.jpg)
វេជ្ជបណ្ឌិតជំនាញបានទទូច និងលើកទឹកចិត្តបុរសៗចូរកុំគិតថាបញ្ហាទំហំជារឿងសំខាន់។ រូបថត សហការី
ក្រុងញូវយ៉ក: នៅវេបសាយ Reddit ដ៏សម្បូរអ្នកប្រើប្រាស់ជាបុរស ជាពិសេសយុវជន អ្នកមិន សូវពេញចិត្ដនឹងកេរ្តិ៍ខ្មាស់ខ្លួនឯងតែងតែជជែកពីទិចនិកម៉ាស្សាលិង្គ ដែលហៅថា «Jelging»។
ទំនង ជាទិចនិកតាំងពីបរមបុរាណទាក់ទងការច្បូតតួលិង្គចុះឡើងៗពេលងើបរឹងបានបន្ដិចច្រើនលើកច្រើនសាក្នុងបំណងពង្រីកទំហំរបស់វា។
យោងតាមទ្រឹស្ដីវេជ្ជសាស្ត្រ រាល់ការចាប់ច្បូត ១ លើកៗរមែងធ្វើឲ្យរហែកកោសិកាលិង្គ រហូតដល់ឡើងប៉ោងហើម ដែលមើលទៅវាហាក់ដូចជាពង្រីកខ្លួនធំជាងមុន។
វេជ្ជបណ្ឌិត ចាមីន ប្រាមបាត ជាអ្នកឯកទេសតម្រងនោមនៅអង្គការសហគមន៍សុខាភិបាលរដ្ឋអូលែនដូបានប្រាប់ DailyMail.com ថា៖ «ចលនាដដែលៗដ៏ឈឺចាប់ទាំងនេះអាចបង្កជាស្លាកស្នាម និងឈានដល់ជំងឺ Peyronie''s Disease ជាស្នឹមកំបោរដែលអាចប្រែជាបញ្ហាសមត្ថភាពផ្លូវភេទ និងឈឺចាប់ផងដែរ»។
ការម៉ាស្សាពង្រីកតាមបែបធម្មជាតិ គ្មានប្រសិទ្ធភាពទេ។ រូបថត សហការី
ជាទូទៅស្លាកស្នាមអាចផ្ដុំគ្នាធ្វើឲ្យលិង្គកោងដែលពិបាកនឹងងើបរឹង និងការធ្វើចលនាស៊កចេញចូល រហូតដល់ពេលខ្លះមិនអាចស៊កក្នុងទ្វារមាសទៀតផង។ លោកបាននិយាយថា៖ «វាពិតជាអត់ប្រយោជន៍មែនទែន»។
វេជ្ជបណ្ឌិត ប្រេម៉ាល់ ផាតែល ជាអ្នកឯកទេសតម្រង់នោមមកពីសាកលវិទ្យាល័យម៉ៃអាមី ក៏បានឯកភាពលើបញ្ហានេះដែរ។ លោកបាននិយាយថា៖ «វាមិនមានប្រសិទ្ធភាពអ្វីទាំងអស់ ហើយវាមិនមានសុវត្ថិភាពនោះទេ។ លិង្គកោងអាចបង្កជារបួសស្នាមលើតួលិង្គ។ វាពិតជាគ្រោះថ្នាក់មួយ និងគ្មានប្រយោជន៍អ្វីទាំងអស់»។
លោកបន្ដថា៖ «ទំហំរបស់លិង្គតែងតែមានទំនាក់ទំនងច្រើនលើភាពជាបុរស និងភាពទាក់ទាញរបស់ពួកគេ តែវាមិនពិតឡើយ។ ទាំងស្ដ្រី និងបុរសហាក់ផ្ដល់តម្លៃខ្លាំងនៅលើលិង្គជាងទំហំរបស់វា»។
លោកវេជ្ជបណ្ឌិតបានអះអាងថា៖ «ចំពោះបុរសភាគច្រើន គួរតែចងចាំថា អ្នកពិតជាមិនមានបញ្ហាអ្វីឡើយ ជុំវិញបញ្ហាទំហំលិង្គនោះ។ ចូរនៅតាមសភាពរបស់អ្នកចុះ»។
លោកបន្ដថាចូរហាត់ប្រាណ និងទទួលទានរបបអាហារត្រឹមត្រូវ។ តែចូរកុំគិតចង់ធ្វើអ្វីដែលខុសប្លែកពីធម្មជាតិរបស់មនុស្សប្រុស។
លោកវេជ្ជបណ្ឌិត ផាតែល បាននិយាយថា៖ «ក្នុងករណីប្រើប្រាស់មធ្យោបាយពង្រីកលិង្គតាមធម្មជាតិ ដោយប្រើដៃច្បូតខ្លាំងៗបែបនេះ វាគ្មានប្រសិទ្ធភាពឡើយ»៕ HR
