ក្រុងឡុងដ៍: ពោតលីងក្នុងរោងភាពយន្ដពិតជាអាហារគ្មានសុខភាព ហើយអ្នកគួរតែគិតម្ដងទៀតមុនពេលកុម្ម៉ង់ទិញ។ ពលរដ្ឋអង់គ្លេសនិយមអាហារសម្រន់នេះទទួលទានពោតលីងស្ទើរតែ ៥០ ភាគរយច្រើនជាងលទ្ធភាពរាងកាយទទួលពេលអង្គុយមើលកុន។ ចំពោះពោតលីង វាមានជាតិស្ករលើសពីគោលការណ៍ណែនាំយ៉ាងតិច ១៥០ ភាគរយពេលទទួលទានក្នុងរោងកុនម្ដងៗ។
ក្រុមអ្នកវិទ្យាសាស្ដ្រមកពី Leeds University បានប្រៀបធៀបបរិមាណគោលការណ៍ណែនាំក្រិតលើកញ្ចប់អាហារសម្រន់ជាមួយអ្វីដែលអ្នកទិញទទួលទានពិតប្រាកដ។ លទ្ធផលបានបង្ហាញថា អ្នកទទួលទានភាគច្រើនអត់ខ្វល់ពីគោលការណ៍ណែនាំ ដែលនាំឲ្យមានការសិក្សាថា តើពោតលីងកញ្ចប់តូចអាចជួយទប់ស្កាត់ជំងឺធាត់លើសទម្ងន់ឬទេ?។
ពោតលីង ១ កញ្ចប់តូច អត់ដាក់ប៊័រពីរោងភាពយន្ដ AMC មានកាឡូរី ២២៥ និងខ្លាញ់ ១១ ក្រាម។ បើកុម្ម៉ង់ទំហំមធ្យមអ្នកនឹងបង្កើនកាឡូរីដល់ ៤៣០ និងខ្លាញ់ ២០ ក្រាម។
ការសិក្សារបស់ WebMD ថ្មីមួយរកឃើញថាពោតលីងរោងកុន Regal មានស្ករខ្ពស់បំផុតដោយកញ្ចប់មធ្យមជាមួយកាឡូរី ៧២០ និងកញ្ចប់ធំមានកាឡូរី ៩៦០ ឯនោះ។
ប្រសិនបើអ្នកសម្រេចចិត្ដកុម្ម៉ង់ពោតលីងលាយប៊័រ ១ កញ្ចប់ធុនកណ្ដាល និងសូដាមានស្ករ ១ កំប៉ុងទៀត វាមានកាឡូរីរហូតដល់ ១៦១០ ស្មើនឹងស៊ុតក្រឡុក ៤ គ្រាប់ជាមួយឈីស សាច់ជ្រូក ៣ ជាន់ ៤ បន្ទះ និងសាច់ក្រក ៤ ដុំ។ នេះបើយោងតាមការសិក្សារបស់ WebMD៕ HR