The Phnom Penh Post Search

Search form

Logo of Phnom Penh Post newspaper Phnom Penh Post - កម្ពុជា​ជប៉ុន ចុះ​កិច្ច​ព្រមព្រៀង​សេវា​ហោះហើរ

កម្ពុជា​ជប៉ុន ចុះ​កិច្ច​ព្រមព្រៀង​សេវា​ហោះហើរ

Yuji Kumamaru ឯកអគ្គរដ្ឋទូត​ជប៉ុន​ប្រចាំ​កម្ពុជា និង​លោក ម៉ៅ ហាវណ្ណាល់ រដ្ឋលេខាធិការ​នៃ​រដ្ឋលេខាធិការ​ដ្ឋាន​អាកាសចរ​ស៊ីវិល។
Yuji Kumamaru ឯកអគ្គរដ្ឋទូត​ជប៉ុន​ប្រចាំ​កម្ពុជា និង​លោក ម៉ៅ ហាវណ្ណាល់ រដ្ឋលេខាធិការ​នៃ​រដ្ឋលេខាធិការ​ដ្ឋាន​អាកាសចរ​ស៊ីវិល។ ម៉ៃ វីរៈ

កម្ពុជា​ជប៉ុន ចុះ​កិច្ច​ព្រមព្រៀង​សេវា​ហោះហើរ

ភ្នំពេញៈ​ កម្ពុជា​ និង​ជប៉ុន​កាល​ពី​ម្សិល​មិញ​បាន​ចុះ​ហត្ថ​លេខា​លើ​កិច្ច​ព្រម​ព្រៀង​សេវា​កម្ម​ដឹក​ជញ្ជូន​តាម​ផ្លូវ​អាកាស​ ​ដែល​ជា​កិច្ច​ព្រម​ព្រៀង​បើក​ឲ្យ​មាន​ការ​ហោះ​ហើរ​ជា​ទៀង​ទាត់​រវាង​ប្រទេស​ទាំង​ពីរ។​

កិច្ច​ព្រម​ព្រៀង ​សេវា​កម្ម​ដឹក​ជញ្ជូន​តាម​ផ្លូវ​អាកាស​កម្ពុជា​ជប៉ុន​នេះ​ត្រូវ​បាន​ចុះ​ហត្ថ​លេ​ខា​ដោយ​ លោក​ Yuji Kumamaru ​ឯក​អគ្គ​រាជទូត​វិសា​មញ្ញ ​និង​ពេញ​សមត្ថ​ភាព​នៃ​ប្រទេស​ជប៉ុន​ប្រចាំ​នៅ​កម្ពុជា​និង​លោក ​ម៉ៅ ​ហា​វណ្ណាល់ ​រដ្ឋ​លេខា​ធិការ​នៃ​រដ្ឋ​លេខាធិ​ការ​ដ្ឋាន​​អាកា​សចរ​ស៊ីវិល​។​

កិច្ច​ព្រម​ព្រៀង​នេះ​បង្កើត​ក្រប​ខ័ណ្ឌ​ច្បាប់​មួយ​ដើម្បី​បើក​ផ្លូវ​ហោះ​ហើរ​របស់​ក្រុម​ហ៊ុន​អាកាសចរ​ណ៍នៃ​ប្រទេស​ទាំង​ពីរ​ដែល​នឹង​ផ្តល់​ឲ្យ​គ្នា​ទៅ​វិញ​ទៅ​មក​នូវសិទ្ធ​ិប្រតិ​បត្តិ​ការ​ហោះ​ហើរ ​និង​បញ្ជាក់​ដំណោះ​ស្រាយ​បញ្ហា​នានា ​ដូច​ជា​ ការ​លើ​ក​លែង​ពន្ធ​គយ​ គោល​ការណ៍​កំណត់​ចំណុះ​ដឹក​ជញ្ជូន​ នីតិ​វិធី ​កំណត់​តម្លៃ​សំបុត្រ​យន្ត​ហោះ ​និង​ការ​ធានា​នូវ​វិធានការ​គ្រប់​គ្រង​សុវត្ថិ​ភាព​និង​សន្តិសុខ​អាកាសចរណ៍។​ នេះ​បើ​តាម​សេចក្ដី​ប្រ​កាស​ព័ត៌មាន​ពី​រដ្ឋលេខា​ធិការដ្ឋាន​អាកាសចរ​ស៊ីវិល​ផ្សាយ​កាល​ពី​ម្សិល​មិញ​។​

សេច​ក្ដី​ប្រកាស​ព័ត៌​មាន​បន្ត​ថា​៖ «​កិច្ច​ព្រម​ព្រៀង​នេះ​នឹង​អនុ​ញ្ញាត​សម្រាប់​ប្រតិ​បត្តិ​ការ​ស្ថិរ​ភាព​នៃ​ជើង​ហោះ​ហើរ​លក្ខ​ណៈ​ទៀង​ទាត់​រវាង​​ប្រទេស​ជប៉ុន​ និង​កម្ពុជា​ ហើយ​នឹង​លើក​កម្ពស់​បន្ថែម​ដល់​ប្រជា​ជន​ជា​មួយ​ប្រជាជន ​​និង​ការ​ផ្លាស់ប្តូរ​សេដ្ឋកិច្ច»​។​

លោក​ កុយ ​គួង​ អ្នក​នាំ​ពាក្យ​ក្រសួង​ការ​បរទេស​ និង​សហ​ប្រតិ​បត្តិ​ការ​អន្តរ​ជាតិ​បាន​ឲ្យ​ដឹង​ថា​ កិច្ច​ព្រម​ព្រៀង​នេះ​នឹង​ជំរុញ​ឲ្យ​មាន​ការ​ហោះហើរ​ត្រង់​រវាង​ប្រទេស​ទាំង​ពីរ​ដែល​នឹង​ជួយ​សម្រួល​ដល់​ការ​ធ្វើ​ដំណើរ​របស់​ភ្ញៀវ​ទេសចរ​ និង​អ្នក​វិនិយោគ​។​

លោក​បន្ត​ថា ភ្ញៀវ​ទេសចរ​ជប៉ុន​មក​ទស្សនា​ប្រទេស​កម្ពុជា​មាន​ជាង​២០​ម៉ឺន​នាក់​ ជាប់​ចំណាត់​ថ្នាក់​លេខ​៥​ ដែល​បាន​មក​ទស្សនា​កម្ពុជា​។​

គួរ​បញ្ជាក់​ដែរ​ថា​ ជប៉ុន​បាន​ចុះ​ហត្ថ​លេ​ខាលើ​កិច្ច​ព្រម​ព្រៀង​សេវា​កម្ម​ដឹក​ជញ្ជូន​តាម​ផ្លូវ​អាកាស​នេះ​ជាមួយ​ប្រទេស​ចំនួន​៩​រួច​ហើយ​ក្នុង​ចំណោម​ប្រទេស​ជា​សមាជិក​អាស៊ាន​ទាំង​១០​ មុន​ពេល​ការ​ចូល​មក​ដល់​នៃ​សមា​ហរណកម្ម​សេដ្ឋកិច្ច​អាស៊ាន​នៅ​ក្នុង​ខែ​ធ្នូ​ ឆ្នាំ​នេះ៕

អត្ថបទគួរចាប់អារម្មណ៍