ក្រុងប៉េកាំង: ប្ដីប្រពន្ធដែលប៉ងចង់បានកូនអាចទទួលប្រយោជន៍ពីការរួមភេទ ២ ដងក្នុង ១ រាត្រី ដោយមិនផ្ដោតលើមូលហេតុជាសំខាន់។
ក្រុមអ្នកវិទ្យាសាស្ដ្របានរកឃើញថា មេជីវិតប្រមូលផ្ដុំគ្នារយៈពេល ៣ ម៉ោងក្រោយបុរសបាញ់ទឹកកាម ធ្វើដំណើរឆ្លងកាត់ដៃស្បូនយ៉ាងលឿនបំផុត និងទំនងជាអាចបង្កកំណើតបានឆាប់។
ពួកគេបានរកឃើញថា មេជីវិតត្រូវបានផលិតឡើងដោយមិនលើសរយៈពេល ១៨០ នាទី ក្រោយពីបុរសសម្រេចកាម អាចជួយជំរុញការបង្កកំណើតកូនក្រៅស្បូន (IVF) នូវអត្រា ១ ភាគ។
លទ្ធផលរកឃើញរបស់ចិនមានលក្ខណៈខុសប្លែកពីជំនឿដែលថា បុរសម្នាក់ត្រូវចំណាយពេលពី ២៤ ទៅ ៣៦ ម៉ោងដើម្បីបង្កើតមេជីវិតថ្មីៗក្រោយពីបាញ់ទឹកកាមម្ដង។
លទ្ធភាពគ្មានកូនបានកើតឡើងលើស្ដ្រីប្រមាណ ១១ ភាគរយ និងបុរស ៩ ភាគរយក្នុងវ័យផលិតកូននៅសហរដ្ឋអាមេរិក ហើយនៅអង់គ្លេសប្ដីប្រពន្ធ ១ គូក្នុងចំណោម ៧ គូជួបនឹងបញ្ហាពិបាកមានកូន។
គំរូទឹកកាមដែលយកពីបុរស ២៥០ នាក់ និងក្រោយការបាញ់បញ្ចេញទឹកកាមរយៈពេលប៉ុន្មានម៉ោងក្រោយ។
ក្រុមអ្នកស្រាវជ្រាវ ដែលដឹកនាំដោយវេជ្ជបណ្ឌិត ដា លី នៅមន្ទីរពេទ្យសេនជិង បានរកឃើញថា មេជីវិត ដែលត្រូវបានផលិតឡើងមិនយូរប៉ុន្មានក្រោយពីបុរសបាញ់បញ្ចេញទឹកកាមមានប្រូតេអ៊ីនល្អៗច្រើន និងធ្វើចលនាលឿនបំផុត។ មេជីវិតថ្មីៗមានកម្រិតប្រូតេអ៊ីនខ្ពស់ និងសក្ដានុពលក្នុងការចាប់តោងស៊ុតញី។
វេជ្ជបណ្ឌិត លី បាននិយាយថា៖ «រយៈពេលជាច្រើនឆ្នាំ បុរសតែងតែត្រូវបានណែនាំឲ្យកំហិតសកម្មភាពសិចដើម្បីបង្កើនលទ្ធភាពមានកូន។ យ៉ាងណាមិញ ការសិក្សានេះបង្ហាញពីវេលាត្រូវផ្លាស់ប្ដូរទស្សនៈនេះហើយ»៕HR