.jpg)
បុរសជាច្រើនអាចមើលស្រាលចំណង់ផ្លូវភេទរបស់ស្ត្រី ដោយសារកត្តាសង្គម និងឥទ្ធិពលពីវប្បធម៌រស់នៅ។
ការសិក្សាមួយបានលាតត្រដាងថា ខណៈស្វាមីអាចត្អូញត្អែរ ដែលត្រូវទទួលស្ដាប់ពាក្យដោះសារបស់ភរិយាថា «មិនអាចយប់នេះទេ បងសម្លាញ់» តាមពិត ភរិយាអាចចង់រួមភេទច្រើនលើសពីខាងប្ដីគិតទៅទៀត។
បុរសមានចំណងស្នេហាយូរអង្វែង រមែងប៉ាន់ស្មានខុសចំពោះអារម្មណ៍របស់ភរិយា និងមិត្ដស្រីរបស់ខ្លួន។
តាមពិតសិចចំពោះស្ដ្រីភេទ សុទ្ធតែមានលក្ខណៈខុសប្លែកពីគ្នា។ មនុស្សស្រីម្នាក់ៗសុទ្ធតែមានចំណង់ផ្លូវភេទ និងចង់ចែករំលែកភាពផ្អែមល្ហែមជាមួយដៃគូ។ប៉ុន្ដែតើមានប៉ុន្មានទៅ?
វេបសាយ Adored.co.uk បានចែករំលែកនូវការពិតដ៏គួរឲ្យចាប់អារម្មណ៍មួយចំនួនអំពីចំណង់ផ្លូវភេទស្ដ្រី ដែលអាចធ្វើឲ្យអ្នកគិតឡើងវិញ។ ខាងក្រោមនេះ ជាការពិត ១០ យ៉ាង ដែលក្រុមបុរសអាចមិនដឹងអំពីចំណង់ផ្លូវភេទស្ដ្រី។
១. ស្ដ្រីទូទៅគិតពីសិចជាមធ្យម ១០ ដងក្នុងមួយថ្ងៃ។
២. ស្ដ្រី ៦៦ ភាគរយ ថា ពួកគេចង់រួមភេទជាមួយដៃគូក្រោយញ៉ាំអាហារនៅផ្ទះរួច។
៣. ចំពោះស្ដ្រី លំហាត់ប្រាណជំរុញចំណង់ផ្លូវភេទដោយបង្កើនលំហូរឈាមទៅកាន់ប្រដាប់ភេទ និងធ្វើឲ្យស្ដ្រី ស្រើបស្រាល។ អារម្មណ៍បែបនេះ បានពុះកញ្ជ្រោលខ្លាំងបំផុតរយៈពេល ១៥ នាទីក្រោយហាត់ប្រាណ ហើយភាពស្រើបស្រាលនឹងធ្លាក់ចុះវិញភ្លាមៗផងដែរ។
៤. ស្ដ្រីមើលឃើញដៃគូកាន់តែមានភាពទាក់ទាញពេលក្រេបគ្រឿងស្រវឹងចូលខ្លះ តែចំពោះបុរសវិញ ការក្រេបគ្រឿងស្រវឹងមានឥទ្ធិពលកើនចំណង់ផ្លូវភេទយូរជាងនេះ។
ស្ត្រីតែ ២៦ ភាគរយដល់ចំណុចកំពូលធៀបនឹងបុរស ៧៥ ភាគរយ។
៥. ជាទូទៅ ស្ដ្រីដែលចូលចិត្ដទទួលទានគ្រឿងស្រវឹង មានចំណង់ផ្លូវភេទខ្ពស់។
៦. ស្ដ្រីតែ ២៦ ភាគរយ ដែលកំពុងមានទំនាក់ទំនងស្នេហា បានឈានដល់ចំណុចកំពូលពេលរួមភេទ បើធៀបនឹងបុរស ៧៥ ភាគរយ។
៧. ចំណង់ផ្លូវភេទស្ដ្រី រងឥទ្ធិពលច្រើនពីកត្ដាសង្គម និងវប្បធម៌ ដូចជា អ្វីដែលមិត្ដភក្ដិគិតអំពីទម្លាប់សិចមួយចំនួន។
៨. ស្ដ្រីជាភេទដែលទំនងជាឧស្សាហ៍ប្រែប្រួលអារម្មណ៍អំពីការអនុវត្ដសកម្មភាពសិច ដោយម្ដងចង់អ៊ីចេះ ម្ដងចង់អ៊ីចុះ មិនទៀងទាត់។
៩. ការប៉ាន់ប្រមាណ ស្ដ្រី ៤០ ភាគរយ សម្រេចកាមដោយខ្លួនឯង (តែមិនញឹកញាប់ដូចបុរសៗទេ)។
១០. មានភ័ស្ដុតាងបង្ហាញថា អ្នកដែលចូលចិត្ដគិត និងរួមភេទ រមែងចាប់អារម្មណ៍លេងរូបភាពសញ្ញា (អេម៉ូជី) ច្រើនពេលសរសេរសារ។ ការស្ទង់មតិ A match.com បានរកឃើញថា មនុស្សខ្លះពី ៣៦ ទៅ ៤០ ភាគរយ ដែលគិតអំពីសិចច្រើនដងក្នុង ១ ថ្ងៃ បានប្រើរូបញ្ញា អេម៉ូជី លើសពីម្ដងរៀងរាល់សារនីមួយ៕HR
