ក្រុងញូវយ៉ក: ក្រដាសសើម មានប្រសិទ្ធភាពសម្អាតស្នាមក្រែម និងស្នាមខ្មៅដៃគូរចិញ្ចើម តែក្រុមអ្នកជំនាញបានព្រមានថា អ្នកគួរគិតឡើងវិញមុនពេលប្រើក្រដាសនេះជំនួសឲ្យការលាងសម្អាតមុខដោយទឹក។
ថ្វីដ្បិតតែក្រដាសសើមនេះងាយ ស្រួលប្រើ និងរហ័សទាន់ចិត្ដយ៉ាងណាក៏ដោយ ក៏វានៅបន្សល់ស្រទាប់ស្នាមគ្រឿងតុបតែងមុខ និងបាក់តេរី ដែលមកផ្ដុំគ្នាពេញមួយថ្ងៃ។
ក្រដាសសើម អាចបង្កជាបញ្ហារោលរមាស់ ប្រេះ និងឆាប់ចាស់ជាងវ័យ។ ចូនណា វ៉ាហ្គាស សោភ័ណវិទូ បាននិយាយថា ការប្រើក្រដាសសើមសម្អាតគ្រឿងសម្អាងលើផ្ទៃមុខអាចជាដំណោះស្រាយទាន់ចិត្ដ។
វ៉ាហ្គាស ដែលមានហាងស្ប៉ានៅក្រុងញូវយ៉ក និងឡូសអេនជឺលេស បានបន្ដថា៖ «ខ្ញុំមិនគាំទ្រក្រដាសសើមនេះប៉ុន្មានទេ ពីព្រោះវាមិនសុទ្ធតែអាចសម្អាតផ្ទៃមុខស្អាតល្អនោះទេ ហើយសំខាន់ វាសម្បូរសំណល់ថែមទៀត។
មិនខុសពីផលិតផលសម្អាតផ្ទៃមុខដទៃ ក្រដាសសើម កម្ចាត់ខ្លាញ់ និងស្បែកងាប់។ តែយ៉ាងណា សោភណវិទូ ដានូតា មែឡុច ស្ថាបនិក Rescue Spa បាននិយាយថា បើមិនបន្ថែមសំណើមទឹក ក្រដាសជូតបីដូចវាសដីជុំវិញបរិវេណផ្ទៃមុខយ៉ាងដូច្នោះ។
មែឡុច ដែលប្រើក្រដាសសើមជាជម្រើសចុងក្រោយពេលអ្នកស្រីធ្វើដំណើរ បានបន្ថែមថា៖ «វាធ្វើឲ្យអ្នកមានអារម្មណ៍ដូចជា អ្នកជ្រើសរើសវិធីដ៏ត្រឹមត្រូវហើយ តែតាមពិត វាបង្កផលប៉ះពាល់ដល់ស្បែកទៅវិញ»។
អ្នកស្រីថា ការសម្អាតដ៏ត្រឹមត្រូវគឺលើសពីក្រដាសសើម ដោយមានការលុបមុខបន្ថែមទៀត៕HR