.jpg)
សិចគួរតែជាសកម្មភាពដ៏រីករាយ មិនមែនជាអ្វីដែលបង្កភាពស្មុគស្មាញជាជាងសេចក្ដីស្រណុកស្រួលនោះទេ។ ខាងក្រោមនេះជាគន្លឺះ ៦ យ៉ាងសម្រាប់អ្នក ក៏ដូចជាដៃគូអាចបង្កើនគុណភាពជីវិតសិចឱ្យប្រសើរឡើង។
១. កាត់បន្ថយបញ្ហាស្ដ្រេស
ស្ដ្រេសអាចញាំញីដល់ជីវិតសិចដ៏រីករាយរបស់អ្នក និងដៃគូ។ ភាគីណាម្នាក់ដែលជួបបញ្ហាស្ដ្រេសអាចកាត់បន្ថយចំណង់ផ្លូវភេទ។
ជាក់ស្ដែង ការសិក្សាឆ្នាំ ២០១៣ មួយដែលចុះផ្សាយក្នុងព្រឹត្ដិបត្រ of Sexual Medicine បានរកឃើញថា ស្ដ្រីកើតរោគស្ដ្រេសបានកាត់បន្ថយកម្រិតភាពស្រើបស្រាលលើប្រដាប់ភេទ។
បើអ្នកសម្គាល់ឃើញថា ខ្លួនឯង ឬដៃគូកើតរោគស្ដ្រេស ចូរជជែកគ្នាអំពីបញ្ហា និងរិះរកវិធីដោះស្រាយវា។
វិធីដោះស្រាយអាចជាការធ្វើដំណើរ សមាធិ ព្យាបាល ចលនារាងកាយ ដូចជា ការរាំ ឬសកម្មភាពលំហាត់ប្រាណផ្សេងៗ រួមទាំង ការបត់ខោអាវផងដែរ។ ម្យ៉ាងវិញទៀត អ្នកខ្លះអាចប្រើការរួមភេទជាវិធីកម្ចាត់ស្ដ្រេសថែមទៀត។
២. រិះរកចំណុចស្រើបស្រាលនៃចំណង់ផ្លូវភេទ
គ្រីស្ដេន ឡូហ្សាណូ ជាអ្នកឯកទេសព្យាបាលអាការញៀនសិច និងអាពាហ៍ពិពាហ៍គ្រួសារ បានណែនាំឱ្យអនុវត្ដការស្វែងយល់នូវអារម្មណ៍ ការចង់សាកចង់ដឹង និងការរិះរកពីសមត្ថភាព និងចំណង់ផ្លូវភេទដើម្បីអភិវឌ្ឍខ្លួនឱ្យមានភាពស្និទ្ធិស្នាលជាមួយដៃគូ។
ការរុករកសមត្ថភាពផ្លូវភេទអាចមានន័យថាជាការដោះស្រាយពីបញ្ហាអារម្មណ៍មិនចូលចិត្ដរាងកាយ ឬស្វែងរកនូវអ្វីដែលធ្វើឱ្យអ្នកពេញចិត្ដ។
បើមានអារម្មណ៍ថា ស្រួលចិត្ដហើយ ចូរស្វែងយល់ពីបញ្ហារាងកាយខ្លួនឯង និងអារម្មណ៍បែបមេចដែលអ្នកពេញចិត្ដតាមរយៈការធ្វើសម្រេចកាមដោយខ្លួនឯង។
ពេលអ្នកមានអារម្មណ៍កាន់តែចូលចិត្ដចំពោះខ្លួនឯង និងអ្វីដែលអ្នកពេញចិត្ដនឹងខ្លួនឯង វាអាចងាយស្រួលក្នុងការបង្ហាញចំណង់ផ្លូវភេទទៅកាន់ដៃគូ។
៣. ព្យាយាមស្វែងរកអ្វីថ្មីៗ
បើអ្នកបាននិងកំពុងតែរួមរស់ជាមួយដៃគូរយៈពេលយូរ វាកាន់តែងាយសន្និដ្ឋានថា អ្នកបានដឹងអ្វីៗគ្រប់យ៉ាងពីចំណូលចិត្ដសិចរបស់ដៃគូ។ ផ្ទុយទៅវិញ ចូរសាកសួរដៃគូនូវសំណួរមួយចំនួន ដូចជា តើបទពិសោធសិចដ៏រំជើបរំជួលរបស់ដៃគូជាអ្វី? តើពេលណាដៃគូអត់មានអារម្មណ៍ស្រណុកស្រួល? ឬតើសកម្មភាពអ្វីដែលដៃគូចង់ឱ្យធ្វើ?
