.jpg)
លោក អ៊ូក សោភ័ណ្ឌ ឯកអគ្គរាជទូតវិសាមញ្ញ និងពេញសមត្ថភាពរបស់កម្ពុជាប្រចាំនៅទីក្រុងបាងកកបានឲ្យដឹងនៅក្នុងមហាសនិ្នបាតលើកដំបូងតាមអនឡាញនៃការដាក់ឲ្យដំណើរការ CBC ។ រូបភាព:សហការី
មជ្ឈមណ្ឌលប្រឹក្សាពាណិជ្ជកម្មកម្ពុជា (CBC) ត្រូវបង្កើតឡើងលើកដំបូងជាប្រវត្តិសាស្ត្រកាលពីថ្ងៃទី ២០ ខែឧសភានៅទីក្រុងបាងកក ដើម្បីបម្រើជាមជ្ឈមណ្ឌលច្រកចេញចូលតែមួយសម្រាប់ការផ្លាស់ប្តូរពាណិជ្ជកម្ម និងការវិនិយោគ វប្បធម៌ និងទេសចរណ៍រវាងកម្ពុជា និងថៃ ជាពិសេសជាកតាលីកក្នុងការចូលរួមអនុវត្ត «យុទ្ធសាស្ដ្រការទូតសេដ្ឋកិច្ចឆ្នាំ ២០២១-២០២៣»។
CBC ដែលត្រូវបានផ្តួចផ្ដើមឡើងដោយស្ថានទូតកម្ពុជាប្រចាំទីក្រុងបាងកក បានក្លាយជាគំនិតផ្តួចផ្ដើមដំបូងគេមិនធ្លាប់មាននៅក្នុងប្រវត្តិសាស្ដ្រកាទូតប្រទេសកម្ពុជាក្នុងការលើកកម្ពស់ការទូតសេដ្ឋកិច្ច ដើម្បីធ្វើជាស្ពានមួយដែលរួមចំណែកដល់គោលនយោបាយសេដ្ឋកិច្ចការទូតរបស់រដ្ឋាភិបាលក្នុងចំណោមបណ្ដាលប្រទេសជាច្រើនទៀតនៅក្នុងតំបន់ និងលើពិភពលោក។
លោក អ៊ូក សោភ័ណ្ឌ ឯកអគ្គរាជទូតវិសាមញ្ញ និងពេញសមត្ថភាពរបស់កម្ពុជាប្រចាំនៅទីក្រុងបាងកកបានឲ្យដឹងនៅក្នុងមហាសនិ្នបាតលើកដំបូងតាមអនឡាញនៃការដាក់ឲ្យដំណើរការ CBC នៅក្នុងប្រទេសថៃ ស្ថានទូតលោកប្រចាំទីក្រុងបាងកក តែងតែចូលរួមក្នុងសហគមន៍ពាណិជ្ជកម្មនៅក្នុងប្រទេសថៃ ដើម្បីផ្សព្វផ្សាយការទូតសេដ្ឋកិច្ច លើកកម្ពស់ពាណិជ្ជកម្មអន្តរជាតិ និងទាក់ទាញក្រុមវិនិយោគិនបរទេស។ ជាមួយនឹងទំនាក់ទំនងដ៏ស្និទ្ធស្នាលជាមួយបណ្ដាប្រទេសជិតខាងដូចជាដៃ មានសារៈសំខាន់បំផុត ដោយសារតែថា អាចនាំយកអត្ថប្រយោជន៍សេដ្ឋកិច្ច សន្ដិភាព សន្ដិសុខ និងស្ថិរភាពទៅវិញទៅមក។
យោងតាមលោក អ៊ូក សោភណ្ឌ ប្រទេសថៃ ស្ថិតក្នុងចំណោមប្រទេសវិនិយោគិនធំជាងទី ៩ នៅក្នុងប្រទេសកម្ពុជា ដែលស្រូបយកប្រហែល ១ ពាន់លានដុល្លារនៅចន្លោះឆ្នាំ ១៩៩៤ និងចុងត្រីមាសទី ៣ ឆ្នាំ ២០១៧។
ទាក់ទងនឹងពាណិជ្ជកម្មទ្វេភាគី កម្ពុជា និងថៃ សម្រេចបាន ៧,២៣៦ ពាន់លានដុល្លារកាលពីឆ្នាំមុន ដែលធ្លាក់ចុះ ២៣,១៧ ភាគរយធៀបនឹងឆ្នាំ ២០១៩ ភាគច្រើន ដោយសារតែសេដ្ឋកិច្ចរំខាន ដោយសារតែការរីករាលដាលជំងឺកូវីដ១៩។ នេះបើយោងតាមក្រសួងពាណិជ្ជកម្មថៃ៕LA
