.jpg)
ម៉ោងចូលគេងទៀងទាត់ គឺជាការសំខាន់បន្ថែមលើរយៈពេលគេង។
ក្រុងញូវយ៉ក: ចំពោះមនុស្សពេញវ័យភាគច្រើននាពេលបច្ចុប្បន្ននេះ គោលដៅដំណេកគ្រប់ ៧ ម៉ោងក្នុងមួយរាត្រីប្រាកដជាសមល្មម។ ប៉ុន្ដែក្រុមអ្នកវិទ្យាសាស្ដ្រនៅសាកលវិទ្យាល័យ Duke University បានបន្ថែមមួយចំណុចទៅនឹងសកម្មភាពស្ទួយសុខភាពរបស់អ្នក ដោយដាក់កំហិតម៉ោងដំណេក។
មនុស្សភាគច្រើនគិតថា ម៉ោងដំណេកយកមកអនុវត្ដតែកុមារប៉ុណ្ណោះ ហើយពេលឈានដល់វ័យចូលរៀនសាកលវិទ្យាល័យវាលែងចាំបាច់ទៀតហើយ។
យ៉ាងណាមិញ ការស្រាវជ្រាវថ្មី ដែលចុះផ្សាយនាពេលថ្មីៗនេះក្នុងព្រឹត្ដិបត្ររបាយការណ៍វិទ្យាសាស្ដ្រ បានបង្ហាញថាមនុស្សពេញវ័យដែលមិនខ្វល់ពីម៉ោងដំណេកទៀងទាត់ ហាក់ចាប់ឱកាសឡើងទម្ងន់ខ្លាំងជាងសុខភាពមិនសូវជាងកម្រិតជាតិស្ករខ្ពស់ជាង និងសម្ពាធឈាមខ្ពស់ជាង។
វេជ្ជបណ្ឌិតចេសស៊ីកា លុនហ្វដអាវើរី ជំនួយការសាស្ដ្រាចារ្យផ្នែកចិត្ដវិទ្យា និងវិទ្យាសាស្ដ្រអត្ដចរិត បានផ្ដល់ឲ្យអ្នកចូលរួមអាយុពី ៥៤ ទៅ ៩៣ ឆ្នាំ នូវឧបករណ៍ដែលតាមដានកាលវិភាគដំណេកដ៏ជាក់លាក់រហូតដល់នាទីនៃម៉ោង។
ពួកគេបានរកឃើញថា អ្នកលើសឈាមទំនងគេងច្រើនម៉ោង ហើយអ្នកធាត់ជ្រុលទំនងជានៅដល់យប់ៗជ្រៅមុនពេលគេង។ ប៉ុន្ដែសំខាន់ ពួកគេបានរកឃើញថា ដំណេកទៀងទាត់របស់បុគ្គលណាម្នាក់គឺជាវិធីវាស់ស្ទង់សុខភាពបេះដូង និងហានិភ័យជំងឺប្រព័ន្ធរំលាយអាហារដ៏ល្អបំផុត។
អ្នកគេងមិនទៀងទាត់ក៏ទំនងជាអាចកើតជំងឺធ្លាក់ទឹកចិត្ដ និងស្ដ្រេសជាងអ្នកគេងទៀងទាត់ ដែលបញ្ហាទាំង ២ នេះមានទំនាក់ទំនងទៅនឹងសុខភាពបេះដូងផងដែរ។
ក្រុមការងារអ្នកស្រី គ្រោងធ្វើការសិក្សាបន្ថែមលើរយៈពេលដំណេកយូរ ដើម្បីស្វែងយល់ឲ្យកាន់តែស៊ីជម្រៅ៕HR
