The Phnom Penh Post Search

Search form

Logo of Phnom Penh Post newspaper Phnom Penh Post - កម្ពុជា​ចាំ​បាច់​អភិវឌ្ឍ​វិស័យ​អប់រំ​បែប​វិទ្យាសាស្រ្ត




កម្ពុជា​ចាំ​បាច់​អភិវឌ្ឍ​វិស័យ​អប់រំ​បែប​វិទ្យាសាស្រ្ត

ក្រុម​និស្សិត​កំពុង​ចូល​រួម​ពិព័រណ៍ និង​សនិ្នសីទ​វិទ្យាសាស្រ្ត​លើក ទី១ ដែល​ប្រារព្ធ​ឡើង​កាល​ពី​សប្តាហ៍​មុន។
ក្រុម​និស្សិត​កំពុង​ចូល​រួម​ពិព័រណ៍ និង​សនិ្នសីទ​វិទ្យាសាស្រ្ត​លើក ទី១ ដែល​ប្រារព្ធ​ឡើង​កាល​ពី​សប្តាហ៍​មុន។ រូបថត Kim Mccosker

កម្ពុជា​ចាំ​បាច់​អភិវឌ្ឍ​វិស័យ​អប់រំ​បែប​វិទ្យាសាស្រ្ត

ក្នុង​ពិធី​ពិព័រណ៍​វិទ្យាសាស្ត្រ​និង​វិស្វកម្ម​ជាតិ​លើក​ដំបូង​នៅ​កម្ពុជា កាល​ពី​សប្តាហ៍​មុន សិក្ខាកាម​ដែល​បាន​ចូល​រួម​កំពុង​ព្យាយាម​ប្រើ​ប្រាស់​មធ្យោបាយ​របស់​ខ្លួន​ផ្ទាល់​ដើម្បី​ដោះស្រាយ​បញ្ហា​នៅ​ទ្រឹង​ជា​យូរ​មក​ហើយ​ក្នុង​ការ​អភិវឌ្ឍ​សេដ្ឋកិច្ច​កម្ពុជា ពោលគឺ​ជំរុញ​ឲ្យ​ក្រុម​យុវជន​មាន​ចំណាប់​អារម្មណ៍​នឹង​វិស័យ​អប់រំ​ផ្តោត​លើ​លក្ខណៈ​វិទ្យាសាស្ត្រ។

ថ្លែង​ចេញ​ពី​អគារ​ដ៏​ធំ​មួយ​នៅ​សាកល​វិទ្យាល័យ​ភូមិន្ទ​ភ្នំពេញ លោក Allen Tan អ្នក​ដឹក​នាំ​រៀបចំ​កម្មវិធី​នេះ បាន​ឲ្យ​ដឹង​ថា យើង​នៅ​ទីនេះ ដោយ​សារ​យើង​ជឿជាក់​ថា ប្រទេស​កម្ពុជា​នឹង​ងាក​ទៅ​រក​អនាគត និង​តម្រូវការ​អាជីព​ផ្នែក STEM (វិទ្យាសាស្ត្រ បច្ចេកវិទ្យា វិស្វកម្ម និង​គណិតវិទ្យា)។

ដោយ​មាន​សិស្ស​ជិត​ពាក់​កណ្តាល​នៃ​ចំនួន​សិស្ស​ទាំង​អស់​ចូល​រួម ឬ​ស្មើ​នឹង ១១ ម៉ឺន​នាក់​ដែល​បាន​ចូល​សិក្សា​នៅ​សាកល​វិទ្យាល័យ បច្ចុប្បន្ន​បាន​ចុះ​ឈ្មោះ​ចូល​រៀន​ផ្នែក​ទាក់ទង​នឹង​ពាណិជ្ជកម្ម លំហូរ​ទិន្នផល​អប់រំ​នា​ពេល​ថ្មីៗ​នេះ គឺ​ហាក់​ដូច​ជា​ដើរ​មិន​ស្រប​ជាមួយ​នឹង​ទស្សន​វិស័យ​របស់​រដ្ឋាភិបាល ឬ​ពួកគេ​អាច​ចាត់​ទុក​ថា មិន​ត្រូវ​គ្នា​ជាមួយ​នឹង​តម្រូវការ​ផ្នែក​សេដ្ឋកិច្ច​នា​ពេល​អនាគត ដែល​មាន​គោល​បំណង​បង្កើន​ល្បឿន​ចូល​ក្នុង​ឧស្សាហកម្ម​កាន់​តែ​ជឿន​លឿន​នោះ ដូចជា​ការ​ដំឡើង​គ្រឿង​អគ្គិសនី ឬ​ប្រេង និង​ឧស្ម័ន​ជាដើម។

