៈដែលក្លិនស្លឹកគ្រៃភាយចេញពីបន្ទប់ស្ប៉ានៃសណ្ឋាគារប៊ូទិក និងស្ប៉ាឡារ៉ូស (La Rose) នារីពីរនាក់បានរំលេចស្នាមញញឹមរាក់ទាក់ដោយមានទឹកតែត្រជាក់ម្ជូរព្រឹករសជាតិស្រដៀងទឹកទំពាំងបាយជូរ បម្រើភ្ញៀវផងដែរ។
បន្ទាប់ពីខ្ញុំនិងមិត្តភក្តិក្រេបទឹកតែនោះហើយនារីស្រស់ស្អាតទាំងពីរបានសាកសួរពីប្រភេទនៃសេវាស្ប៉ាដែលពួកយើងជ្រើសរើស។ បន្ទាប់មកទើបពួកគាត់ផ្ដើមស្វែងយល់ពីស្ថានភាពរបស់ភ្ញៀវថាតើធ្លាប់ឈឺផ្នែកណាខ្លះនៃរាងកាយ ឬក៏ធ្លាប់ឆ្លងការវះកាត់ដែរឬទេមុនចាប់ផ្ដើមផ្ដល់សេវាស្ប៉ានោះ។
នៅឡារ៉ូស ស្ប៉ាមានការម៉ាស្សាពិសេសដោយប្រើប្រេងធម្មជាតិដ៏ល្បីឈ្មោះម៉ាក Ytsara។ ប្រេងនេះមាន៤ប្រភេទ គឺទី១ប្រេងEnergizingសម្រាប់ផ្ដល់នូវថាមពលដល់រាងកាយដ៏នឿយហត់របស់ភ្ញៀវ ទី២ប្រេង Relexing ផ្សំពីស្លឹកគ្រៃដើម្បីជួយរំសាយអារម្មណ៍តានតឹង និងជួយឲ្យសម្រាកបានស្កប់ស្កល់ទី៣គឺប្រេងBody Eassel សម្រាប់បន្ធូរការឈឺតាមសន្លាក់ និងទី៤ប្រេង Detoxជួយបណ្ដេញជាតិពុលពីក្នុងរាងកាយរបស់យើង។ បន្ថែមពីលើការម៉ាស្សាទាំង៤ប្រភេទ ក៏មានសេវាស្ប៉ាឲ្យស្បែកស្អាតសភ្លឺរលោងផងដែរ។
បន្ទាប់ពីនារីម៉ាស្សាលាងសម្អាត និងខាត់ជើងខ្ញុំរួច ខ្ញុំត្រូវបាននាំទៅកាន់បន្ទប់ម៉ាស្សាដែលមានគ្រែពីរលម្អដោយស្រទាប់កុលាប និងផ្កាចំប៉ី ក្រោមពន្លឺភ្លើងភ្លឺស្រទន់ដែលធ្វើឲ្យអារម្មណ៍ស្រស់ស្រាយតែម្តង មុននឹងផ្ដល់សេវា Treatment Body Mask ដែលធ្វើឲ្យស្បែកភ្លឺរលោងនិងជួយបង្កើតកោសិកាថ្មី។
មុននឹងចាប់ផ្តើមធ្វើ BodyMask ខ្ញុំត្រូវលាងសម្អាតខ្លួនឲ្យស្អាតសិនមុននឹងអ្នកជំនាញម៉ាស្សាផ្ដើមខាត់ស្បែករបស់ខ្ញុំ្ញ។គ្រាន់តែផលិតផលនោះប៉ះលើរាងកាយភ្លាម ខ្ញុំទទួលនូវភាពត្រជាក់ហើយអ្នកជំនាញក៏ផ្ដើមប្រើដៃទាំងពីរខាត់ស្បែកខ្នងរបស់ខ្ញុំចុះឡើងៗប្រមាណជាកន្លះម៉ោង ដើម្បីឲ្យគ្រាប់តូចល្អិតជួយកម្ចាត់ក្អែលនិងស្លាកស្នាមដែលមាននៅពីលើខ្នងខ្ញុំ។
បន្ទាប់មកគាត់យកកន្សែងមកជូតស្បែកខ្ញុំថ្មមៗរួចប្ដូរយកផលិតផលម៉ាកដដែលជាប្រភេទតែបៃតងGreen Tea យកមកអប់ស្បែកខ្នងឲ្យទន់បន្ថែមទៀត។អ្នកជំនាញបានប្រើក្រដាសម្យ៉ាងសម្រាប់រុំនៅពេលអប់ស្បែកលើខ្លួនរបស់ខ្ញុំ។ អារម្មណ៍ត្រជាក់និងក្លិនឈ្ងុយប្រហើរនៃតែបៃតងពិតជាបានផ្ដល់នូវភាពស្រស់ស្រាយធូរស្បើយពីការនឿយហត់ពេញមួយថ្ងៃ។
ក្រោយ២០នាទី អ្នកជំនាញបានបកក្រដាសបែបធម្មជាតិនោះចេញពីខ្នងខ្ញុំរួចលាងសម្អាតខ្លួនឲ្យស្អាតទើបលាបឡេបន្ទន់ស្បែកអប់ទុកប្រមាណ១០នាទីដើម្បីផ្ដល់សំណើមបង្កើនភាពភ្លឺរលោងថែមមួយកម្រិតទៀត។បន្ទាប់ពីនោះខ្ញុំបានលាងជម្រះកាយក្នុងអាងទឹកក្តៅឧណ្ហៗ ដែលក្លិនផ្កាកុលាបនិងចំប៉ីរាយប៉ាយត្របកពេញផ្ទៃទឹក។
បញ្ចប់ការធ្វើBody Mask មួយម៉ោងក្រោយមកខ្ញុំមានអារម្មណ៍ធូរស្រាល ហើយស្បែករបស់ខ្ញុំហាក់ភ្លឺរលោងទន់ជាងមុន។
សេវាBody Mask មានតម្លៃ៣៥ដុល្លារក្នុង១ម៉ោងចំណែកឯការម៉ាស្សាប្រេងវិញគឺមាន២៩ដុល្លារក្នុង១ម៉ោង។
ឡារ៉ូស ស្ប៉ាស្ថិតនៅអគារ១៦៤B មហាវិថីព្រះនរោត្តមនិងមានទូរស័ព្ទលេខ០៦៨ ៧៧ ៧៧ ៧៧៕