ចូរព្យាយាមសាកល្បងក្បាច់ថ្មីៗ ការនឹកគិតរវើរវាយ ឬឧបករណ៍សិច ដែលអាចរំញោច និងធ្វើឱ្យជីវិតសិចប្រសើរឡើង។
អ្នកស្រី ស្ដេហ្វានី ហ្គឺរលិច អ្នកសិចវិទូ បានណែនាំឱ្យប្រើប្រាស់វិបសាយ ដែលផ្ដោតលើចំណាប់អារម្មណ៍ផ្លូវភេទជាពិសេស ដូចជា Mojo Upgrade និងធ្វើការប្រៀបធៀបលទ្ធផលជាមួយដៃគូ។
៤. ចាប់ផ្ដើមកម្ដៅសាច់ដុំមុនពេលបើកឆាកប្រយុទ្ធ
ការបបោសអង្អែល អាចមានឥទ្ធិពលលើសពីការស្ទាបលើរាងកាយ ឬសកម្មភាពសិចថែមទៀតផង។ វិថីទៅកាន់សិចដ៏អស្ចារ្យចាប់ផ្ដើមមុនពេលលោកអ្នកឡើងលើគ្រែទៅទៀត។
ការបង្កើតបរិយាកាសសុវត្ថិភាពសម្រាប់ដៃគូ និងការបង្កើតសម្ព័ន្ធភាពជាមួយទឹកចិត្ដប្រោសប្រណី នែបនិត្យ និងគោរពគ្នា បានក្លាយជាចំណុចចាប់ផ្ដើមសម្រាប់ទំនាក់ទំនងស៊ីជម្រៅដ៏មានអត្ថន័យអំឡុងពេលរួមភេទ។
៥. ចេះប្រាស្រ័យទាក់ទងគ្នា
បើលោកអ្នកចង់សាកល្បងអ្វីថ្មីៗ ឬផ្លាស់ប្ដូរជីវិតសិចរបស់ខ្លួន វាតម្រូវឱ្យបើកការជជែក និងសម្ដែងភាពស្មោះត្រង់ដាក់គ្នា។
ពេលជជែកអំពីសិចជាមួយដៃគូ អ្នកជំនាញ ឡូហ្សាណូ បាននិយាយថា ចូរបង្កើតគំនិតចង់ចេះចង់ដឹង ការប្រៀបធៀប និងភាពងាយឈឺចាប់នៅក្នុងចិត្ដជានិច្ច។
ចូរឱ្យប្រាកដថា ដៃគូរបស់អ្នកបានដឹងថា គ្មានការវាយតម្លៃលើរូបរាង ក៏ដូចជាការចែករំលែកបទពិសោធស្រណុកស្រួលជាមួយគ្នាទាំងតម្រូវការសិច និងការកំណត់ព្រំដែន។
៦. ធ្វើការបង្កើនចំណង់ផ្លូវភេទ
ចំណង់ផ្លូវភេទមានលក្ខណៈខុសប្លែកគ្នាទៅតាមបុគ្គលនីមួយៗ ដែលនេះធ្វើឱ្យមានការលំបាកចំពោះគូស្នេហ៍ក្នុងការស្វែងរកតុល្យភាពឱ្យបានត្រឹមត្រូវ។
នោះជាមូលហេតុដែល កាមីល ឡេវីស ជាអ្នកឯកទេសខាងផ្លូវភេទ និងទំនាក់ទំនងស្នេហា បានផ្ដល់ដំបូន្មានឱ្យរៀបផែនការសិច និងផ្ដល់អាទិភាពដល់ទម្លាប់សិច។
នេះអាចមានន័យថា ដៃគូម្នាក់អាចមានចំណង់ផ្លូវភេទច្រើនជាង ឬតិចជាងភាគីម្ខាងទៀត តែត្រូវចេះសម្របសម្រួលនូវតម្រូវការឱ្យគ្នា។
វាពិតជាសំខាន់ដែលត្រូវគិតក្នុងចិត្ដថា ការសម្របសម្រួលគ្នាតែងតែជាកត្ដាចាំបាច់ដើម្បីផ្សារភ្ជាប់ជីវិតផ្លូវភេទ។ បើលោកអ្នកមិនចង់រួមភេទ កុំប្រព្រឹត្ដិ ហើយកុំបង្ខំដៃគូឱ្យរួមភេទ លុះត្រាតែដៃគូនោះមានឆន្ទះចង់ឡើងគ្រែផងដែរ៕