លោក​នាយក​រដ្ឋ​មន្ត្រី ហ៊ុន សែន កម្ពុជា បាន​ឲ្យ​ដឹង​ក្នុង​សន្និសីទ​ចក្ខុវិស័យ​កម្ពុជា ឆ្នាំ​២០១៥ នៅ​ភ្នំពេញ​កាលពី​សប្តាហ៍​មុន​នេះ ស្រប​ពេល​ជាមួយ​គ្នា​នឹង​ការ​ដាក់​ឲ្យ​អនុវត្ត​គោល​នយោបាយ​អភិវឌ្ឍន៍​ឧស្សាហកម្ម​ថ្មី​នៅ​កម្ពុជា​ថា៖ «បច្ចុប្បន្ន កំណើន​សេដ្ឋកិច្ច​របស់​កម្ពុជា​ពឹង​ផ្អែក​លើ​វិស័យ​ចាស់ៗ ដូច​ជា វិស័យ​កាត់​ដេរ សម្លៀក​បំពាក់ ទេសចរណ៍ សំណង់ និង​កសិកម្ម ជាដើម»។

លោក​បាន​ថ្លែង​បន្ត​ថា៖ «ស្ថានភាព​បែបនេះ​បាន​បង្ហាញ​ថា វា​ជា​ការ​ចាំបាច់ និង​ជា​បន្ទាន់​ក្នុង​ការ​ធ្វើ​ពិពិធ​កម្ម​ចូល​ទៅក្នុ​ង​វិស័យ​ថ្មី ជា​ពិសេស​ឧស្សាហកម្ម និង​សិប្បកម្ម ដែល​តម្រូវ​ឲ្យ​មាន​ការ​វិនិយោគ​យ៉ាង​ច្រើន​សន្ធឹក​សន្ធាប់​ថែម​ទៀត»។

ទិន្នន័យ​ដែល​ទទួល​បាន​ពី​ធនាគារ​ពិភពលោក​តំបន់​អាស៊ី​បូព៌ា និង​ប៉ាស៊ីហ្វិក នៅ​ក្នុង​ការ​សិក្សា​ស្តីពី​ការងារ​ចាប់​ពី ឆ្នាំ​២០១៤ មក​បាន​បង្ហាញ​ថា និស្សិត​សាកល​វិទ្យាល័យ​កម្ពុជា តិច​ជាង ៦ ភាគរយ​បាន​ចុះ​ឈ្មោះ​ចូល​រៀន​មុខវិជ្ជា​ទាក់ទង​នឹង​វិទ្យាសាស្ត្រ​នេះ ដូច​ជា​ជីវវិទ្យា ឬ​វិស្វកម្ម ដោយ ៤៦ ភាគរយ​បាន​សិក្សា​ផ្នែក​គណនេយ្យ ហិរញ្ញវត្ថុ ឬ​គ្រប់​គ្រង។

