.jpg)
វេជ្ជបណ្ឌិតទទួលស្គាល់ថា អាកាសធាតុក្ដៅពង្រីកទំហំលិង្គតិចតួច។
ក្រុងញូវយ៉ក: ពាក្យពេចន៍ថ្មីល្បីលើអ៊ីនធឺណិតសរសេរថា «លិង្គនៅរដូវក្ដៅ» គឺសំដៅលើ បុរសមួយចំនួនដែលសង្កេតឃើញទំហំលិង្គអំឡុងពេលរដូវក្ដៅហាក់មានការប្រែប្រួលធំបន្តិច។ ពួកគេអះអាងថា ខ្លួនមានវត្ថុស័ក្ដិសិទ្ធិដែលហៅថា «លិង្គរដូវក្ដៅ» ដែលប្រដាប់ភេទរបស់ខ្លួនរីកធំជាងកាលនៅរដូវរងាដ៏រួញរួមតូច។
វេជ្ជបណ្ឌិត ចាមីន ប្រាមបាត ជាបស្សាវវិទ្យានៅមណ្ឌលសុខភាពអូលែនដូ បានឲ្យដឹងថា៖ «ពេលអាកាសធាតុខាងក្រៅកាន់តែក្ដៅ អ្នកអាចត្រូវការទឹកច្រើន ដែលបញ្ចេញទាំងញើស និងទំនងជាធ្វើឲ្យរាងកាយ ឬរីកធំឡើង។ ទាំងនេះហើយ ដែលធ្វើឲ្យអ្នកយល់ឃើញថា គ្រប់សព៌ាង្គកាយមានសភាពធំជាងមុន»។
បស្សាវវិទូផ្សេងទៀត វេជ្ជបណ្ឌិត ឌុបលី ដាណូហ្វ បាននិយាយថា ការរីកធំនេះទំនងជាបង្កឡើងដោយការរីកប៉ោងសរសៃឈាម។
លោកពន្យល់ថា៖ «បរិស្ថានកាន់តែក្ដៅ សរសៃឈាមកាន់តែឡើងប៉ោង និងអាកាសធាតុក្ដៅអនុញ្ញាតឲ្យសរសៃឈាមបង្កើនលំហូរឈាមរត់។ ដូច្នេះ បើយើងចាត់ទុកលិង្គជាសាច់ក្រកមានឈាម និងបំពង់មួយដើរតួជាតម្រង់នោម អ៊ីចឹងស្រោមសាច់ក្រកនឹងពង្រីកខ្លួនអាស្រ័យលើសរសៃឈាម។ លំហូរឈាមកើនឡើងនឹងបង្កើន និងដំឡើងអានុភាពឲ្យរឹង ហើយតួលិង្គក៏ធំជាងមុនដែរ។ ប៉ុន្ដែខ្ញុំមិនគិតថា វាធំលើសធម្មជាតិនោះទេ»។
Health.com ជជែកជាមួយអ្នកជំនាញទី ៣ វេជ្ជបណ្ឌិត ចេស មីលស៍ នាយកគ្លីនិកបុរសនៅ UCLA ដែលបានឯកភាពថា លិង្គបុរសអាចរីកធំជាងរាល់ដងនៅរដូវក្ដៅ។
ប៉ុន្ដែ វេជ្ជបណ្ឌិត មីលស៍ បន្ដថា វាមិនសុទ្ធតែធំរៀងរាល់រដូវក្ដៅនោះទេ ដោយលោកបានបញ្ជាក់ថា៖ «បើឲ្យប្រុសៗចុះត្រាំក្នុងអាងទឹកត្រជាក់ លិង្គរបស់ពួកគេនឹងរួញខ្ញុលដូចរដូវរងាដដែល»៕HR
