.jpg)
ប្រទេសកម្ពុជា បាននាំចូលសាច់ក្របីពីប្រទេសឥណ្ឌា ក្នុងតម្លៃ ១៧,៧ លានដុល្លារ កាលពីឆ្នាំមុន កើនឡើងពី ៦,៤ លានដុល្លារធៀបនឹងឆ្នាំ ២០១៩។ រូបថត សហការី
ភ្នំពេញ៖ ឥណ្ឌា គឺជាទីផ្សារដ៏ធំមួយនៃការផ្គត់ផ្គង់សាច់ក្របី និងអាហារនានា ហើយប្រទេសកម្ពុជា បាននាំចូលសាច់ក្របីពីប្រទេសឥណ្ឌា ក្នុងតម្លៃ ១៧,៧ លានដុល្លារ កាលពីឆ្នាំមុន កើនឡើងពី ៦,៤ លានដុល្លារធៀបនឹងឆ្នាំ ២០១៩។ នេះបើយោងតាមសេចក្ដីប្រកាសព័ត៌មានរបស់ស្ថានទូតឥណ្ឌាប្រចាំទីក្រុងភ្នំពេញ។
តួលេខនេះបានបង្ហាញនៅក្នុងកិច្ចប្រជុំអ្នកទិញ-អ្នកលក់ (BSM) តាមវីដេអូអនឡាញនៃសាច់ក្របី និងសាច់ផ្សេងទៀតដែលនាំចូលពីប្រទេសឥណ្ឌា និងការនាំចូលពីកម្ពុជាកាលពីថ្ងៃទី ២៨ ខែ មេសា ឆ្នាំ ២០២១។
កិច្ចប្រជុំនេះ បានសម្របសម្រួលជាមួយអាជ្ញាធរអភិវឌ្ឍន៍ការនាំចេញអាហារកសិកម្ម និងកែច្នៃ (APEDA) ឥណ្ឌា និងសភាពាណិជ្ជកម្មកម្ពុជា។
ក្រុមហ៊ុនប្រហែល ៦១ មកពីភាគីទាំងពីរបានចូលរួមនៅក្នុងព្រឹត្តិការណ៍នេះ។ ក្នុងអំឡុងពេល BSM ដែលការសន្ទនា ដែលមានព័ត៌មានលម្អិតរបស់ក្រុមហ៊ុនដែលចូលរួមទាំងអស់ត្រូវបានបង្ហាញសម្រាប់ជាអត្ថប្រយោជន៍របស់ក្រុមហ៊ុនមកពីភាគីទាំងពីរ។
ស្ថានទូតឥណ្ឌាបានឲ្យដឹងថា កាលពីឆ្នាំ ២០២០ ការនាំចេញសាច់ក្របីពីប្រទេសឥណ្ឌា មានតម្លៃ ១៧,៧ លានដុល្លារធៀបនឹង ៦,៤ លានដុល្លារ កាលពីឆ្នាំ ២០១៩ និងកើនឡើង ១២,២៨ ភាគរយនៃពាណិជ្ជកម្មទ្វេភាគីសរុប។
ការនាំចេញសាច់ក្របីពីប្រទេសឥណ្ឌា មកប្រទេសកម្ពុជា នៅក្នុងរយៈពេល ២ ខែដំបូងឆ្នាំ ២០២១ បានកើនឡើងដល់ ៩,៣២ លានដុល្លាររួចហើយ និងត្រូវបានរំពឹងថា នឹងមើលឃើញកំណើនរហ័សក្នុងរយៈពេលជាច្រើនឆ្នាំខាងមុន។
លោកស្រី DevyaniKhobragade អគ្គរាជទូតប្រទេសឥណ្ឌា បានលើកឡើងអំពីសាច់ និងគំរូការប្រើប្រាស់ផលិតផលសាច់នៅក្នុងប្រទេសកម្ពុជា គម្លាតរវាងការផលិតក្នុងស្រុក និងការប្រើប្រាស់ក្នុងស្រុក និងឱកាសនាំចេញសម្រាប់ក្រុមហ៊ុនប្រទេសឥណ្ឌា។
លោកស្រីថ្លែងថា៖ «ក្រុមហ៊ុនប្រទេសឥណ្ឌា នឹងអាចផ្គត់ផ្គង់សាច់មានគុណភាពល្អ និងផលិតផលសាច់ដល់ប្រទេសកម្ពុជា នៅក្នុងតម្លៃកាន់តែទាប និងបង្កើនចំណែកទីផ្សាររបស់ខ្លួន និងរួមចំណែកបន្ថែមទៀតក្នុងការពង្រឹងទំនាក់ទំនងពាណិជ្ជកម្ម និងពាណិជ្ជកម្មរវាងប្រទេសទាំងពីរនេះ»។
លោក ម៉េង និមល អគ្គនាយករង និងជាទីប្រឹក្សាក្រសួងពាណិជ្ជកម្ម បានលើកទឹកចិត្តដល់ក្រុមហ៊ុននានា មកពីភាគីទាំងពីរត្រូវធ្វើការទំនាក់ទំនងទៅវិញទៅមក ដើម្បីស្វែងរកឱកាសពាណិជ្ជកម្មសម្រាប់ការពង្រីកទំនាក់ទំនងពាណិជ្ជកម្មរវាងប្រទេសទាំងពីរ។
ប្រទេសកម្ពុជា កាលពីថ្ងៃទី ១ ខែឧសភា បានដាក់ការហាមឃាត់មិនកំណត់ពេលវេលាមួយ លើការនាំចូលសាច់បង្កក និងទំនិញបង្កកផ្សេងទៀត ដែលចាត់ទុកថា ជា «ហានិភ័យខ្ពស់» ដែលមានប្រភពមកពីប្រទេសឥណ្ឌា ដើម្បីទប់ស្កាត់ការរីករាលដាលជំងឺកូវីដ ១៩ ដោយសារតែរលកវីរុសកូរ៉ូណាលើកទី២ ដ៏គ្រោះថ្នាក់នៅក្នុងប្រទេសមហាអំណាចសេដ្ឋកិច្ចក្នុងតំបន់មួយនេះ៕LA