របាយ​ការណ៍​នេះ បាន​ឲ្យ​ដឹង​ថា៖ «នៅ​កម្ពុជា ចំណែក​ខ្ពស់​នៃ​និស្សិត​ដែល​បញ្ចប់​ការ​សិក្សា​ផ្នែក​វិទ្យាសាស្ត្រ​សង្គម កំពុង​បង្ហាញ​ក្តី​បារម្ភ​ថា ជំនាញ​នានា​ចាំ​បាច់​ត្រូវ​ជំរុញ​ដល់​កំណើន​សេដ្ឋកិច្ច​កម្ពុជា មាន​ន័យ​ថា វិទ្យាសាស្ត្រ​ធម្មជាតិ នឹង​មិន​ត្រូវ​បាន​បង្កើត​ឡើង​ទេ។

ស្ថានភាព​បែប​នេះ បាន​បង្ហាញ​ពី​បញ្ហា​ប្រឈម​ដ៏​ធំ​មួយ​ចំពោះ​ប្រទេស​មួយ​នេះ ខណៈ​ដែល​ខ្លួន​ព្យាយាម​សម្រេច​គោលដៅ ដែល​បាន​កំណត់​ក្នុង​គោល​នយោបាយ​អភិវឌ្ឍន៍​ឧស្សាហកម្ម [IDP] ដែល​ត្រូវ​បាន​អនុម័ត​ដោយ​គណៈ​រដ្ឋ​មន្ត្រី​កាលពី​សប្តាហ៍​មុន។

ក្រោម​គោល​នយោបាយ​នេះ វិស័យ​ឧស្សាហកម្ម​របស់​កម្ពុជា មាន​គោល​បំណង​បង្កើន ៣០ ភាគរយ នៃ ផ.ស.ស នៅ ឆ្នាំ​២០២៥។

ប៉ុន្តែ​ដើម្បី​សម្រេច​បាន​តាម​គោលដៅ​នេះ កម្ពុជា​ចាំបាច់​ត្រូវ​ធ្វើ​ពិពិធកម្ម​មូលដ្ឋាន​នាំ​ចេញ​របស់​ខ្លួន​ពី​វិស័យ​កាត់ដេរ​មក​រក​វិស័យ​ផលិតកម្ម​ធុន​ស្រាល គ្រឿង​អេឡិច​ត្រូនិក ការ​កែច្នៃ​អាហារ និង​វិស័យ​ផ្សេង​ទៀត ដែល​ត្រូវ​ការ​បុគ្គលិក​មាន​ជំនាញ​ខ្ពស់ និង​ការ​អប់រំ​កាន់​តែ​ប្រសើរ។

ជំហាន​ដំបូង​ឆ្ពោះ​ទៅ​រក​វិស័យ​នេះ កាល​ពី​ខែ​មុន ក្រសួង​អប់រំ យុវជន និង​កីឡា បាន​ឈប់​ផ្តល់​អាជ្ញាប័ណ្ណ​សម្រាប់​មុខវិជ្ជា​ពាណិជ្ជកម្ម​ថ្មី​នៅ​តាម​សាកល​វិទ្យាល័យ ដើម្បី​ទប់​ស្កាត់​ការ​ផ្គត់​ផ្គង់​និស្សិត​ផ្នែក​ពាណិជ្ជកម្ម​ហួស​កម្រិត។

លោក Ros Salin អ្នក​នាំ​ពាក្យ​ក្រសួង​នេះ បាន​ឲ្យ​ដឹង​ថា៖ «សាកល​វិទ្យាល័យ​ទាំង​នោះ អាច​លើក​កម្ពស់​គុណភាព​អប់រំ​ជំនួស​វិញ»។

ប៉ុន្តែ​គ្រាន់​តែ​ការ​ទប់​ស្កាត់​ចំនួន​និស្សិត​ផ្នែក​ពាណិជ្ជ​កម្ម​នេះ មិន​គ្រប់​គ្រាន់​សម្រាប់​កម្ពុជា​ដើម្បី​បង្កើន​វិស័យ​ផលិតកម្ម​មិន​មែន​កាត់ដេរ​រហូត​ដល់ ១៥ ភាគរយ​នៃ​ទំហំ​នាំ​ចេញ​សរុប​របស់​ប្រទេស​នេះ​នៅ ឆ្នាំ​២០១៥ ស្រប​តាម IDP នោះ​បាន​ទេ។

