ភ្នំពេញ: លោក ចាន់ វិសាលប្រធានផ្នែកគ្រប់គ្រងទូទៅក្រុមហ៊ុន M.I.J. Trading Co.,Ltd ដែលនំាចូលនូវផលិតផលថែរក្សាស្បែកមកពីជប៉ុនម៉ាក DHC បានប្រាប់ពីរបៀបប្រើប្រាស់ផលិតផលថែរក្សាស្បែកមុខ និងពីមូលហេតុកើតមុន។
យោងតាមអ្នកជំនាញរូបនេះ រាល់ការជ្រើសរើសគ្រឿងសម្អាងមកថែរក្សាមុខ អ្នកប្រើប្រាស់ត្រូវដឹងពីបញ្ហាផ្ទៃមុខរបស់ខ្លួនឲ្យច្បាស់លាស់។
លោកបានលើកឧទាហរណ៍ថា៖ «អ្នកមានស្បែកមុខជ្រួញបន្ទាប់មកគាត់ជ្រើសរើសផលិតផលយកមកប្រើ គឺឈុតព្យាបាលមុនទៅវិញ អ៊ីចឹងហើយសួរថា ការដែលគាត់ប្រើឈុតព្យាបាលមុនហ្នឹងអាចព្យាបាលបំបាត់ជ្រួញបាន ដែរ ឬអត់?»។
ចំណុចទី២ ទោះបីជាជ្រើសរើសផលិតផលត្រូវហើយ ប៉ុន្តែការយកមកប្រើខុសទៀតនោះក៏ខាតបង់ប្រាក់កាសឥតប្រយោជន៍ដដែល។ ដូចជាទឹកឡូសិនដែលត្រូវប្រើក្រោយពេលលុបមុខ តែជាទូទៅមនុស្សមួយចំនួនបែរជាយកមកប្រើមុនពេលលុបមុខទៅវិញ។ ដូច្នេះការប្រើខុសបែបនេះវាអត់មានប្រយោជន៍ដដែល។ រាល់ការប្រើប្រាស់គឺត្រូវតែមើលរបៀបប្រើភ្ជាប់មកជាមួយឲ្យបាន ច្បាស់លាស់។
អ្នកជំនាញផ្នែកសម្ផស្សនេះបានលើកឡើងថា ចំណុចទំាងពីរនេះគឺវាមានសារៈសំខាន់បំផុតសម្រាប់អ្នក ប្រើប្រាស់គ្រឿងសម្អាងទាំងឡាយ។
លោក ចាន់ វិសាល ប្រធានគ្រប់គ្រងទូទៅក្រុមហ៊ុនគ្រឿងសម្អាង DHC ស្ថិតនៅវិថីកម្ពុជាក្រោម បានផ្ដល់គន្លឹះងាយៗចំនួន៣យ៉ាង។
លោកបានថ្លែងថា៖ «សម្រាប់ការថែសម្ផស្ស ទោះជាប្រើផលិតផលអ្វីក៏ដោយគឺត្រូវប្រកាន់ខ្ជាប់នូវជំហានសំខាន់បី។ ទី១គឺលុបលាងទី២ផ្តល់សំណើម និងទី៣ ការពារ។ដាច់ខាតត្រូវតែមាន៣ជំហានហ្នឹង»។
ចំពោះការលុបលាងវិញ គឺមាន២ប្រភេទ គឺការលាងគ្រឿងសម្អាងចេញនិងការលាងធូលីឲ្យជ្រះ។ បើលាងមិនជ្រះទេគឺវានឹងបន្សល់ខ្លាញ់ធូលីកម្ទេចម្សៅនៅពេញមុខ។ ក្នុងករណីដែលផ្ទៃមុខមិនបានសម្អាតទេ នៅពេលដែលយើងឈានទៅជំហានទី២គឺការប្រើឡូសិនផ្តល់សំណើមនោះ វានឹងគ្មានប្រយោជនឡើយដោយសារឡូសិននេះមិនបានជ្រាបចូលស្បែក យើងបានត្រឹមត្រូវ។
លោកបានសង្កត់ធ្ងន់ថា៖ «អ៊ីចឹងហើយបានជាយើងត្រូវតែលុបលាងមុខឲ្យស្អាតជាមុនសិនទើប ឈានចូលការប្រើឡូសិន និងក្រែមការពារឲ្យមានសំណើម ការពារមេរោគ និងជាពិសេសគឺការពារកំដៅថ្ងៃ»។
ទាក់ទិននឹងផ្ទៃមុខ លោកបន្ថែមទៀតថា ការកើតមុនគឺជាបញ្ហាចម្បងដែលកើតឡើងទៅលើមនុស្ស២ប្រភេទគឺ យុវវ័យ និងមនុស្សចាស់បណ្តាលមកពីខ្លាញ់ស្បែកមុខស្ងួតស្ត្រេស ការហូបចុក កង្វះដំណេក និងការកើតមុន មុនពេលមករដូវ។
ខ្លាញ់ចេញ មកលើស្បែកហួសកំណត់លាយឡំនឹងធូលីជាប់ស្បែកងាយស្រួលធ្វើឲ្យស្ទះរន្ធរោមបណ្តាលឲ្យខ្លាញ់មុខមិនអាចចេញមកខាងក្រៅបាន។ មេរោគមុនដែលមាននៅក្នុងរន្ធរោមហើយចូលចិត្តខ្លាញ់មុខជាចំណី ក៏កើនឡើងជាបន្តបន្ទាប់ជាមូលហេតុធ្វើឲ្យមុខកើតមុន។
ចំពោះស្បែកស្ងួតគ្រើមបណ្តាលមកពីកោសិកាចាស់ស្លាប់គរលើគ្នានៅស្រទាប់ស្បែកខាងលើក៏ជាមូលហេតុកើតមុនដែរ។ ស្បែកស្ងួតគ្រើមធ្វើឲ្យអង់ទីករប្រឆាំងនឹងមេរោគចុះខ្សោយរួម ផ្សំនឹងកោសិកាចាស់ងាប់មកបំបិទរន្ធរោម វាបណ្តាលឲ្យមុខកើតមុនយ៉ាងងាយ ហើយមុនប្រភេទនេះច្រើនកើតលើស្បែកមនុស្សចាស់។
ចំពោះបញ្ហាមុននេះគឺខាងហាងDHC មានផលិតផលប្រើប្រាស់ការពារ ការកើតមុន៤ប្រភេទគឺសាប៊ូលាងមុខសម្អាតធូលី កោសិកាចាស់ និងសម្លាប់មេរោគនាំឲ្យកើតមុន ទី២ទឹកថូនើរ (Toner) ជូតមុខ ផ្តល់សំណើមស្បែក និងការពារខ្លាញ់មុខកុំឲ្យចេញច្រើនហួសកំណត់ដោយធ្វើឲ្យស្បែកទន់ មានសុខភាពល្អ ទី៣ទឹកដោះគោលាបមុខ (Milk) រក្សាសំណើមស្បែក ទី៤ថ្នាំព្យាបាលបង្ខំខ្លាញ់មុនឲ្យចេញមកក្រៅកុំឲ្យស្ទះរន្ធរោម និងធ្វើឲ្យមុនក្រៀមបាន៕
