ក្រុងប៉េកាំង: ឱសថទឹកសម្រាប់ចាក់តាមសរសៃនៅប្រទេសចិន ដើម្បីពន្យារការរីករាលដាលនៃមេរោគហ៊ីវ ត្រូវបានអនុម័តឲ្យប្រើជាសាធារណៈដោយរដ្ឋបាលឱសថរដ្ឋ។
ឱសថឈ្មោះ Albuvirtide ជាថ្នាំប្រឆាំងមេរោគហ៊ីវដំបូងដែលត្រូវបានផលិតឡើងនៅក្នុងប្រទេសចិន។ នេះបើយោងតាមរបាយការណ៍របស់ទូរទស្សន៍មជ្ឈឹមចិន។
ឱសថថ្មីនេះតំណាងឲ្យលទ្ធភាពព្យាបាលថ្មីសម្រាប់អ្នកជំងឺផ្ទុកមេរោគអេដស៍ជាច្រើននៅប្រទេសចិន ដែលពឹងអាស្រ័យលើថ្នាំនាំចូល។
ហ្សាវ ជៀនហ៊្សុង ជាមន្ដ្រីមកពីមជ្ឈមណ្ឌលឱសថរបស់រដ្ឋបាលឱសថចិន បាននិយាយថា៖ «អ្នកផ្ទុកមេរោគហ៊ីវ ឬជំងឺអេដស៍ ធ្លាប់ប្រើឱសថជាច្រើនគ្រាប់រៀងរាល់ថ្ងៃ តែឱសថទឹកថ្មីនេះកាន់តែទំនើប ពីព្រោះវាអាចត្រូវបានប្រើប្រចាំសប្ដាហ៍»។
លោក វ៉ាង តាវ ប្រធានមជ្ឈមណ្ឌលឱសថរបស់រដ្ឋបាលឱសថចិន បានបន្ដថា៖ «យើងលើកទឹកចិត្ដឲ្យមជ្ឈមណ្ឌលស្រាវជ្រាវឱសថ និងក្រុមហ៊ុនអភិវឌ្ឍឱសថក្នុងស្រុកទាំងអស់ ហើយយើងក៏កំពុងពន្លឿនការណែនាំឱសថនាំចូលថ្មីៗដើម្បីបំពេញតម្រូវការអ្នកជំងឺអេដស៍ផងដែរ»៕ HR
ប្រភព http://en.people.cn/