ទន្ទឹម​នឹង​នោះ​ដែរ លោក Salin មាន​ប្រសាសន៍​ថា ក្រសួង​អប់រំ​គ្រោង​នឹង​បង្កើត​សាលា​បណ្តុះ​បណ្តាល​វិជ្ជាជីវៈ​បី​ថែម​ទៀត ហើយ​វិនិយោគ​ក្នុង​វិស័យ​អប់រំ​វិទ្យាសាស្ត្រ និង​ស្រាវជ្រាវ តែ​កង្វះ​មូលនិធិ​មាន​ន័យ​ថា រដ្ឋាភិបាល​កំពុង​ស្វែង​រក​ដៃគូ​ជាមួយ​នឹង​វិស័យ​ឯកជន​ឲ្យ​ជួយ។

លោក​មាន​ប្រសាសន៍​ទៀត​ថា៖ «ចំពោះ​រដ្ឋ​មន្ត្រី​ថ្មី យើង​ត្រូវ​មាន​ភាព​ជា​ដៃគូ​វិនិយោគ​ជាមួយ​នឹង​ក្រុមហ៊ុន​ឯកជន»។

លោក​ថ្លែង​ថា ក្រុមហ៊ុន Mineabea ជា​ក្រុមហ៊ុន​ដំឡើង​គ្រឿង​អេឡិច​ត្រូនិក​ឈាន​មុខ​គេ​របស់​ជប៉ុន នៅ​ពេល​នេះ​បាន​បង្កើន​បុគ្គលិក​ដល់ ៧ ០០០ នាក់​នៅ​ក្នុង​តំបន់​សេដ្ឋកិច្ច​ពិសេស​ភ្នំពេញ និង​ក្រុម​ហ៊ុន​ប្រេង​សិង្ហបុរី KrisEnergy ដែល​បច្ចុប្បន្ន​បាន​ទិញ​ភាគហ៊ុន​របស់​ក្រុមហ៊ុន Chevron នៅ​ក្នុង​ប្លុក A ក្រុម​ហ៊ុន​ទាំង​ពីរ​នេះ​កំពុង​សាង​សង់​អគារ​បណ្ដុះ​បណ្ដាល​ដើម្បី​កែលម្អ​លទ្ធផល​អប់រំ។ លោក​បាន​លើក​ឡើង​ថា៖ «បញ្ហា​ប្រឈម​គឺ​ការ​វិនិយោគ»។

លោក ឡេង ឧត្តម គឺជា​វិស្វករ​ស៊ីវិល​និង​ជា​មន្ដ្រី​បច្ចេកទេស​នៅ​ក្នុង​កម្មវិធី​ជីវ​ឧស្ម័ន​ជាតិ​ដែល​ជា​កម្មវិធី​របស់​រដ្ឋាភិបាល​ដែល​ជួយ​កសិករ​ប្រែ​ក្លាយ​ជី​អាចម៍​សត្វ​ទៅ​ជា​ជីវម៉ាស​និង​ជា​ក្រុមហ៊ុន​តាំង​ពិព័រណ៍​មួយ​ក្នុង​ចំណោម​ក្រុមហ៊ុន​តាំង​ពិព័រណ៍​ជាច្រើន​នៅ​ក្នុង​សន្និសីទ​នេះ។

លោក ឧត្តម បាន​ថ្លែង​ថា និស្សិត​ជា​ច្រើន​មិន​ចាប់​អារម្មណ៍​ខាង​វិស្វកម្ម​ទេ​ដោយ​សារ​តែ «ពួកគេ​គិត​ថា វា​ពិបាក​ខ្លាំង​ពេក» និង «ការ​រក​ប្រាក់​កាស​មិន​ច្រើន​នោះ​ទេ» ទោះ​បី​ជា​លោក​បាន​លើក​ឡើង​ពី​ការ​កើន​ឡើង​អគារ​ខ្ពស់ៗ​នៅ​ទីក្រុង​ភ្នំពេញ​ជា​ប្រភព​នៃ​ឱកាស​សម្រាប់​ការ​ចាប់​ផ្ដើម​អភិវឌ្ឍ​វិស្វកម្ម​ក៏​ដោយ។

