The Phnom Penh Post Search

Search form




Logo of Phnom Penh Post newspaper Phnom Penh Post - ការ​ស្នើ​សុំ​ព័ត៌មាន​បន្ថែម​ពី​សំណើ​ថវិកា​ជាតិ​ត្រូវ​បដិសេធ




ការ​ស្នើ​សុំ​ព័ត៌មាន​បន្ថែម​ពី​សំណើ​ថវិកា​ជាតិ​ត្រូវ​បដិសេធ

ការ​ស្នើ​សុំ​ព័ត៌មាន​បន្ថែម​ពី​សំណើ​ថវិកា​ជាតិ​ត្រូវ​បដិសេធ

ភ្នំពេញៈ ការ​ស្នើ​សុំ​ព័ត៌មាន​បន្ថែម អំពី​សំណើ​ថវិកា​ជាតិ ៣,៧៥ ពាន់​លាន​ដុល្លារ ត្រូវ​បាន​បដិសេធ ហើយ​សំណើ​ថវិកា​នេះ​ទំនង​នឹង​ឆ្លង​កាត់​សភា​នៅ​សប្តាហ៍​ក្រោយ ដោយ​មិន​មាន​ការ​ផ្លាស់​ប្តូរ។ នេះ​បើ​តាម​លោក សុន ឆ័យ តំណាង​រាស្រ្ត​គណបក្ស​ប្រឆាំង។

គណៈកម្មការ​សេដ្ឋកិច្ច ហិរញ្ញវត្ថុ ធនាគារ និង​សវនកម្ម របស់​រដ្ឋសភា​ដែល​លោក សុន ឆ័យ ជា​អនុ​ប្រធាន បាន​ស្នើ​សុំ​រដ្ឋ​មន្រ្តី​ក្រសួង​សេដ្ឋកិច្ច និង​ហិរញ្ញ​វត្ថុ លោក អូន ព័ន្ធមុនីរ័ត្ន នា​ខែ​នេះ​ឲ្យ​ផ្តល់​នូវ​ព័ត៌មាន​បន្ថែម​អំពី​សំណើ​ថវិកា​ចំណាយ​សម្រាប់ ឆ្នាំ​២០១៥ ជា​ជាង​គ្រាន់​តែ​មាន​បញ្ជី​សាមញ្ញ​តាម​ក្រសួង​នីមួយៗ។ លោក ឆ័យ បន្ត​ថា ប៉ុន្តែ​នៅ​ពេល​លោក ព័ន្ធមុនីរដ្ឋ ឆ្លើយ​សំណួរ​នៅ​មុខ​គណៈកម្មការ​នេះ កាល​ពី​ថ្ងៃ​ចន្ទ មិន​មាន​ព័ត៌មាន​លម្អិត​អ្វី​ត្រូវ​បាន​ផ្តល់​ឲ្យ​ទេ។ លោក​បន្ត​ថា៖ «យើង​មិន​មាន​ឱកាស​សួរ​សំណួរ​គាត់​ច្រើន​ទេ។ យើង​ដឹង​ថា យើង​នឹង​មិន​អាច​ទទួល​បាន​ព័ត៌មាន​លម្អិត​ច្រើន​ជាង​នេះ​បាន​ទេ»។ លោក ឆ័យ បាន​ថ្លែង​កាល​ពី​ថ្ងៃ​ចន្ទ​ថា លោក ព័ន្ធមុនីរ័ត្ន បាន​ពន្យល់​ថា គម្រោង​ថវិកា​មុនៗ ត្រូវ​បាន​រៀបចំ​ឡើង​តាម​វិធីសាស្រ្ត​ថ្នាក់​លើ​ចុះ​មក​ថ្នាក់​ក្រោម ជាជាង​ធ្វើ​ឡើង​ដោយ​ក្រសួង​នីមួយៗ​ដាក់​ជូន​សំណើ​ចំណាយ។ លោក ឆ័យ បន្ត​ថា លោក​រដ្ឋ​មន្រ្តី បាន​ទទួល​ស្គាល់​ថា មាន​បញ្ហា​ជា​ច្រើន​និង​បាន​សន្យា​ថា នឹង​ធ្វើ​ឲ្យ​មាន​កំណែ​ទម្រង់​ទូទៅ។

លោក ងី តាយី រដ្ឋ​លេខាធិការ​ក្រសួង​សេដ្ឋកិច្ច​និង​ហិរញ្ញ​វត្ថុ បាន​បដិសេធ​មិន​ធ្វើ​សេចក្តី​អត្ថាធិប្បាយ។

សង្គម​ស៊ីវិល​ក៏​តែង​តែ​ទទូច​ឲ្យ​រដ្ឋាភិបាល​បង្ហាញ​ពី​តម្លាភាព​ចំពោះ​សេចក្តី​ព្រាង​ច្បាប់​ថវិកា​ជាតិ​ផង​ដែរ៕

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។