លោក Allen Tan ស្ថាបនិក​សន្និសីទ​នេះ​បាន​លើក​ឡើង​ពី​ការ​ធ្វើ​សមាហរណ​កម្ម​អាស៊ាន​ថា ជា​ហេតុ​ផល​នៃ​ការ​ជំរុញ​ដើម្បី​ចាប់​ផ្ដើម «បញ្ហា​ប្រឈម​ធនធាន​មនុស្ស​ដ៏​ធំ» របស់​ប្រទេស​កម្ពុជា។

លោក​បាន​បញ្ជាក់​ថា នៅ​ពេល​អនាគត រោងចក្រ​ជាច្រើន​នឹង​ចូល​មក​ក្នុង​ប្រទេស​កម្ពុជា អាច​ជួល​វិស្វករ​កម្ពុជា​ឲ្យ​ត្រួត​ពិនិត្យ​ប្រតិបត្តិការ ជំនួស​វិស្វករ​បរទេស។ លោក​ថា៖ «វិស្វករ​កម្ពុជា​អាច​ប្រកួត​ប្រជែង​បាន ប៉ុន្តែ​នៅ​តែ​ទទួល​បាន​ប្រាក់​ខែ​ទាប​ជាង​គេ»។

លោក Jayant Menon សេដ្ឋវិទូ​ជាន់​ខ្ពស់​របស់​ធនាគារ​អភិវឌ្ឍន៍​អាស៊ី​ប្រចាំ​នៅ ទីក្រុង​ម៉ានីល ប្រទេស​ហ្វីលីពីន បាន​ថ្លែង​ថា នៅ​ក្នុង​រយៈ​ពេល​ខ្លី AEC អាច​ផ្ដល់​ឱកាស​សម្រាប់​ប្រទេស​កម្ពុជា​ដើម្បី​បំពេញ​គម្លាត​ជំនាញ​របស់​ខ្លួន​តាម​រយៈ​ការ​ធ្វើ​វា​ឲ្យ​កាន់​តែ​ងាយ​ស្រួល​ក្នុង​ការ​ជួល​វិស្វករ​ដែល​មាន​ការ​បណ្ដុះ​បណ្ដាល​ល្អ​ប្រសើរ​មកពី​តំបន់​នេះ។

ប៉ុន្តែ​លោក​បាន​ថ្លែង​ថា អត្ថ​ប្រយោជន៍​ក្នុង​រយៈ​ពេល​ខ្លី​ណា​មួយ​នឹង​ចាំបាច់​ត្រូវ​បាន​ធ្វើ​ឡើង​ជាមួយ​នឹង​ការ​វិនិយោគ​ដ៏​សំខាន់។

លោក Jayant បន្ត​ថា៖ «នៅ​ក្នុង​រយៈ​ពេល​ខ្លី (ប្រទេស​កម្ពុជា) គឺ​ចាំ​បាច់​ត្រូវ​បង្កើន​ការ​វិនិយោគ​ខាង​មូលធន​មនុស្ស តាម​រយៈ​ការ​បញ្ជូន​និស្សិត​ឲ្យ​កាន់​តែ​ច្រើន​ទៅ​គ្រឹះស្ថាន​មាន​គុណភាព​នៅ​ក្រៅ​ប្រទេស​ខណៈ​ជាមួយ​គ្នា​នេះ​ក៏​នឹង​ធ្វើ​ការ​កែ​លម្អ​គុណភាព​បណ្ដុះ​បណ្ដាល​នៅ​ក្នុង​ប្រទេស​ផង​ដែរ»៕

អត្ថបទគួរចាប់អារម្មណ៍